Acts 9

E Söl To Panih A Taateß Peß, Pareß Tavus A Teß Va Po Vaman

Manih po poen pamëh e Söl to kiu vakis rakah en pa vakmis o teß va po vaman, me a ma vamomhë pe Ieesuß, pan eß se ip vamët raoe. Ivëh, keß nö en manuh pa Teß Susun po Teß Ësës Heß. Eß to nö pareß soe ke poan, keß kiun maß o kiun manih po teß susun va pa ma iuun hinhin soneß po Jiuß manih vöön Damaskas. O kiun to soe va non manih pan, “E Söl se keh ep in a köövo me voe to vaman ne e Ieesuß, eß se öt ko vateß raoe pa iuun nohnoh va Jerusalëm.” Ke Söl nö en, pareß ököök vatët non vöön Damaskas, ka varuß rakah vakomanih o tëkrea maaka to taneß maß akis to kopös poan. Ke Söl vuß en po oeh pareß tënan a soe to vavaoe non poan pan, “Söl, Söl, suk ataeah, nën to vakmis a nom neoß?”

Ke Söl hi pan, “Apuh, eën eteh? Eß to tënan a piun to soe pan, “Eöß e Ieesuß nën to vavakmis nom. Ivëhkëk, eën se sun ko vos manuh pa vöön apuh va Damaskas. A pah teß se soe ka oah a tah nën se nok.”

O teß varih to nönö vaßpeh vah me ne e Söl to sun vatotomin rakah e ne. Ee to tënan e ne po vaato, ivëhkëk, hikta ep ne ta teß. E Söl to sun këh en po oeh to hikta inan vamaaka non ta pah tah a mataneah to popoen pa ep. Ivëh, kee öt pa koreneah, ko me vos ee peß manuh vöön Damaskas. Po kukön poen ne Söl to hikta onöt non a ep, manih pa ma poen varih eß to hikta ënëën non, pareß hikta kakaak non.

10 A pah teß va po vaman to teß non vöön Damaskas a ëhnaneah e Ananaës. Eß to tatarep non, ka manih komön o tatarep e Ieesuß to vaoe poan pan, “Ananaës.” Keß piun pan, “Eöß ivëh, Sunön.”

11 Ke Sunön piun poan pan, “Eën se vamatop, parën nö manuh pa hanan a ëhnaneah Hanan Totoopin. Ka manih pa iuun pe Jiutas, eën se hi këh a teß va Tasas a ëhnaneah e Söl. Eß to hinhin non nën. 12 Ka manih po tatarep pe Söl to ep in a teß a ëhnaneah e Ananaës to ho maß, ko vahoß a koren manih peß, keß ep vamaaka hah en.”

13 Ke Ananaës piun, ko soe pan, “Sunön, a nap peo to soe ke voh ee peöß pa teß pamëh me a ma tah hat neß to nonok voh non manih pa napan pën manuh Jerusalëm. 14 Eß me to kon maß a soe vaonöt manuh pa Teß Susun po Teß Ësës Heß pa ötöt o teß varih to vaman ne ko hinhin ne pa ëhnöömah.”

15 Ivëhkëk, e Sunön to soe ke poan pan, “Nö ah, a teß pamëh nöß to kon eah pa nok a kiu peöß, me a teß a ëhnaneoß manuh pa ma meh upöm teß, me po teß susunön to hikta teß ne pan o Jiuß, me a napan va Israël. 16 Eöß koman se vataare eah a ma punis me kamis neß se teß manih pa vatvus a ëhnaneoß.”

17 Ke Ananaës nö en, pareß ho en iuun, ko vaket a sionin e Söl, pareß soe pan, “Kea peöß, Söl. E Sunön e Ieesuß to vanö maß neoß, eß ivëh, o tëkrea nën to ep voh in manuh hanan pa ö nën to nönö no maß manih. Eß to vanö maß neoß pan, eöß se vaßaus oah ken ep vamaaka hah ka Tuvuh Vasioß se nö manih pën ko matop ka nom oah.” 18 Ka varuß vakomanih no a tah to matan va non manih po kaniß iian to vuß këh en pa mataneah, keß ep vamaaka hah en. Keß sun, kee pupui ee peß. 19 Eß to ëën ka sionineah eh hah en.

E Söl To Vatvus A Soe Manih Pa Vöön Va Damaskas

E Söl to teß vaßpeh me e non pa ma teß va po vaman manih vöön Damaskas pa ma meh siß poen.
20 Varuß amanih e Söl to ho pa iuun hinhin soneß, pareß taneo en pa vatvus a soe to soe non pan, e Ieesuß e Koaß pe Sosoenën. 21 Ka napan pënton a soe peß, pare toksean rakah ee, ko vaiihi e ne pan, “Eß a teß pöß kovëh to vavakmis voh a rora, pareß ipip vamët non a napan to vavatet ne e Ieesuß manuh Jerusalëm, ha? Eß to nö voh maß manih pa ötöt a napan varih ko me raoe manuh pa ma teß sunön ësës heß.”

