Acts 19

E Pöl To Teß Non Pa Vöön Va Ëfësus

E Apölos to teß non pa vöön va Körin, e Pöl he suk a hanan to koe non muhin, ko vos en pa vöön va Ëfësus. Manih Ëfësus, eß to ep in a ma teß va po vaman to teß ne. Pareß hi raoe pan, “Eöm kës to kon voh em pa Tuvuh Vasioß pa ö nöm to tavus o teß va po vaman?” Kee piun, pare soe vamanih pan, “Emöm to hikta tënan ta tah to teß va non manih pa Tuvuh Vasioß.” Ke Pöl hi raoe pan, “A pupui taeah poß nöm to kon voh?” Kee piun, pare soe pan, “Emöm to kon a pupui vëh ne Jon Tövapupui to vavaasis voh a möm.”

Ke Pöl piun, pareß soe pan, “A pupui voh pe Jon, eß to teß suk voh non a napan varih to panih a ma taateß hat pee, pare vaman. Eß to soe ke voh a napan va Israël a ö nee se vaman a teß vëh se suk maß poan, ivëh e Ieesuß.” Ee to pënton a soe pamëh, kee pupui varuß ee pee pa ëhnan Sunön e Ieesuß. E Pöl to vahoß a koreneah manih pee, ka Tuvuh Vasioß nö en maß manih pee, kee vavaato ne pa ma meoh to. Ka Tuvuh Vasioß vaßaus en pee pa vatvus a soe ne Sosoenën to heß raoe. A napan to onöt va ne manih po havun teß me a pöök.

Pa kukön sivö koman a ma Poen Apaapo ne Pöl to hoho non pa iuun hinhin soneß po Jiuß, pareß vaeheh me e non pa napan, pan ee se vaman e Ieesuß me a Matop Vih pe Sosoenën. Eß to vasosöë vatëh me non raoe, pareß kehkeh non a ö nee se vaman e Ieesuß, ka peo va pee to pënton ko vaman ee pe Ieesuß. Ivëhkëk, a ma meh va pee to koe rakah ee pa panih a ma taateß pee, ko vaman e Ieesuß, pare vövöknah vateeraß e ne pa taateß va pa vatet a Taateß pe Ieesuß. Ivëh, ke Pöl këh en pee, ko me varoe a ma teß va po vaman, ko këh ee pa nap vatösoe. Pa ma poen kurus ne Pöl to vavaato me non a ma napan pa Soe Vih koman a iuun apuh vavaasis pe Tiranus. 10 E Pöl to vavaasis non a napan a Soe Vih komön o pöök kirismas manih pa napan va pa muhin va Esiaß. O Jiuß me o upöm teß to hikta teß ne pan ee ro Jiuß to pënton ee pa soe pe Sosoenën.

A Ma Koaß Oeteß Pe Skivaß

11 E Sosoenën to vatvus koe non a ma vu tah vatoksean manih pa koren e Pöl. 12 A ma tah ne Pöl to vaneah non vamanih po keoß rara hikhiuk hikiß, me o rara peß to teß me ne o kikis pe Sosoenën. Ee se teß manuh po teß to haraß ne a ma mët, ko vahoß manih pee ka ma mët pee hik ee. Ka ma teß öt po oraß hat no oraß hat se tavus këh ee pee.

13 A ma pah to Jiuß to nönö vah ne to punöß ne pa veo tavus o oraß hat manih pa ëhnan e Ieesuß Sunön. Ee se soe ke o oraß hat pan, “Eöß to taß a oah oraß hat pa ëhnan e Ieesuß vëh ne Pöl to vavaasis e non, sën tavus këh maß a teß vëh.” 14 Eß to teß non a tönim me a poa koaß oeteß pa to Jiuß, eß a teß sunön ësës heß a ëhnaneah e Skivaß. A ma koaß varih to punöß ne pa taß o oraß hat pa tavus këh o teß. 15 Ivëh, kee punöß ee pa veo tavus a oraß hat këh a teß, ka oraß hat piun raoe pan, “Eöß to nat e noß pe Ieesuß, me e Pöl to teß me ne po kikis va pa veo tavus o oraß hat, ivëhkëk, eöm poß eretereh?”

16 Ka teß vëh a poan oraß vapus me raoe, ko onoah rakah en pee, kee ereraß ee, ka ma rara pee tökrus këh ee pee. Ivëh, kee rusin këh ee pa iuun o pehpeah. 17 O Jiuß me o upöm teß to teß ne pa vöön va Ëfësus to pënton a tah vaßih to tanok, ko pah naöp suntan ee. A napan to kë rakah ee pa ëhnan e Ieesuß e Sunön. 18 A nap peo va po vaman to nö ee maß pa soe vatamak matëëra napan kurus pa ma hat nee to nonok voh ne. 19 Ka ma teß varih to ororaß teß voh ne, me o upöm teß nonok ëtoß hat, eße me to teß maß a ma puk ne to kiuntön voh a ma ëtoß hat, pare ununun ko ës matëëra napan. Eß to vataare non pan, ee to panih a ma taateß hat moaan pee. Ee to ëh o voen in a ma kiuntön poë varih, keß oah non a paeh milion kinaß. 20 A Soe Vih pe Sunön no a napan peo to pënton vatëh e ne, ivëh, ka nap peo rakah to pënton, pare vaman ee pe Ieesuß.

