Acts 22

“Kën kea, me kën taman, pënton a neoß öm. Eöß to iu piun noß a soe peöm.” Ee to pënton ne e Pöl to vaato non po to Hibru, pare vatotomin kurus rakah ee. Ke Pöl soe ke raoe pan, “Eöß a to Jiuß, e sinaneoß to vahuh a neoß pa vöön va Tasas manih Silisiaß, ivëhkëk, eöß to apuh manih Jerusalëm. Eöß e koaß vavaasis pe Gameliel, eß to vavaasis voh a neoß a ma taateß pa kën sipuura. Ivëh, köß eh rakah noß pa vatet e Sosoenën vamanih pa ö nöm to teß va nem kuru. Eöß to mimiröß voh noß o voe me ro köövo va po vaman, to vavatet ne a Hanan pe Ieesuß, ko ipip voh noß a ma paeh pee, paröß ötöt voh a ma upöm ko vaho raoe pa nohnoh. A Teß Susun po Teß Ësës Heß, me o Vakum Teß Susunön po Jiuß to nat e ne ko se soe kee peöm pa soe peöß a man. Eöß se voh kon a ma kiun manih pee, paröß teß ke ro Jiuß a kën kea pea varih pa vöön va Damaskas, to vaonöt ka no neoß pa ötöt a ma teß varih to vaman ne e Ieesuß, ko me maß manih Jerusalëm to noh ne po uris eh, ko Vakum Teß Susunön po Jiuß se vakmis raoe.”

E Pöl To Vahutët A Ö Neß To Tavus A Teß Va Po Vaman

E Pöl to soe pan, “Eöß to vovos vatët nö voh noß pa vöön va Damaskas, eß he topnin potan non, ko tëkrea maaka rakah to taneß maß akis kopös a neoß. Eöß to vuß po oeh, paröß pënton a to, to vavaoe non pan, ‘Söl, Söl, suk ataeah, kën mimiröß a nom neoß?’ Köß hi na pan, ‘Eën eteh Sunön?’ Keß soe pan, ‘Eöß e Ieesuß va Nasarët, nën to mimiröß nom.’ A napan möm to teß vaßpeh nem to ep e ne po tëkrea, ee to tënan e ne pa vaoe, ivëhkëk, ee to hikta maaka ne a soe pa teß vëh to vavaato me a non neoß.

10 Köß hi na pan, ‘Sunön, eöß se nok ataeah?’ Ke Sunön soe ka neoß pan, ‘Sun ah, parën vos manuh Damaskas, a teß to teß non nën se soe ka oah a kiu ne Sosoenën to vateß a oah.’ 11 O tëkrea to parin maaka rakah to vapopoen a mataneoß, köß hikta antoen noß a ep, ka ma teß varih möm to pët teß nem öt pa koreneoß, ko me vos ee peöß Damaskas.

12 A pah voe to teß non a ëhnaneah e Ananaës, a teß va po vaman to vavatet non o vavaasis pea to teß non Damaskas no Jiuß to ta ne sih poë. 13 E Ananaës to nö vatët maß peöß, pareß soe pan, ‘Kea peöß Söl, a matömah se maaka kën ep hah.’ Varuß rakah vakomanih no a mataneoß to maaka köß ep eoß peß. 14 Eß to soe ka neoß pan, ‘E Sosoenën pa kën sipuura to vateß a oah se nat rakah o iu peß, ko ep a Teß no a taateß peß to totoopin rakah, parën tënan a soe to taneß koman maß peß. 15 Eën se vatvus a soe peß, pa ma napan kurus pa ma tah nën to ep me pënton. 16 Suk ataeah, kën anoeh varë nom? Sun ah, kee pupui a oah, parën vaoe na a ëhnan e Ieesuß, keß se pupui këh a oah pa ma hat pën.’”

