c23.24Lo 23.2, GST 3.16-19, 4.3-6

Sir 23

Bikpela, yu Papa na Bikman bilong mi, yu no ken lusim mi. Nogut ol toktok bilong mi yet i paulim mi, na ol i mekim mi i pundaun. Mi prea bai wanpela man i holim kanda em i ken was long ol laik bilong mi, na skul bilong gutpela tingting i ken lukautim mi. Tupela i no ken marimari long mi long taim mi mekim rong. Na tupela i no ken abrusim ol sin bilong mi. Olsem na bai ol asua na ol sin bilong mi i no ken kamap planti, na bai mi no inap pundaun long ai bilong ol birua. Nogut ol i amamas long bagarap bilong mi.

Bikpela, yu Papa na God bilong mi, was long mi, nogut mi hambak. Na rausim ol laik nogut long mi. Nogut mi strong long kisim planti tumas kaikai na long bihainim ol mangal nogut. Pinisim ol pasin nogut i laik winim mi.

Pasin bilong tok tru antap

Ol pikinini bilong mi, yupela harim gut. Mi laik skulim yupela long pasin bilong mekim stretpela toktok. Sapos yupela i bihainim skul bilong mi, orait yupela i no ken paul. Ol manmeri bilong mekim sin i save kisim bagarap long maus bilong ol yet, na ol manmeri i save mekim tok bilas na tok sem bai ol i pundaun.

Yu a  no ken kisim pasin bilong tok tru antap, na yu no ken kolim nating nem bilong Bikpela long olgeta taim. 10 Sapos ol i paitim wokboi long kanda oltaim, ol sua bai i pulap long skin bilong em. Olsem tasol, sapos ol manmeri i mekim tok tru antap olgeta taim, na ol i kolim nating nem bilong Bikpela, bai sin bilong ol i no inap lus. 11 Ol manmeri i save mekim planti tok tru antap, ol i brukim lo, na lain bilong ol bai i painim bagarap. Sapos ol i mekim tok tru antap bilong strongim giaman tok bilong ol, orait sin bilong ol bai i stap. Na sapos ol i no wari long ol i bin mekim tok tru antap, orait sin bilong ol bai i kamap bikpela moa. Sapos ol i tok tru antap nating, bai ol i kisim bekim nogut, na famili bilong ol bai i painim ol kain kain hevi.

Toktok nogut

12 I gat narapela kain toktok i tambu tru long ol lain bilong Jekop. Ol manmeri i mekim dispela tok ol i mas i dai. Ol stretpela manmeri bai i stap longwe long dispela kain toktok, na pasin doti bilong sin bai i no inap karamapim ol. 13 Yu no ken kisim pasin bilong mekim tok i gat sem, long wanem, dispela kain tok em i sin. 14 Tingim papamama bilong yu long taim yu sindaun namel long ol bikman. Nogut yu mekim kranki toktok long ai bilong ol, na ol i ting yu longlong. Na bihain yu sem na yu tok, “Bilong wanem mama i bin karim mi?” 15 Ol manmeri i save toktok nogut olgeta taim, bai ol i no inap senis. Nogat tru.

Sin bilong pasin i gat sem

16 Mangal nogut em i strong olsem paia. Em bai i no inap i dai inap em i kukim ol manmeri olgeta. Na i gat tupela kain mangal nogut i kamapim planti sin, tasol namba 3 mangal i mekim Bikpela i belhat nogut tru. Namba wan mangal em i pasin bilong ol manmeri i save pilai long skin bilong ol yet, na em bai i no inap slek inap long taim paia bilong mangal i pinis. 17 Namba 2 mangal em pasin pamuk. Dispela kain pasin i swit moa long ol manmeri i laikim kain mangal olsem, na em i no inap slek inap long taim ol i dai. 18 Namba 3 mangal em i pasin bilong brukim marit. Ol manmeri i laikim kain mangal olsem ol bai i tok, “Husat inap long lukim mi?” Tudak i karamapim mi na banis bilong haus i haitim mi, na i no gat wanpela i lukim mi. Bai mi pret long wanem samting? Bikpela Antap Tru bai i no inap tingim ol sin bilong mi.”

19 Ol dispela manmeri ol i pret long ai bilong ol arapela manmeri tasol. Na ol i no save olsem ai bilong Bikpela i klia olgeta na i winim lait bilong planti san. Bikpela i save lukim olgeta kain pasin ol manmeri i mekim na em i glasim olgeta hap, em ol ples hait tu. 20 Bikpela i save long olgeta wok. Em i save long ol wok i no kamap yet, na long ol wok i kamap pinis. 21 Tru b  tumas, ol manmeri i brukim marit bai ol i kisim pe nogut long ai bilong olgeta man. Ol man bai i holimpasim ol long taim ol i ting ol i no inap long painim ol.

22 I wankain tasol long meri i lusim man bilong em na i kamapim pikinini wantaim narapela man. 23 Em i mekim tripela rong. Namba wan, em i sakim lo bilong Bikpela Antap Tru. Namba 2, em i rongim man bilong em. Na namba 3 em i brukim marit long pasin pamuk, na em i kamapim pikinini wantaim narapela man. 24 Bai c  ol i kotim em long ai bilong ol manmeri i bung, na bai ol i mekim save long ol pikinini bilong em. 25 Ol pikinini bilong em bai i no inap painim gutpela sindaun. Ol i olsem diwai i no gat rop na i no inap karim kaikai. 26 Na olgeta taim bai ol manmeri i tok nogut long nem bilong dispela meri. Na bai em i no inap long stretim bek gutpela nem bilong em. Na ol manmeri i kamap bihain, ol i mas save olsem, pasin bilong pret long Bikpela em i namba wan. I no gat wanpela samting i winim dispela. Na pasin bilong bihainim ol lo bilong Bikpela i swit moa yet.

27 

Ol skul tok long gutpela pasin bilong sindaun gut wantaim ol arapela

(Sapta 24.1—32.13)

Copyright information for `TPI