1 Thessalonians 1

O Kiun Vavovoh Ne Pöl To Vanö Ke Na A Napan Va Tesaronaëkaß

O kiun vaßih to taneß nös peöß e Pöl. Ke Saëlas pen Timotiß to teß vaßpeh me a ne neoß, kemöm vanö nös a potan avih pemöm manem peöm.

O kiun vaßih nemöm to vanö ka nös neöm, o kum teß varem to vaman nem e Sosoenën manih pa vöön va Tesaronaëkaß. Eöm o kum teß varem to vaman nem e Tamaara Sosoenën, me e Ieesuß Kristo e Sunön pea.

Eöß to hinhin noß e Sosoenën pan, eß se ururuan a neöm pareß heß a neöm a taateß moomo.

A Napan Va Tesaronaëkaß To Öt Vakis E Ne Po Vaman Pee, Pare Teß Vatotoopin Ne Pa Matan E Sosoenën

A ma poen kurus nemöm to koman a no neöm, pamöm sosoe vavihvih ke nem e Sosoenën. Ka manih pa ma hin pemöm, nemöm to popokaß nem nös a ma ëhnëëneöm manih pa ö nemöm to hinhin nem. Pamöm sosoe vavihvih ke nem e Sosoenën e Tamaara, suk a ma vaman peöm to kunkuin non a ma kokoman peöm. Köm nonok nem a ma taateß vih, manih pa ma kiu nöm to nonok nem, suk a taateß iu teß peöm. Emöm to soe vavihvih pet me e nem pe Sosoenën, pan a ma kokoman peöm se teß kikis tamoaan ne. Suk eöm to anoeh nem e Sunön Sipoan pea Ieesuß Kristo se hah amot maß.

Kën kea me ra kën vamen, eöm to nat e nem pe Sosoenën to iu rakah e non peöm. Kemöm nat e nem pe Sosoenën to kon voh en peöm a napan koman peß. Ka Soe Vih vëh nemöm to teß voh ka nös neöm, to hikta teß non pan o vahutët akuk. Ahik. A soe pamëh to tavus me voh o kikis. Köm ep vamaaka rakah em po vaman eh pemöm to taneß maß pa Tuvuh Vasioß. Ke eöm koman to nat e nem pa taateß nemöm to nok voh, marën a vaßaus a neöm po poen nemöm to teß vaßpeh me voh a no neöm. Ivëhkëk, eöm to kon a soe pe Sosoenën, ivëh, no a ma punis peo me o kamis to tavus suk voh manih peöm. Suk eöm me to vatet voh a ma taateß pemöm, me a taateß pe Sunön, ke Sunön kunkuin a ma kokoman peöm köm kon em po vaeö to taneß maß pa Tuvuh Vasioß. Ivëh, nöm to vataare suk voh a taateß vih peöm manih pa napan varih, to vaman ne e Ieesuß Kristo to teß ne manih pa poa muhin varih, Mësadoniaß, me Akaëaß. Eöm to vatvus a Soe pe Sunön manih pa napan. Ka soe pamëh nö vëvëhöß va en manih pa tanih po kamus. Ka soe pamëh to hikta teß varoe non manih Mësadoniaß, me manih Akaeaß. Ahik! A napan va pa ma vöön kurus to pënton vahik voh ee, peöm to kon voh em pa Soe pe Sosoenën, paröm vaman em peß. Ivëh, kemöm to hikta teß hah me nem ta meh soe nemöm se soe hah ka neöm. Ivëh, ka napan va pa ma muhin kurus vavahutët suk vaviß e ne, pa hanan nöm to öt vah va ka möm, po poen nemöm to vos voh nös, pamöm teß vaßpeh me a no neöm. Ee to vavasoe suk e ne peöm to heß tonun e sosoenën vapikpiuk, paröm taneo em pa vaman e Sosoenën toßtoß tamoaan. Eß e Sosoenën vamaman, paröm tavus em a nap kiu peß. 10 Ee to vavasoe suk e ne peöm, to anoeh nem e Koaß pe Sosoenën vëh ne Sosoenën to kuin taneß hah poan pa mët. Po Poen ne Koaß Ieesuß se hah taneß maß pa vöön va kin, eß se vaßaus a ra, ko hehe a ra këh o heve pe Sosoenën vëh se tavus amot maß.

Copyright information for `TPZ