aAis 53:7-8

Acts 8

E Söl to nat voh e non pa ö no a napan se ip vamët e Stivin.

E Söl To Vakmis Non A Napan Va Po Vaman

Po poen pamëh manih Jerusalëm a ma napan va po vaman to taneo pa kon vahat. Ivëh, ka ma napan va po vaman rusin vakëkëh ee manuh pa muhin va Jiutiaß me Samëriaß. Ivëhkëk, o aposol to teß e ne manih Jerusalëm.
A ma pah teß to vatet, ko heß ne rea pe Sosoenën to tamak vörep e ne pe Stivin to mët en, ko pe ee pa sionineah. E Söl to iu avoeß rakah e non pa miröß me vakmis a ma napan va po vaman. Eß to oho totoën non a ma iuun marën a öt a napan vaßpeh me ro köövo varih to vaman ne, pareß vanö raoe pa nohnoh.

A Napan To Tënan A Soe Vih Manih Samëriaß

A napan va po vaman to rusin vakëkëh rakah ee pa ma vöön, ee he pa vatvus a Soe Vih manih pa ma napan. E Filip to nö en pa vöön va Samëriaß, pareß vatvus ke ra napan a soe pe Kristo. A napan va pa vöön pamëh to tënan vavih rakah ee pataeah ne Filip to vavaasis non raoe, pare ep ee pa ma tah vatoksean vih neß to nonok non. A napan peo to ep in e Filip to veveo tavus këh non a napan o oraß hat, ka ma oraß hat poë varih to kokoeß suntan ko pah tavus ee. A ma teß tëtënkun mon, me koren, me o teß varih no a ma soaß me moeere to hat non to vih hah ee. Ivëh, ka napan o pöh peo to teß me ne o vaeö apuh rakah manih Samëriaß.

Manih pa vöön pamëh a pah teß to teß non, a ëhnaneah e Saëmon. Moaan voh, eß to teß non a teß nonok ëtoß, ka napan kurus vavatet voh ne poë. Eß to soe va non manih pan, eß a teß apuh. 10 A napan me a nap susunön kurus va pa vöön pamëh to vaman rakah ne e Saëmon, pare soe pan, “E sosoenën a ëhnaneah O Kikis Apuh to kunah en maß, ko tarih va en manih pe Saëmon.” 11 Ee to tënan rakah voh ne a ma soe peß, suk ataeah, ee to epep voh ne poë to nonok voh non a ma tah to matan ke e non po kokoman pee, ivëh, kee pah kokoman vörep e ne. 12 Ivëhkëk, a ma napan to vaman ee pa Soe Vih va pa Matop Vih pe Sosoenën me a ëhnan e Ieesuß Kristo ne Filip to vatvus non ko pupui en pa nap oeteß me ro köövo. 13 E Saëmon koman to vaman en, ke Filip pupui en peß keß teß rakah non pa havin e Filip. Eß to pah kokoman vörep e non pa ma tah vatoksean neß to ep in.

14 O aposol to teß ne Jerusalëm to nat ee pa ö no a napan va Samëriaß to tënan ee pa soe pe Sosoenën, pare vanö ee Pitaß pen Jon manuh pee. 15 Ee to vos, pare hin ke ra napan varih to vaman ne, pan a Tuvuh Vasioß se kunah maß manih pee. 16 Suk ataeah, a Tuvuh Vasioß to hikta nö voh maß pee, ee to kon varoe voh a tapui pa ëhnan e Ieesuß e Sunön. 17 Ee to kon man a Tuvuh Vasioß pa ö ne Pitaß pen Jon to vahoß a koreere pa ma pasuire.

18 E Saëmon to ep a ö no a Tuvuh Vasioß to nö en maß manih pee pa ö ne Pitaß pen Jon to vahoß a koreera manih pee, ivëh, keß kon a moniß, pareß nö manuh pe Pitaß pen Jon ko soe pan, 19 “Eöm pom se heß a neoß o kikis manem, köß se keh vahoß a koreoß manih pa ta teß, eß me se kon a Tuvuh Vasioß.”

20 Ivëhkëk, e Pitaß to piun pareß soe pan, “Eën se ës vaßpeh me a moniß pën po suraß. A tah ne Sosoenën to heß vamanih po heß peß, eën hikta onöt nom a voen pa moniß. 21 Eën hikta onöt nom a hop maß pa kiu pe Sosoenën vëh möm to teß nem. Suk a komömah to hikta teß totoopin non po epep pe Sosoenën. 22 Panih o kokoman me a ma taateß hat pën, parën hin e Sunön a ö neß se ihan anoe a ma hat pën. Parën hinhin nom e Sunön, ko kokoman hat nën to teß me nom se hik këh oah. 23 Eöß to ep nom oah to manin vi nom a kon o heß pe Sosoenën, ivëh, kën teß me nom o kokoman hat, suk eën to iu nom o ëhnan apuh me a tasun.”

