Psalms 5

Man i prea long God i lukautim em

Devit i raitim dispela song. Man i bosim musik i mas tokim ol man long winim ol mambu.

Bikpela, harim prea bilong mi
na putim yau
long tok bilong mi.
Yu a  king na God bilong mi,
mi prea long yu.
Yu ken harim singaut bilong mi.

Bikpela, b  long olgeta moning
mi save beten long yu.
Long taim san i kam antap
mi save prea strong long yu.
Em i olsem ofa bilong mi.
Na mi wet
long yu bekim prea bilong mi.

God, yu no save amamas
long pasin i no stret.
Ol man bilong mekim pasin nogut
i no ken i stap klostu long yu.
Yu c  no save larim ol hambakman
i sanap long ai bilong yu.
Na yu no laikim tru
ol man i mekim pasin nogut.
Yu d  save bagarapim
olgeta man bilong giaman.
Na yu no laikim tru
ol man bilong kilim man i dai
na ol man bilong kusai.
Tasol e  yu save laikim mi tru.
Olsem na mi inap i go
long haus bilong yu.
Long gutpela haus bilong yu
bai mi brukim skru
na lotu long yu.
God, f  ol birua i laik bagarapim mi.
Olsem na yu ken stiaim
lek bilong mi
na bai mi bihainim
stretpela pasin bilong yu.
Soim mi rot
yu laik mi wokabaut long en.

Ol g  birua bilong mi
i no save tok tru liklik.
Ol i tingting tasol
long bagarapim ol arapela man.
Maus bilong ol i olsem matmat
i op i stap.
Ol i mekim planti tok gris
bilong pulim ol man
long bihainim ol pasin ol i laikim.

10 God, h  yu ken kotim ol
na mekim save long ol.
Paulim ol tingting nogut bilong ol.
Ol i save bikhet long yu
na mekim planti sin,
olsem na yu ken rausim ol
i go longwe long pes bilong yu.

11 Tasol i  olgeta manmeri i save larim yu
i lukautim ol,
ol i ken amamas.
Ol i ken belgut tru
na singim song bilong amamas.
Yu save lukautim ol gut.
Ol manmeri i save laikim yu tru,
ol i ken amamas moa yet
na litimapim nem bilong yu.
12 Bikpela, j  yu save mekim gut
long ol man i bihainim tru
tok bilong yu.
Yu stap olsem hap plang bilong pait
na yu haitim ol.
Yu lukautim ol gut tumas
na ol i stap gut tru.
Copyright information for `TPI