Acts 14

E Pöl Pen Banabas To Heß A Soe Manih Vöön Aëkoniam

Manih vöön Aëkoniam e Pöl pen Banabas to ho pa iuun hinhin soneß po Jiuß vamanih pa ö nee to nonok tamoaan va ne. Ee to ho, pare vatvus vavih rakah ee pa soe pon, ko Jiuß peo me o meoh upöm teß peo to hikta teß ne pan ee ro Jiuß to pah vaman suntan rakah ee. Ivëhkëk, o upöm Jiuß varih to hikta vaman ne to kunkuin ee po kokoman po meoh upöm teß to hikta teß ne pan ee ro Jiuß, kee rës e ne pa napan varih to vaman voh ee. E Pöl pen Banabas to teß varë ee manih vöön Aëkoniam, pare teß eh rakah e ne pa vavaasis a Soe Vih va pe Ieesuß. E Sunön to vataare o kikis peß manih pa koreere pon pa nok a ma tah vatoksean vamanih, peß to vataare non o heß vih peß to teß man rakah e non. A napan varih koman a vöön pamëh to taki ee po pöök vakum. A ma upöm teß to nö vaßpeh me o aposol, ka ma meh nö manih po Jiuß to hikta vaman ne.

A napan varih to hikta teß ne pan ee ro Jiuß to teß vaßpeh me ne o Jiuß, me a nap susunön to vapöh kokoman ee pa tösvös e Pöl pen e Banabas. E Pöl pen e Banabas to nat in a tah pamëh, ko rusin ee manuh vöön va Listraß, me Derbeß koman a muhin Laëkoniaß, me a ma meh vöön to teß vatët ne pa poa vöön poë varih. Ee to vavaasis e ne pa Soe Vih koman a ma vöön poë varih.

E Pöl Pen Banabas To Kiu Manih Vöön Listraß Me Derbeß

A teß tënkun mon to teß non manih vöön Listraß, taneo voh no maß po poen neß to koaß maß, eß to hikta nönö vah non. Eß to ihoß non, pareß pënton non e Pöl to vavaato non. E Pöl to ep in a teß pamëh no vaman peß to antoen e non pa vavih poan. Ivëh, keß kuteß totoopin rakah e na manuh pa teß pamëh, 10 pareß soe vaßpuh rakah en pan, “Sun ah, ko putot a poa momah.” Ka teß pamëh sun ko putot a poa mon eah, ko taneo en pa nö.

11 Ka ma napan to ep a tah vëh ne Pöl to nok, pare kokoeß po to va Laëkoniaß pan, “A ma sosoenën varih to matan va ne manih pa ma teß, to kunah maß manih pea.” 12 Ee to vëhnan e Banabas e Sus,
Ee to vaman ne pan, e Sus to teß non e susun pa ma sosoenën va po to Grik. Kee ep e ne pan, e Banabas to teß va non manih pa teß sunön. Ivëh, kee vëhnan e Banabas e Sus.
ke Pöl nee to vëhnan poë e Hëmis,
A napan varih to vaman ne pan, e Hëmis eß a teß teßteß soe pa ma sosoenën va po to Grik. Kee pënton e Pöl to vavaato non. Ivëh, kee vëhnan e Pöl e Hëmis.
suk eßeß to vavaato vu non.
13 A teß ësës heß pe sosoenën Sus no a iuun hinhin peß to teß tavus këh e non pa vöön, to teß maß a ma purmakaöß oeteß vaßpeh me a ma opop manuh po hopaß in a iuun hinhin. Eß me a ma napan to iu ip ne a vönaß, pare ës ko kë a ëhnan e Pöl pen Banabas.