22 Manih po vavaasis pe Söl, a soe peß to kikis nö e non ko Jiuß va Damaskas hikta onöt ne a vöknah o vavaasis peß. Ivëh, ko vavaasis kunkuin o kokoman pa napan kee vaman, pare vatet o vavaasis pe Söl, a ma teß poë varih to vatet o vavaasis to peo rakah, pare vaman ee pan, e Ieesuß eß e Kristo. 23 A ma poen to oah ee, ko Jiuß vatönun pare soe vaonöt o kokoman va pa a ö nee se ip vamët e Söl. 24 Ivëhkëk, a pah teß to soe vanat e Söl a ö nee se ip vamët poë. Pa ma potan me popoen ee to ut ne pa ma matan hopaß in a eean vös to vatvi non a vöön apuh pan, ee se öt poë ko ip. 25 Ivëhkëk, o pöh poen pa popoen no a ma teß va po vaman to vöknah maß e Söl komön o kove sinten a eean vös.

E Söl To Nö Hah En Jerusalëm

26 E Söl to nö hah en manuh Jerusalëm, pareß iu teß vatös me non a ma teß va po vaman. Ivëhkëk, o teß poë varih to hikta vaman ne poë pan, eß a teß va po vaman pare nanaöp e ne peß. 27 Ivëhkëk, e Banabas to me e Söl manuh po aposol, pareß vahutët ke raoe a ö ne Söl to ep in e Ieesuß manuh hanan, ko vaato me poan. E Banabas me to vahutët ke raoe a ö ne Söl to vatvus a soe pa ëhnan e Ieesuß, me a hikto naöp manuh Damaskas. 28 Ivëh, ke Söl teß vaßpeh me non pee, manih Jerusalëm, pareß vavatvus non a soe pa ëhnan e Ieesuß, pareß hikta teß nanaöp non. 29 Eß to vavaato vaheve me non po Jiuß to nat ne po to Grik. Ivëh, kee vaiu këh e ne ta ö nee se ip vah va in e Söl. 30 A ma napan va po vaman to nat in a tah pamëh, pare me kunah ee pe Söl manuh vöön Sisariaß, keß oah pet en manuh pa vöön peß, Tasas.

31 Ivëh, ka manih pa muhin va Jiutiaß, Galiliß, me Samëriaß a ma napan va po vaman to teß vatuvuh ee. Ahik to vakihat, ka ma napan poë varih to pepeo e ne ko hop ee po vakum teß va po vaman. Ko vaman pee teß eh rakah e non, ka Tuvuh Vasioß vaeh e non pee, suk ee to teß ne paan a matop pe Sunön.

E Pitaß To Teß Non Vöön Lidaß Me Jopaß

32 E Pitaß to nö vavah en pa ma vöön va Samëriaß, ko pöh poen neß to nö en pa ep pa napan va po vaman manih pa vöön Lidaß. 33 Manih pa vöön pamëh, eß to ep in e Aënias, a teß no a ma soaß, me a sionineah to mët voh en, keß koroh tamoaan voh non tevan po tönim me o kukön kirismas. 34 Ke Pitaß soe ke Aënias pan, “Aënias, varuß vamanih e Ieesuß Kristo to vatoß hah en pën. Sun ah, parën nikun o pan pën.” Ke Aënias sun vëvëhöß rakah en. 35 Ka ma napan varih to teß ne vöön Lidaß, me po hëhë tahiß topnin Jopaß, me Sisariaß ep in poë to vih hah en ko panih, pare pah vaman vörep ee pe Sunön.

E Pitaß To Vatoß E Tabitaß

36 Manih vöön Jopaß, a pah köövo va po vaman to teß non a ëhnaneah e Tabitaß. Po to Grik ee to pokaß ne poë e Dokas. Eß to heß voh o toßtoß peß pa nok a ma tah pa vaßaus a ma napan arus. 37 Manih po poen pamëh, e Tabitaß to haraß a moeh, pareß mët en. A sionineah nee to uhu, pare vahoß ee peß pa piprom vöh kin. 38 A Jopaß to hikta teß varo këh non a vöön Lidaß, a vöön ne Pitaß to teß non, ivëh, kee vanö ee pa poa teß to teß a soe manuh pe Pitaß to soe va non manih pan, “Emöm to up maß oah, vëvëhöß ah, ka nö.” 39 Ke Pitaß vamatop a ma tah peß, kee pët nö ee. E Pitaß to vos, kee me peah ee peß manuh pa ö no a sionin e Dokas to pet non. O köövo amop to vatönun suk vah ne e Pitaß, ee to okook ne, pare vataare ne e Pitaß a ma ohop ne Dokas to nonok voh non. 40 Ke Pitaß taß a napan, kee tavus kurus ee keß vatokon, pareß hin e Sosoenën se vatoß e köövo. Eß to hin vahik, pareß tarih manuh pa teß mët pareß soe pan, “Dokas, sun ah.” E Dokas to kap a matan ko ep in e Pitaß, pareß ihoß en. 41 Ke Pitaß öt pa koreneah, pareß vaßaus en peß pa sun. E Pitaß to vaoe a ma napan va po vaman me o köövo amop, pareß heß hah en pe Dokas manih pee. 42 O vahutët va pa ö ne Dokas to toß hah to nö vavah en manih pa vöön Jopaß. Ka tah pamëh to kat, ko vaeh o vaman po teß peo va po vaman me a ma meh teß to vaman ee pe Sunön. 43 E Pitaß to teß varë me en pe Saëmon, e voe to nonok non sih a ma moeh tah po kap in a purmakaöß manih vöön Jopaß.

Copyright information for `TPZ