aProv 3:34

1 Peter 5

Eöm A Ma Teß Sunön Se Matop Vavih Nem A Ma Napan Pe Sosoenën

Kuru eöß to teß me noß a soe manih peöm a ma teß sunön va po kum teß varih to vaman nem e Ieesuß. Eöß me a teß sunön va po kum teß varih to vaman ne e Ieesuß, eöß to ep voh in e Kristo to teß o kamis. Eöß se avë a pah ö va po kikis pe Kristo po poen no o kikis peß se tavus vateeraß. Ivëh, köß hin vakis a noß neöm, eöm se matop vavih nem a ma napan pe Sosoenën, suk ee to teß va ne po sipsip manih pa koreneöm. Eöm se matop vavih nem raoe, suk a ö nöm to iu va nem, keß hikta teß non pan, a teß to toon a neöm pa nok. Vamanih pa ö ne Sosoenën to iu va non. Eöm se nonok nem a kiu vaßaus me o vaeö. Eöm se nat nem nonok nem suk eöm to iu nem a moniß.

Eöm se nat nem teß va nem manih po teß susun to susun ke ne a napan varih ne Sosoenën to vahoß voh pa koreneöm, köm matop nem. Ivëhkëk, eöm se teß va nem manih po vëknöm vih manih pee, kee se ep, pare vatet a taateß vih peöm. Eöm se keh nonok va nem nën, ko poen ne e Kristo, eß a Teß Susun Mamatop Sipsip se hah maß, e Kristo se heß a neöm o voen vih oah, eß o voen to teß vavih tamoaan non, ko hikta onöt non a hat.

Ea Se Teß No Pa Koren E Sosoenën

Eß to vatoe me non peöm, a ma teß sesekaß, eöm se teß rakah nem paan o teß susunön va po kum teß varih to vaman ne e Ieesuß. Me eöm kurus se teß nem pa taateß tö vaßpeh me o upöm peöm. Suk o Puk pe Sosoenën to soe non pan,

“E Sosoenën to vövöknah non sih o teß möhmöh,
ivëhkëk, eß to ururuan non o teß varih to teß ne pa taateß tö.” a 
Ivëh, ke eöm se vöknah a ma iu koman peöm, paröm teß nem paan o kui kikis pe Sosoenën keß se kë a neöm pa ö no poen koman peß se tavus amot maß. Eöm se heß a ma kokoman karë peöm manih pa koreneah, suk eß to koman non ataeah tomeß tavus manih peöm.

Eöm se teß vamatop nem, paröm ut vavih nem! Suk ataeah, e susun po oraß hat e tövakihat peöm. Eß to teß va non manih pa laëon to kararauß no maß, ko nönö tamoaan vah non to vavaiu non ta ma teß neß se ëën. Eöm se koe em peß, pa ö neöm se sun vakis nem po vaman peöm. Eöm to nat e nem, pa ma meh koaß va po vaman pe Sosoenën varih, to teß ne pa ma ö kurus va po oeh. Ee me to taum e ne pa ma vu kamis varih neöm to tataum nem.

10 Pa tëëm kökööt neöm to kon kamis, e Sosoenën to heßheß non a ma heß vih kurus. Eß se nok ko heß a neöm a ma tah pa vaeh o vaman peöm, pareß vaeh o kokoman peöm. Eß me se nok a neöm köm hikta se panih nem o vaman peöm, me eöm hikta se vahuk këh nem o vaman peöm manih pe Kristo. E Sosoenën to vaoe voh a neöm, marën eöm se avë me eah o kikis apuh pe Kristo, to se teß tamoaan non. A tah vëh to tavus, suk ea to vatös me no e Kristo. 11 Eß varoe a paeh to teß tamoaan me non a ma kikis kurus. Oman.

A Soe Ataaton

12 E Saëlas to vaßaus a neoß, köß kiun ka nös neöm o kiun kökööt vëh. Eöß to nat noß eah vamanih pe kea to vaman ko vavatet vavih non a soe pe Kristo, köß hikta se vonih noß a tah pamëh. Eöß to kiun nös pa vakikis a neöm, me pa soe ka neöm pan, o ururuan vamaman pe Sosoenën, ivaßih, po kiun vëh nöß to kiun ko vanö ka nös neöm. Ivëh, köm se sun vakis komön o ururuan pamëh.

13 O kum teß varih to vaman ne Ieesuß to teß ne manih Babiron, ee ne Sosoenën to vateß vamanih pa ö neß to vateß vavoh ka neöm, to heß nös a potan avih manih peöm. E Mak e koaß peöß pa ëhnan e Kristo, eß me to heß nös a potan avih peß manih peöm. 14 Eöm kurus se heß a soe vavihvih vivihan manih pa ma meh peöm to teß ne komön o kum, pa ö nöm to vatönun.

Eöß to hinhin noß pan, e Sosoenën se heß kurus a neöm, a napan to teß nem pe Kristo a taateß moomo.

Copyright information for `TPZ