24 E Saëmon to soe ke Pitaß pen Jon pan, “Eöm pom se hin e Sunön keß vaßaus a neoß, ivëh, ka hikta pah tah va pa ma tah poë varih nöm to sosoe nem se tavus a neoß.”

25 E Pitaß pen Jon to vavaasis ee pa ma napan pa soe pe Sunön me a ö nee to vatvus a ö nee to nat va e ne e Ieesuß. Ee to vahik, pare hah ee Jerusalëm. Manih pa nö pee koman a ma vöön va Samëriaß, ee to vavatvus nö ne a Soe Vih pe Sunön.

E Filip To Vatvus Ke A Teß Va Itiopiaß A Soe Vih

26 A ankeroß pe Sunön to soe ke Filip pan, “Vamatop ah, parën nö ke pa hanan to teß non pa papmatö pa hanan to vakëh ke non a vöön Jerusalëm, pareß kunah non vöön Gasaß.” A hanan pamëh no ahikta teß to kokoe hah non. 27 E Filip to vamatop vahik, pareß nö en. Manuh hanan eß to ep in a pah teß va pa muhin Itiopiaß. Eß a teß susun pareß matop non a moniß pe Kandasiß, e köövo sunön va pa muhin pamëh. A teß pamëh to nö maß manih Jerusalëm pa vasunön e Sosoenën. 28 Eß to tok maß pa karis, ko nönö hah nö non pareß ëhëh nö non o ëhëh kiun pa teß vanënën soe, e Aisaëaß. 29 Ka Tuvuh Vasioß soe ke Filip pan, “Eën se nö vatët manuh pa karis köm nönö vaßpeh nö nem.” 30 Ke Filip nö vatët manuh peß, pareß pënton poan to ëhëh taneß non o kiun pa teß vanënën soe, e Aisaëaß, pareß hi poan pan, “Eën kës to maaka e nom pa pusun in a soe nën to ëhëh nom?”

31 Ka teß pamëh piun a soe pe Filip, pareß soe pan, “Eöß se maaka vah vanih pa ö no a hikta teß se soe vamaaka ka neöß?” Pareß vaoe peah en pe Filip, kee pët ihoß nö e ne koman a karis. 32 O ëh pamëh to ëh va non manih,

“Eß to teß va non manih pa sipsip nee to iu ip vamët ne,
Eß to teß va non manih pa sipsip to hikta kap a rivon pa to pa ö nee to kui a uvineah.
33 Ee to vapoet voh poë,
eß a teß totoopin,
ivëh, kee ip vamët voh poë,
suk ee to vateen akuk poë po vahutët.
Eß a hik ta ma koaß,
ivëh, ka napan hikta onöt ne pa vahutët suk raoe.
Suk ataeah, o toßtoß peß manih po oeh to hik en.” a 
34 A teß susun pamëh to soe ke Filip, “Soe ka neoß ah. A teß vanënën soe sosoe suk non eteh, eß koman, keß, a meh teß?” 35 Ke Filip taneo o vahutët manih po ëh pamëh, pareß vatvus ke poan a Soe Vih pe Sunön Ieesuß. 36 Ee to nönö ne hanan, pare tavus ee pa ö no a ruen to teß non. Ke voe susun soe ke Filip pan, “A ruen ivëh, ataeah to sunpip a no eoß pa ö sën pupui a neöß?” 37 Ke Filip soe ke poan, “Eën se keh vaman rakah nom e Ieesuß po kupu pën, eöß se pupui eoß pën.” Ka teß susun piun ko soe pan, “Eöß to vaman rakah e noß pe Ieesuß Kristo e koaß pe Sosoenën.”

38 Ka teß susun pamëh taß en pa ö no a karis se ihoß. Ke Filip pen a teß pamëh kunah ee manuh ruen, ke Filip pupui en peß. 39 Ee to tatakin këh ko ne maß a ruen, ka Tuvuh Vasioß pe Sosoenën me ke en pe Filip. Ka teß susun pamëh hikta ep hah e non e Filip koe nih. E voe susun to nö en a vaeö rakah. 40 E Filip to vos en vöön Asotus. Eß to nönö vah non eß he pa vatvus a Soe Vih pe Kristo manih pa ma vöön, keß öök na pa ö neß to vos en pa vöön apuh Sisariaß.

Copyright information for `TPZ