Acts 16

E Timotiß Pen Pöl To Nö Vaßpeh Me e Saëlas

E Pöl to vos en manuh vöön Derbeß, pareß oah pet en Listraß. A teß va po vaman to teß non nën a ëhnaneah e Timotiß. E sinaneah e köövo va po vaman, eß a mu Jiuß, ivëhkëk, e tamaneah a voe va Grik. A napan va po vaman varih vöön Listraß, me manih Aëkoniam, to vahutët suk ne a taateß pe Timotiß ko soe pan, “Eß a teß no a taateß peß to vih.” Ivëh, ke Pöl iu e non pe Timotiß se nö vaßpeh me poan, pan ee se pët vatvus ne a Soe Vih. Ivëhkëk, e Pöl to kokoman non pan, o Jiuß to teß ne pa muhin pamëh se koe ee pa pënton a Soe Vih pamëh, suk ee to nat e ne pan, e Timotiß to hikta pe a ö kokoaan pa sionineah peß e tamaneah eß a voe va Grik.
A ma to Grik to hikta pe a ö kokoaan pa sioniire. Ivëh, ke taman e Timotiß to hikta soe vaonöt, pan ee se pe a ö kokoaan pa sionin e Timotiß po poen ne sinaneah to vahuh poan.
Ivëh, ke Pöl pe a ö kokoaan pa sionin e Timotiß.
Ee to vovos ee pa ma vöön, ko heß ee po kiun vëh no aposol me ra nap susunön varih Jerusalëm to kiun va maß. Pare taß raoe pan, “Eöm se vavatet rakah nem a ma soepip varih nöm to ëh manih po kiun vëh.” Ivëh, ka napan va po vaman to pënton, ko vaman pee pah kikis nö e non, ka peo pee pepeah nö e ne.

E Pöl To Tatarep A Teß Va Mësadoniaß

Ee to koe ee manih pa topnin a muhin va Frigiaß me Galesiaß, ka Tuvuh Vasioß soepip en pee pa vatvus a Soe Vih manih pa muhin va Esiaß. Ko poen nee to öök ee manuh topnin a muhin va Misiaß, pare iu nö ne pa muhin va Bitiniaß, ivëhkëk, a Tuvuh Vasioß pe Ieesuß to soepip en pee pa nö. Ivëh, kee nö koe ee pa muhin va Misiaß, pare kunah koe ee manuh vöön Troas to teß non sinten tahiß. Pa popoen ne Pöl to tatarep, ko ep in a teß va Mësadoniaß to sun non pa mataneah, pareß hinhin vakis non poan pan, “Nö maß manih pemöm a napan va Mësadoniaß, parën vaßaus a möm.” 10 E Pöl to tatarep vahik en, ka pöstakah, eöß e Luk to teß vaßpeh me noß e Pöl me Saëlas to vamatop em pa nö manuh muhin Mësadoniaß. Emöm to nat e nem, e Sosoenën to iu a no möm se vatvus a Soe Vih pe Ieesuß manih pa ma napan poë varih.

E Lidiaß To Tavus A Köövo Va Po Vaman

11 Manih Troas emöm to tok po paröß, pamöm nö totoopin em manuh To Samotres. Ko meoh poen nemöm to oah em manuh vöön Neapolis. 12 Emöm to oah em pa vöön Neapolis, ko vos em manuh Filipaë, eß a vöön apuh to teß non pa muhin va Mësadoniaß, moaan voh a kaman va Room to matop non. Pamöm teß e nem nën pa ma siß poen. 13 Po Poen Apaapo emöm to këh tavus em pa vöön, ko nö em manuh sinten ruen, to koman nem pan, eß to teß non a ö no Jiuß to tönun ne pa hin, ko ihoß em ko vavaato me nem o köövo. 14 A paeh va pee a ëhnaneah e Lidiaß, to pënton non a soe pemöm, eß va Taëataëraß. E köövo pamëh to vavoen non sih a ma rara mamatan vavih vörep. Eß to vasunön non e Sosoenën, pareß teß non sih pa hin. Eß to iu pënton non o vavaasis pe Pöl, pareß panih a taateß peß ko heß o toßtoß peß manuh pe Ieesuß. 15 Ke Lidiaß vaman a Soe Vih pe Ieesuß, kee pupui ee peß vaßpeh me ra tapaiuun peß. Pareß iu non a möm se nö manuh pa iuun peß. Eß to soe ka möm pan, “Eöm se keh vaman nem pan, eöß to vaman eoß pe Ieesuß, paröß heß o toßtoß peöß manih peß, eöm se nö maß manih pa iuun peöß.” Eß to taß vakis rakah a möm pa nö manuh pa iuun peß. Kemöm nö em.

E Pöl pen Saëlas To Ho Pa Iuun Nohnoh Manuh Filipaë

16 O pöh poen nemöm to nönö nem pa ö hinhin ka pah sepeß kikiu akuk akeh a möm manuh hanan. E sepeß pamëh a poan oraß, ka oraß hat pamëh to sosoe tavus non sih a ma tah se tavus amot maß, ko teß vonvoen ne poë. Eß to kokon non sih a ma moniß apuh rakah, ka moniß pamëh no a napan varih to susun ke ne poë to öt ne. 17 E sepeß pamëh to vatet en pemöm pen e Pöl, pareß kuku ko soe vamanih pan, “A kën voe varih, ee a nap kiu pe Sosoenën kikis, pare teß me ne o kikis peß. Ee to sosoe ka no neöm sih a hanan va pa ö ne Sosoenën se kon hah a neöm.” 18 E sepeß to nonok tamoaan va e non nën, ke Pöl karauh rakah en pa pënton vatëh, ivëh, ke Pöl tarih, pareß soe va in a oraß hat pamëh vamanih pan, “Eöß to taß a oah manih pa ëhnan e Ieesuß Kristo, eën se tavus këh maß e sepeß manem.” Ka varuß rakah vakomanih no a oraß hat pamëh to tavus këh en maß peß.

