Psalms 7

Prea bilong man i gat hevi

Devit i bel hevi long pasin wanpela man bilong lain Benjamin, nem bilong en Kus, i mekim long em, olsem na em i singim dispela beten long Bikpela.

God, a  Bikpela bilong mi,
mi kam long yu
na mi hait long ol birua.
Yu helpim mi,
na bai ol man i ranim mi
ol i no ken kilim mi i dai.
Yu kisim bek mi bai mi no bagarap.
Nogut ol i bagarapim mi olsem laion
i brukim skin bilong man.
Nogut ol i pulim mi
i go long wanpela hap
na i no gat man inap kisim bek mi.

God, b  Bikpela bilong mi,
sapos mi gat asua
long ol pasin nogut,
sapos mi bin mekim nogut
long narapela man,
sapos c  mi bin trikim
pren bilong mi,
na sutim tok nating long en,
na sapos mi bin mekim nogut
nating long birua bilong mi,
orait yu ken larim ol birua
i ranim mi na holimpas mi.
Ol i ken krungutim mi
na bagarapim mi olgeta
na larim bodi bilong mi
i slip i stap nating long graun.

God, d  mi laik bai yu ken kirap.
Yu ken belhat long ol birua
i pait strong moa long mi
na yu ken mekim save long ol.
God bilong mi, yu save laikim
stretpela pasin tasol,
olsem na yu mas kirap
na helpim mi.
Yu e  mas sindaun
long sia king bilong yu long heven
na tokim olgeta lain manmeri
long kam bung klostu long yu.
Bikpela, f  yu save skelim pasin
bilong olgeta lain manmeri.
Olsem na yu ken helpim mi
long winim kot,
long wanem, mi bin mekim
ol gutpela stretpela na pasin tasol.

God, g  yu stretpela olgeta.
Yu save skelim tingting na bel
bilong olgeta man.
Orait yu mas pinisim tru
ol pasin nogut
bilong ol man nogut.
Na yu ken helpim ol stretpela man
bai ol i sanap strong.

10 God h  em i wasman bilong mi.
Em i save helpim ol man
i bihainim tok bilong em.
11 God i  em i gutpela jas
na em i save mekim stretpela kot.
Oltaim em i save daunim
ol man bilong mekim pasin nogut.

12 Sapos j  ol man nogut i no tanim bel,
bai God i sapim bainat bilong en.
Na bai em i taitim banara
na i redi long pait.
13 Em k  i makim ol long spia i gat paia.
Em i redim pinis ol spia samting
bilong kilim ol dispela man i dai.

14 Lukim l  man nogut.
Em i pasim tingting pinis
long mekim ol pasin nogut.
Em i redi long mekim olkain trabel
na em i save giaman oltaim.
15 Em m  i wokim bikpela hul long graun
bilong holimpas narapela man.
Tasol em yet bai i pundaun
long dispela hul em i bin wokim.
16 Olsem n  tasol rong em i mekim
bai i karamapim em yet.
Na kros pait em i laik mekim
long ol arapela man
bai i tanim na bagarapim em yet.

17 God em i stretpela olgeta,
na mi tenkyu long em.
Bai mi singim song
long God Antap Tru
bilong litimapim
nem bilong em.
Copyright information for `TPI