Psalms 28

Man i beten bilong God i helpim em

Devit i raitim dispela song.

Bikpela, a  yu helpim bilong mi.
Mi singaut long yu.
Harim krai bilong mi.
Sapos yu no bekim prea bilong mi,
bai mi olsem ol manmeri
i dai pinis
na i go long ples
bilong ol man i dai pinis.
Taim b  mi singaut long yu helpim mi,
yu mas harim krai bilong mi.
Mi beten na litimapim han
i go olsem long haus bilong yu.
Yu c  no ken daunim mi
wantaim ol man nogut,
wantaim ol man
i save mekim rong.
Yu no ken daunim mi
wantaim ol man
i save mekim switpela tok,
tasol tingting nogut tasol
i save pulap long bel bilong ol.

Mekim d  save long ol dispela man
inap long pasin nogut
ol i bin mekim.
Bekim pe nogut long ol.
Inapim olgeta sin bilong ol.
Ol e  i no save tingting
long bikpela wok bilong Bikpela
na long ol samting
em i bin mekim.
Olsem na em bai i bagarapim ol,
na pinisim ol olgeta.

Mi litimapim nem bilong Bikpela.
Mi krai long em
na em i harim mi pinis.
God f  tasol i save was long mi
na banisim mi.
Olsem na mi save bilip long em.
Bikpela i save helpim mi,
olsem na mi amamas moa
long em,
na mi singim ol song
bilong litimapim nem
bilong em.

Bikpela i save lukautim
ol manmeri bilong em.
Em i sambai long king bilong em
na helpim em.
God, g  helpim ol manmeri bilong yu.
Mekim gut
long dispela lain manmeri
yu makim bilong yu yet.
Yu ken i stap wasman bilong ol,
na lukautim ol gut oltaim oltaim.
Copyright information for `TPI