Psalms 6

Man i gat hevi em i beten long God i helpim em

Devit i raitim dispela song. Man i bosim musik i mas tokim ol man long paitim ol gita samting long pasin namba 8.

Bikpela, a  yu gat kros,
tasol yu no ken krosim mi.
Yu belhat,
tasol yu no ken mekim save
long mi.
Bikpela, b  mi no gat strong moa,
olsem na yu ken marimari
long mi.
Strong bilong mi i pinis olgeta.
Yu ken mekim mi i orait gen.
Bel c  bilong mi i gat bikpela hevi tru.
Tasol Bikpela, yu olsem wanem?
Hamas taim yet
bai mi stap bel hevi?

Bikpela, yu kam. Kisim bek mi.
Yu man bilong marimari oltaim,
yu ken helpim mi
na bai mi no inap i dai.
Ol d  man i dai pinis,
ol i no save tingim yu.
Long ples ol i stap long en,
ol i no save givim biknem long yu.

Mi singaut singaut
na strong bilong mi i pinis olgeta.
Olgeta nait aiwara bilong mi
i save wasim bet bilong mi.
Mi krai moa yet
na hetpilo bilong mi i wara olgeta.
Mi e  gat planti birua,
olsem na mi krai krai i stap.
Ai bilong mi i solap.
Mi no inap lukim wanpela samting.

Yupela f  ol man i mekim pasin nogut,
yupela klia long mi.
Bikpela i harim pinis krai bilong mi.
Mi bin singaut
long Bikpela i helpim mi,
na em i harim mi pinis.
Em i harim prea bilong mi.
10 Ol birua bilong mi
bai i gat bikpela hevi.
Ol bai i pret moa yet na sem tru.
Wantu bai ol i lusim mi
na ran i go longlong nabaut.
Copyright information for `TPI