O Vatoeßnën Apuh Manih Pa Vöön Va Ëfësus

21 A napan to kon vavih ee pa Soe Vih pe Sosoenën, ka Tuvuh Vasioß kuin en po haharaß pe Pöl pa nö koe manih pa muhin va Mësadoniaß, me Grik, pareß oah pet en Jerusalëm. Eß to soe pan, “Eöß se vos manih Jerusalëm, paröß nö pet eoß manuh Room.” 22 Eß to vanö vovoh en pe Timotiß pen Erastus, a poa teß to vaßaus ne sih poë, kee nö ee manuh Mësadoniaß. E Pöl he teß hah e non pa ma meh poen manih pa muhin va Esiaß.

23 Manih po poen pamëh manih Ëfësus a nap peo rakah to vaheheve me ne a napan to vaman ne Taateß pe Ieesuß e Sunön. 24 A pah teß nënës tah nößnës pa vös silvaß, pareß vavavoen non, a ëhnan a teß pamëh e Demitrius. A kiu peß pa nënës tah nößnës, eß to nës a ma tah nößnës, kee matan rakah va ne manih pa iuun hinhin apuh pe sosoenën köövo vëh e Atemis. A nap kiu peß to kokon ne a moniß apuh pa kiu pamëh. 25 E Demitrius to vaoe o vakum, me a nap kiu peß, me a ma meh teß to nat ne a pah kiu, pareß soe ke raoe pan, “Eöm to nat e nem, o voen apuh pea to taneß no maß pa kiu varoe kovëh pa nënës tah nößnës.” 26 Eöm to nat, ko ep e nem pa teß vëh e Pöl to rëh ke a nap peo, ko vanun en po kokoman pa napan. Eöm to ep, ko pënton e nem pataeah ne Pöl to nonok non. Eß to hikta vavaasis varoe non manih pa vöön va Ëfësus, ahik, pa ma ö kurus me manih pa muhin va Esiaß. Eß to vavaasis non pan, “A ma tah nößnës, nës tariuk pa teß to hikta teß non e sosoenën vamaman.’ 27 A soe vëh ne Pöl to vavaasis non to vaßnaöp, ko antoen e non pa miröß a kiu kokon moniß vaßpuh pea. A soe pamëh to antoen e non pa rëh ke o vaman pa nap peo, kee këh e sosoenën köövo Atemis. Eß hikta teß hah non e sosoenën pea. Moaan voh a ma napan varih pa muhin Esiaß, me pa ma meh muhin to hinhin voh ne e sosoenën Atemis, ivëhkëk, o vavaasis pa teß vëh e Pöl to vöknah en pa ëhnan e Atemis.”

28 A napan to pënton a soe pe Demitrius, pare heve ko taneo ee pa peat ko soe pan, “Atemis e sunön va Ëfësus.” 29 A napan va pa vöön va Ëfësus to taoa suntan rakah ee, ko ötöön ee pa poa teß, e Gaëus, pen Aristakus, a poa teß va Mësadoniaß to nönö vaköp vah me ne e Pöl, ko rëh nönö ee pee pa ö vatötönun. 30 E Pöl to iu nö e non topnin a napan pa vaato, ivëhkëk, o teß va po vaman to soepip ee pe Pöl pa nö. 31 A ma pah teß sunön va pa kaman, eße a ma vakamöß pe Pöl, to soepip e Pöl se nat non nö manuh pa ö vatötönun.

32 A napan varih to vatötönun to pah vatoeßnën rakah e ne, ko kokoman pee nun rakah en, ka ma meh teß vavaato suk e ne pa ma meh tah, suk eße to hikta nat ne pataeah nee to vatönun suk maß. 33 O Jiuß to vateß e Alëksantaß manuh po matan pa soe vamaaka, suk ataeah ka napan vatoeßnën ne. Ka ma pah teß ep poë ko koman ne pan, e Alëksantaß to teen non pa tah pamëh. E Alëksantaß to kë a koren, ka napan vatotomin ee, keß soe vamaaka ken pee pa pusun in a soe. 34 Ivëhkëk, a napan to inan ee pe Alëksantaß a to Jiuß, ivëh, ka napan taoa vaßpeh ha kov ee pan, “Atemis e sunön va Ëfësus.” Ee to sosoe va ne nën pa poa aoaß rakah.

35 A pah teß susun va pa kaman to soepip en pa napan pa vatoeßnën, pareß soe pan, “Eöm a napan va Ëfësus. A teß teh to hikta nat non pa iuun hinhin apuh ne Atemis to teß non na to matop no, me a vös no a napan to hinhin ne manih peß to vuß taneß voh maß kin? 36 Ahikta teß to antoen non a vonih a poa tah poë varih, ivëh, köm se teß vatö ko nat nem nok ta pah hat vamanih pa nap papön. Eöm se vatotomin varoe ko koe a peat. 37 Eöm to me maß a poa teß varih, ivëhkëk, eße to hikta kaveo taneß ta pah tah manih pa iuun hinhin vëh, me a ö nee to hikta soe vahat manih pe sosoenën köövo vëh e Atemis. 38 E Demitrius me a nap kiu peß, se keh iu vateß ne tah teß po vahutët, eß to teß non o poen koman va po vahutët no a kaman to vateß voh. 39 Ivëhkëk, eß se keh teß non a meh tah nöm to iu nem, eöm se vatotoopin komön o poen pamëh. 40 Ea to antoen e no pa teen a hat pamëh, suk ataeah, kuru ea to nok vu a peat apuh. Ahik rakah tah pusun in a peat pamëh. Ea to hikta teß me no ta piun vih na se heß o teß pëpënton vahutët.” 41 A teß susun va pa kaman to vaato vahik, pareß taß en pa napan pa nö.

Copyright information for `TPZ