14 E Banabas pen Pöl to tënan ee pa tah no a napan to iu nok ne manih pee pon, pare kukurus a ma ohop pee, suk ee to rës e ne pa ö no a napan se kë a ëhnëëre, pare vaveo topnin a napan ko to vaßpuh pa matëëre ko soe pan, 15 “Kën kea, suk ataeah, köm nok vamanih? Emöm akuk kuru o teß to teß va e nem peöm. Emöm to teß nem manih pa vatvus a Soe Vih, pan eöm se heß tonun in na a ma sosoenën vapikpiuk ko nö maß manih pe Sosoenën vamaman teßteß tamoaan vëh to nok voh a akis, me o oeh, me a tahiß, me a ma tah varih to teß hop ne nën. 16 Moaan voh e Sosoenën to varakah voh a ma napan, kee vatet ee pa ma iu koman pee. 17 Ivëhkëk, tamoaan neß to nonok non a taateß vih pa ma tah vih neß to heßheß a rora to vataare non o iu peß manih pea. Eß to vavanö ka no maß ra a uhön pa vapu vavih a ma taëën pea po poen neß to iu non. Pareß heßheß tamoaan a rora o vaeö apuh peß.” 18 A ma soepip pe Pöl pen Banabas pa kë a ëhnëëre to örakuk en. A napan to iu avoeß e ne pa ip o vönaß, ko ës ke raoe pon. E Pöl pen Banabas to vasosöë me ra napan, kee hikta ës o vönaß.

19 Ivëhkëk, a ma pah to Jiuß va vöön Antiök va pa muhin Pisidiaß me vöön Aëkoniam to taneß maß nën, ko nö maß manih vöön Listraß, pare vamanman a napan pa ö nee se tösvös ee pe Pöl. A napan to ip e Pöl, ko rëh tavus këh ee peß pa vöön, to koman ne pan, eß to mët en. 20 Ivëhkëk, o teß va po vaman to tönun suk e ne peß. Ka sionineah tahah maß, keß sun kee vos ee manuh vöön. Po meoh poen e Pöl pen Banabas to nö ee manuh vöön Derbeß.

E Pöl Pen E Banabas To Hah Manuh Antiök Va Siriaß

21 E Pöl pen e Banabas to vatvus ee pa Soe Vih manih vöön Derbeß ka nap peo rakah to tavus a ma teß va po vaman. Ivëh, kee nö hah ee Listraß, Aëkoniam, me a vöön Antiök va Pisidiaß. 22 Ee pon to nö pa vaeh hah o vaman pa napan pan, ee se koe a anoe a soe pe Ieesuß moaan voh nee to pënton, ko vaman. Ee to soe ke raoe pan, “Eöm se taum a ma punis peo pa ö nöm se iu ho nem pa Matop Vih pe Sosoenën.” 23 Ee to vavateß nö a ma teß to vovoh ke ne a ma napan va po vaman manih koman a ma vöön. A ma meh poen nee to hinhin ne, pare vapenpen ne pa taëën marën a kë a ëhnan e Sosoenën. Ee to hinhin ke ne a ma teß poë varih, pare vahoß a koreere manih pee, pan e Sunön se vaeh raoe pa matop a kiu peß manih topnin a napan. 24 E Pöl pen Banabas to koe manih pa muhin va Pisidiaß, ko tavus ee pa muhin va Pamfiliaß. 25 Ee pon to vatvus a soe manih vöön Pergaß, ko vahik nën, pare kunah ee manuh vöön Ataliaß. 26 Manih Ataliaß ee pon to tok po paröß, ko hah ee manuh pa vöön Antiök pa muhin va Sisariaß. A vöön pamëh moaan voh no a napan to hinhin ke ne raoe, pan e Sosoenën se ururuan me vaeh raoe pon pa vatvus a soe peß. 27 Ee pon to vos hah manuh vöön Antiök pa muhin va Sisariaß, ko ununun o kum teß varih to vaman ne e Ieesuß, ko hutët ke raoe a ö ne Sosoenën to vataare koe a koreneah manih pee pon, me a ö neß to vamaaka va in o kokoman po teß to hikta teß ne pan ee ro Jiuß to hikta vaman voh ne kee tavus ee o teß va po vaman manih pa Soe Vih pe Ieesuß Kristo. 28 Ee to teß varë me ee pa ma teß va po vaman manih vöön Antiök pa muhin va Siriaß.

Copyright information for `TPZ