Psalms 3

Long moning wanpela man i prea bilong kisim strong

Devit i ranawe long Apsalom, pikinini man bilong en, na long dispela taim em i raitim dispela song.

Bikpela, a  ol birua bilong mi
i kamap planti moa.
Ol i wok long mekim nogut long mi.
Ol i tokim mi olsem,
“God bai i no inap helpim yu.”

Tasol b  tok bilong ol i no tru.
God, yu olsem hap plang bilong pait
i haitim mi.
Yu tasol yu mekim mi i win.
Yu tasol yu pinisim
bel hevi bilong mi
na mekim mi i sanap strong.
Mi c  save singaut
long God i helpim mi.
Em i stap long maunten
bilong em yet
na em i harim singaut bilong mi.

Mi save slip long bet na mi slip i dai.
Na bihain mi save kirap gen
na mi stap gut, long wanem,
God i save lukautim mi.
10,000 d  birua i banisim mi
long olgeta hap,
tasol mi no ken pret long ol.

Bikpela, e  yu kam.
Yu God bilong mi,
yu kam helpim mi.
Yu save paitim nabaut
ol birua bilong mi.
Yu save brukim tit
bilong ol man nogut.
Bikpela, f  yu wanpela tasol
yu save kisim bek mipela
na mipela i no save bagarap.
Yu ken mekim gut
long ol manmeri bilong yu.
Copyright information for `TPI