Psalms 51

Man i beten bai God i lusim sin bilong en

Devit i bin mekim trabel long Batseba, na bihain profet Natan i kam sutim tok long em. Na Devit i tingting long sin bilong en na i raitim dispela song. Em i song bilong man i bosim musik.

God, a, b  yu as bilong sori,
yu ken marimari long mi.
Yu gat bikpela marimari tru,
olsem na mi laik bai yu rausim
olgeta pasin nogut bilong mi.
Yu c  mas wasim mi olgeta,
na bai pasin nogut
i no i stap moa long mi.
Rausim sin bilong mi
na mi ken kamap klin.

Mi d  save mi mekim rong pinis.
Mi no inap lusim tingting
long sin bilong mi.
Mi e  mekim sin long yu wanpela tasol.
Mi mekim pasin nogut
long ai bilong yu.
Olsem na yu mekim
stretpela pasin tasol
na yu kotim mi
na yu bekim sin bilong mi.
Yu f  save pinis,
taim mama i karim mi,
mi kamap man
bilong mekim pasin nogut.
Taim mi stap yet
long bel bilong mama,
mi man bilong mekim sin.
Yu g  laikim tumas
long mi mas bihainim yu tru.
Olsem na mi laik bai yu lainim mi
long gutpela tingting bilong yu.
Yu h  rausim sin bilong mi
bai mi kamap klin.
Yu wasim mi
na bai mi kamap klin olgeta,
na i winim ais i waitpela tru.
Yu i  mekim bel bilong mi
i amamas gen.
Tru tumas, yu bin daunim mi olgeta,
na yu bekim pinis sin bilong mi.
Tasol nau mi laik belgut gen.
Yu j  no ken lukluk
long sin bilong mi gen.
Na mi laik bai yu lusim
olgeta rong bilong mi.

10 God, k  yu ken wokim
nupela klinpela bel
insait long mi.
Putim nupela spirit insait long mi
na bai mi bihainim yu tasol.
11 Nogut l  yu rausim mi
na mi stap longwe long yu.
Spirit bilong yu yet i stap long mi,
na yu no ken rausim long mi.
12 Bipo m  mi amamas long yu
i kisim bek mi,
na nau mi laik bai yu givim mi
dispela amamas gen.
Yu mas kirapim laik bilong mi
long bihainim tok bilong yu,
na yu ken strongim mi
long mekim olsem.
13 Na n  bai mi lainim
ol manmeri i save mekim sin,
bai ol i ken save
long pasin bilong yu,
na bai ol dispela manmeri
i kam bek long yu.

14 God, o  yu God bilong kisim bek mi,
yu ken marimari long mi
na yu no ken kilim mi i dai.
Olsem na bai mi mekim planti song
long yu i bin mekim
stretpela pasin.
15 Bikpela, p  yu ken helpim mi
long tokaut stret,
na long litimapim nem bilong yu.

16 Yu q  no laik bai mi bringim abus
bilong mekim ofa long yu.
Sapos mi kilim abus bilong ofa
na paia i kukim olgeta, maski,
yu no amamas long dispela.
17 Orait r  God, mi daunim mi yet
na mi stap aninit long yu.
Dispela em i ofa bilong mi.
Mi save, yu no givim baksait
long man i pilim hevi long sin
na i daunim em yet.

18 Long laik bilong yu yet,
yu ken mekim gut
long ol manmeri bilong Saion.
Yu ken sanapim gen
banis bilong Jerusalem.
19 Olsem na long dispela taim
bai yu laikim tumas
ol gutpela na stretpela ofa,
na olkain ofa paia i kukim olgeta.
Na bai mipela i ofaim
ol bulmakau man
long alta bilong yu.
Copyright information for `TPI