E Sosoenën To Vanö E Pöl Manuh Pa Napan To Hikta Teß Ne Pan Ee Ro Jiuß

17 “Eöß to nö hah Jerusalëm, paröß hinhin noß koman Iuun Hinhin Apuh, paröß tata ko ep e Sunön to sosoe ka non neoß pan, ‘Vëvëhöß këh a Jerusalëm, suk a napan varih to hikta se tënan ne a soe nën to vatvus suk a nom neoß.’ 19 Köß soe pan, ‘Apuh, a ma teß va po vaman se pënton a neoß, suk ee to nat e ne peöß to oho voh noß a ma iuun hinhin soneß, ko nohnoh voh noß a ma napan, paröß ipip noß a ma teß to vaman ne a oah. 20 Eöß to teß voh noß pa ö nee to ip vamët e Stivin, a teß to vatvus voh non a soe pën. Eöß to sun vatët voh noß, ko ut noß a ma ohop rë po teß varih to ipip voh ne e Stivin, köß vapöh kokoman me voh noß a ö nee to ip poë.’ 21 Ivëhkëk, e Apuh to soe ka neoß pan, ‘Nö ah, eöß se vanö varo a oah manuh pa napan to hikta teß ne pan ee ro Jiuß.’”

E Pöl To Soe Pan Eß A Teß Va Room

22 O Jiuß to tënan ne e Pöl, keß onöt pa ö neß to soe a ö neß se nö po teß to hikta teß ne pan ee ro Jiuß, ka napan taoa maß, pare sosoe ne pan, “Me ke öm eah. Ip öm eah, eß to hikta onöt non a ö seß teß toßtoß non.” 23 Ee to tataoa ne ko vataata ne a ma ohop pee, pare kuin o vavoan, keß peah en kin. 24 Ivëh, ke susun apuh pa nap vëvënsun soe, kee me ee pe Pöl manuh pa koman iuun po teß vëvënsun. Eß to soe ke raoe a ö nee se rëp e Pöl ko nat pataeah no o Jiuß to tataoa vaheve suk ne. 25 Ee to nohtöön e Pöl po uris eh, ke susun pa nap vëvënsun sun vatët e non, ke Pöl soe ke poan pan, “A taateß pöß to soe vaonöt ke non pea se nok vamanih pa teß va Room? Eöm to hikta vateß a neoß po vahutët, paröm rëprëp e nem peöß, a taateß pamëh vih e non, ha?”

26 E susun pa nap vëvënsun to tënan a soe pamëh, pareß nö pa teß vëh to matop kurus non raoe ko soe pan, “Eën se nok ataeah? A teß vëh eß a teß va Room.” 27 E susun apuh to nö manuh pe Pöl, pareß hi poan pan, “Eën se soe ka neoß, eën a teß va Room, ha?” Ke Pöl soe pan, “A.” 28 Ke susun apuh soe pan, “Eöß to heß voh a moniß apuh, ko tavus a teß va Room.” Ke Pöl soe varuß pan, “Ivëhkëk eöß ahik, e sinaneoß to vahuh voh a neoß, köß tavus eoß a teß va Room.” 29 A ma teß vëvënsun varih to se hi e Pöl me a rëp poë to tënan pan e Pöl a teß va Room, ee to vahuk hah ee. Ke susun apuh pa nap vëvënsun kurus nat e Pöl a teß va Room, pareß naöp, suk eß to kök a taateß va Room pa ö neß to noh voh e Pöl po uris eh eß he hikta teß po vahutët.

E Pöl To Vatvus A Soe Matëëro Vakum Teß Susunön Po Jiuß

30 E susun apuh po teß vëvënsun kurus to iu nat vavih non pataeah ne Pöl to nok vahat, ko Jiuß heve ne poë. Ko meoh poen ne susun apuh to ihan këh en pe Pöl po uris eh, ko vaoe ununun en po Vakum Teß Susunön po Jiuß, me a ma teß sunön ësës heß, kee vatönun ee. Keß me maß e Pöl ko vasun poan pa matëëre.

Copyright information for `TPZ