Psalms 67

Song bilong amamas long God

Dispela song em song bilong lotu. Man i bosim musik i mas tokim ol man long paitim ol gita samting.

God, a  yu ken marimari
long mipela
na mekim gut long mipela.
Yu ken lukluk i kam long mipela
na helpim mipela.
Olsem na olgeta manmeri i ken save
long pasin bilong yu,
na olgeta lain i ken save olsem
yu inap kisim bek ol.

God, mi laik bai olgeta manmeri
i ken amamas long yu
na litimapim nem bilong yu.

Olgeta b  lain manmeri i ken belgut
na singsing bilong amamas,
long wanem, yu bai skelim pasin
bilong olgeta manmeri
long stretpela kot bilong yu,
na yu save stiaim ol lain manmeri
long gutpela rot.

God, mi laik bai olgeta manmeri
i ken amamas long yu
na litimapim nem bilong yu.

Planti c  gutpela kaikai i kamap pinis
long graun bilong mipela.
God, em i God bilong mipela,
em i bin mekim gut tru
long mipela.
Tru tumas,
God i mekim gut long mipela.
Olgeta manmeri bilong graun
i mas i stap aninit long em.
Copyright information for `TPI