Sir 5

Yu no ken ting yu yet yu inap

Yu no ken pas long ol mani samting bilong yu, na yu no ken tok, “mi inap pinis.” Yu no ken pinisim laik long olgeta samting yu mangalim, na tok, “husat inap bosim mi?” Long wanem, Bikpela bai i mekim save tru long yu. Yu a  no ken tok, “mi rong pinis, tasol i no gat asua i kamap long mi.” Long wanem, Bikpela i save wet long taim bilong mekim save long ol man. Yu no ken ting, “maski, Bikpela i save lusim olgeta sin,” na yu go het tasol long mekim pasin bilong sin. Yu no ken tok, “Marimari bilong Bikpela i antap moa na bai em i rausim ol planti sin bilong mi.” Tru, em i save marimari, tasol em i save belhat tu. Na belhat i save pundaun antap long ol manmeri bilong mekim sin. Yu mas hariap na kam bek long Bikpela. Yu no ken senisim de i go long tumora. Kros bilong Bikpela bai i kamap wantu tasol, na bai em i mekim save long yu, na yu pinis olgeta. Yu no ken hangamap long mani yu kisim pinis long pasin nogut. Long wanem, dispela mani i no inap helpim yu long de bilong bagarap.

Tok bilong yu i mas stret tasol

Yu no ken kukim gaden long taim win i senis nabaut, na tu yu no ken bihainim ol kain kain rot. Dispela em i pasin bilong ol manmeri bilong mekim sin, em ol lain i gat tupela tingting. 10 Tingting bilong yu i no ken senis nabaut. Toktok bilong yu i mas stret tasol. 11 Yu mas redi kwiktaim long harim tok, na yu mas wet pastaim long bekim tok. 12 Sapos yu gat save, orait yu bekim tok bilong poroman. Sapos nogat, pasim maus tasol. 13 Toktok i ken kamapim gutpela nem o nem nogut tu. Long wanem, tang bilong ol manmeri em inap long bagarapim ol. 14 Yu no ken larim ol i kolim yu man o meri bilong tok stil, na yu bagarapim ol arapela manmeri long maus bilong yu. Long wanem, ol stilman
5.14Sapos yu bagarapim nem bilong narapela man, yu mekim olsem ol stilman, long wanem, yu stilim gutpela nem bilong dispela man.
i save kisim sem, na ol manmeri bilong tupela maus bai i painim kot nogut.
15 Yu no ken mekim rong, maski em i bikpela o liklik rong.

Copyright information for `TPI