19 Ko teß susun pe sepeß pamëh to nat ee pa ö kokon moniß koe pee to hik këh en pee, ivëh kee öt ee pe Pöl pen Saëlas, pare me ee pee pon manuh pa matëëra nap susunön manih pa ö no a nap peo to vatötönun ne. 20 Ee to me raoe manuh pa ma nap susunön va Room, pare soe pan, “O Jiuß varih to vavaasis ne a ma tah, ko punöß e ne pa kunkuin a hat koman a vöön pea. 21 Ee to vavaasis e ne pa ma taateß to teß kenet e non pa taateß pea, a napan va Room, ne ea to hikta onöt no a vatet.” 22 A napan to vavaßaus ee pa soe a ma tah hat manih pee pon, ka ma teß susunön pee kukurus këh ee pe Pöl pen Saëlas pa ma ohop pee, pare taß a ö no teß vëvënsun se rëp raoe po naon. 23 O teß vëvënsun to pah ip vahat rakah ee pee, pare vaho poß raoe pa iuun nohnoh. A teß susun to soe vakis rakah ken pa teß utut pan, eß se ut vavih non po hopaß tomaß ee tavus ko rusin. 24 A teß utut teß nohnoh to pënton a soe kikis vëh, pareß vaho en pee manuh pa piprom va koman, ko vahop a ma moeere pa töhkoß in o naon pareß nohtöön po uris eh.

25 Pa topnin poen ne Pöl pen Saëlas to hinhin ne, pare vahëh ne a ma ta vahëh manuh pe Sosoenën, ko meoh upöm teß nohnoh pënton e ne pee pon. 26 Ka varuß rakah vakomanih a rikrik apuh to nö maß, ko kö suntan en pa iuun nohnoh, ka ma hopaß tataperet ee, ka ma uris eh varih to nohtöön non raoe taihan ee. 27 Ka teß utut sun, pareß ep in a ma hopaß va pa iuun nohnoh to taperet pareß koman non pan, o teß nohnoh to rusin vahik ee, ivëh, keß kon o rapis rë peß, pareß iu ip vamët hah a non. 28 Ivëhkëk, e Pöl to kokoeß na ko soe ke na poan pan, “Koe a ip hah eo. Emöm to teß kurus e nem manih.”

29 Ka teß utut teß nohnoh hin en po vauß, pareß vaveo ho en koman a piprom va pa iuun nohnoh pa ö ne Pöl pen Saëlas to teß ne. Eß to naöp rakah, ko vatokon en manih pa havin mon e Pöl pen e Saëlas. 30 Eß to me tavus en pee pon, pareß hi raoe pan, “Poa teß apuh, eöß se nok ataeah ke Sosoenën se kon hah a neoß?”

31 Ke Pöl pen Saëlas piun, pare soe pan, “Eën se vaman nom e Sunön, e Ieesuß, keß se kon hah a oah vaßpeh me a tapaiuun pën.” 32 E Pöl pen Saëlas to vatvus ee pa Soe Vih pe Sunön manih peß vaßpeh me a tapaiuun peß. 33 Ka varuß rakah vakomanih pa popoen pamëh neß to pupui en pa ma piß pee, kee pupui ee peß vaßpeh me a tapaiuun peß. 34 Eß to me ho en pe Pöl pen Saëlas manuh pa iuun peß, pareß makën en pee. Eß me a tapaiuun peß to vaeö rakah ee, suk a ö nee to vaman a Soe Vih, ke Sosoenën kon hah raoe.

35 Pa pöstakah no teß susun va pa kaman va Room to veo maß a ma pirisman, pare soe ke raoe pan, “Eöm se vatvus hah a poa teß varih kee nö ee.” 36 Ka teß utut teß nohnoh nö maß, pareß soe ke Pöl pen Saëlas pan, “O teß susun to soe vaonöt ee maß pan, eöm se tavus aven këh em pa iuun nohnoh pom.”

37 Ivëhkëk, e Pöl to soe ke a ma pirisman pan, “Emöm hikta nok voh ta hat nee se vateß suk a möm pa nohnoh, pare ip a möm matëëra napan emöm he a poa teß va Room. Ee to vahoß a möm pa iuun nohnoh, ka varuß vamanih ee to iu vatvus aven hah a no möm, ha? Ahik, emöm to iu rakah nem o teß susun va pa kaman se nö maß, pare vanö koman a möm.”

38 A ma pirisman to hah ee, pare vahutët kee po teß susun va kaman pan e Pöl pen Saëlas a poa teß va Room, ivëh, kee pënton ko pah naöp suntan rakah ee, suk a taateß to soepip non a ip hah a teß va Room. 39 Ivëh, ko teß susun nö ee, pare soe vatamak hah pa ö nee to taß a ma pirisman kee ip raoe pon. Pare vatvus këh ee pee pa iuun nohnoh, ko taß raoe pa këh a vöön. 40 E Pöl pen Saëlas to tavus këh a iuun nohnoh, ko nö ee manuh pa iuun pe Lidiaß. Manih pa iuun pamëh ee to ep in a napan va po vaman ke Pöl pen Saëlas heß raoe a ma soe kikis pa vaeh o vaman pee, pare këh poß ee pa vöön pamëh.

Copyright information for `TPZ