Psalms 4

Long nait wanpela man i prea bilong kisim strong

Devit i raitim dispela song. Man i bosim musik i mas tokim ol man long paitim ol gita samting.

God, a  yu save mekim mi i win.
Taim mi singaut long yu,
yu ken harim singaut bilong mi.
Bipo mi bel hevi nogut tru,
na yu bin pinisim
bel hevi bilong mi.
Yu ken marimari long mi nau
na harim prea bilong mi.

Yupela ol man, hamas taim
bai yupela i wok long daunim
biknem bilong mi?
Hamas taim bai yupela
i laikim tumas
ol kain kain rabis samting?
Hamas taim bai yupela i bihainim
ol pasin bilong giaman?

Yupela b  i mas save gut
long dispela tok.
Ol man i save aninit tru
long Bikpela,
em i makim ol bilong em yet.
Na olgeta taim mi singaut long em,
em i save harim singaut bilong mi.
Yupela c  i mas pret long God
na lusim pasin bilong mekim sin.
Taim yupela i slip long bet,
yupela i mas tingting gut
long dispela tok,
na pasim maus.
Yupela d  i mas mekim olkain ofa
Bikpela i save laikim.
Na yupela i mas bilip tru long em.

Planti e  man i save tok olsem,
“Mipela i laik kisim
ol gutpela samting
bai mipela i ken amamas.”
Bikpela, yu ken marimari
long mipela
na helpim mipela.
Taim f  wit na wain
i kamap planti long gaden,
ol man i save amamas.
Tasol amamas yu bin putim
long bel bilong mi,
em i winim tru amamas bilong ol.
Bikpela, g  yu tasol
yu save lukautim mi
na mi stap gut.
Mi no save pret
long wanpela samting.
Taim mi go long bet,
wantu mi save slip i dai.
Copyright information for `TPI