bSng 82:6

John 10

E Ieesuß A Teß To Matop Vavih Non O Sipsip

E Ieesuß to vavaato avoeß me non pa napan, pareß soe ke raoe pan, “Eöß to soe vamaman rakah keoß peöm. A teß to hikta ho koe ke maß manih po hopaß oho koe ke po sipsip, eß a teß kakaveo, me a teß vëh to vaßnaöp a meh teß pareß kon akuk a ma tah peß. Ivëhkëk, a teß vëh to ho koe ke maß manih po hopaß oho koe ke po sipsip, eß a teß pamëh to matop non sih o sipsip. Ka teß vëh to matop non sih po hopaß, peret ken pa teß pamëh keß ho en maß. Ko sipsip tënan inan ee pa to peß, keß vaoe en pa ëhnëëro sipsip koman peß, pareß me tavus en pee. Eß to me tavus en po sipsip, pareß vovoh nö ke non pee, kee suksuk nö e ne peß, suk ataeah, ee to tënan inan e ne pa to peß. Ivëhkëk, o sipsip to hikta onöt ne a suk a meh teß, ee se rusin këh ee peß, suk ataeah, ee to hikta tënan inan ne a to pa teß pamëh.”

E Ieesuß to soe vahik ken pa napan pa soe vapipinoß pamëh, ivëhkëk, a napan to hikta nat ne pa pusun in o vahutët pamëh. Ivëh, ke Ieesuß soe hahah kov en pan, “Eöß to soe vamaman rakah keoß peöm. Eöß koman e Ieesuß Kristo, eöß to teß va e noß manih po hopaß oho koe ke po sipsip. Eöß to hikta teß va noß manih pa napan varih to vovoh voh ka maß neoß, ahik, ee to teß va e ne manih po teß kakaveo me ro teß varih to vaßnaöp o upöm teß, pare kon akuk a ma tah pee. Ivëh, no sipsip man peöß varih a napan, to hikta tënan inan suk ne raoe. Eöß koman to teß va e noß manih po hopaß, keteh to koe ke maß manih peöß e Sosoenën se hehe en peß. A teß pamëh, se keh koe ke maß manih peöß, pareß oah koe manih peöß. Eß se taum en pa taëën, pareß hikta antoen non a taum ta hat. 10 A teß kakaveo to hikta nö maß pa nok ta meh tah, ahik, eß to nö ro ko maß pa kaveo o sipsip, me ip vamët, me a miröß raoe. Ivëhkëk eöß koman, eöß to nö voh maß pa heß o toßtoß tamoaan peöß manih pee, ko toßtoß tamoaan pamëh puh rakah non manih pee, kee teß vavih e ne.

11 Eöß koman rakah a teß a pah mamatop sipsip vavih. Ka teß vëh to matop vavih non sih o sipsip ivëh, to heß o toßtoß peß marën a vaßaus o sipsip peß. 12 Ka teß vëh to kiu moniß varoe non eß to hikta koman tiroëß non a matop vavih o sipsip. Suk ataeah, eß to hikta vaneah non po sipsip poë varih. Ko poen neß to ep o këh poa to nö maß, eß to rusin këh en po sipsip, ko këh poa poë varih ëën ee pee ko veo vavah ee po upöm. 13 A teß kikiu se rusin en, suk eß to kiu moniß varoe ko non. Eß to hikta iu matop vavih non o sipsip.

14 Eöß koman a teß to matop vavih noß sih o sipsip. Eöß to nat vavih rakah e noß po sipsip peöß vamanih pa ö ne Tamön vöh kin to nat vavih va ka non neoß. Ko sipsip peöß to nat vavih e ne peöß vamanih pa ö nöß to nat vavih va i noß sih e Tamaneoß Sosoenën. Keöß koman se heß o toßtoß peöß marën a vaßaus a napan, ka napan ip vamët a neoß, köß mët marën a vaßaus o sipsip peöß. 16 Eöß to vaneah noß o upöm sipsip, ko sipsip poë varih to teß tavus këh e ne pa panis sipsip peöß, eöß to kehkeh me ho noß maß o sipsip poë varih pa panis peöß. Kee sih tënan ne a to peöß keß teß non a pah teß ro to ut non po sipsip poë varih pa koman a pah panis. 17 E Tamön to iu suntan rakah e non peöß, suk ataeah, eöß to nat e noß, peöß se heß o toßtoß peöß pa mët, paröß kon hah eoß po toßtoß pamëh. 18 E Tamön to soe vakis voh ka neoß a nok vamanih, ka hikta pah teß to onöt non a kon këh a neoß po toßtoß peöß. Eöß koman to teß me noß o kikis va pa heß o toßtoß peöß manih pa mët. Paröß teß me e noß po kikis va pa kon hah o toßtoß pamëh.”

19 O teß susunön po Jiuß to pënton a soe vaßih ne Ieesuß to nok ko taki vakëh ee, pare hikta vapöh kokoman hah ne. 20 Ko upöm teß peo va po teß susunön po Jiuß soe ee pan, “A oraß hat to teß non manih pa teß vëh. A oraß pamëh to vapapön non poan, keß tooto pinpiun non. Eöm pëpënton suk nem a soe peß ataeah?”

21 Ko upöm pee soe ee pan, “A teß no a oraß hat se keh teß non peß keß tooto pinpiun non, eß to hikta antoen non a soe ta soe to matan va non manih, a oraß hat onöt kës e non pa kap hah a matan a teß kehoß, keß ep vavih hah?”

O Teß Susunön Po Jiuß To Heß Tonun Ee Pe Ieesuß

22 Manih pa ma poen tutuvuh no a napan to tönun manih Jerusalëm, pare vaeö ne o poen nee to peret voh a Iuun Hinhin Apuh pee. 23 Ke Ieesuß koe ke maß pa vo nee to popokaß ne a vo pe Solomon. A vo pamëh to teß non koman a Iuun Hinhin Apuh va Jerusalëm. 24 Ko teß susunön po Jiuß nö maß, pare tönun töön poë. Pare hi poë pan, “Soe kamöm ah, o poen poanheh nën se soe vamaaka kamöm, eën eteh, eën se keh teß nom pan eën e Kristo?
A pusun in a ëhnan “Kristo” to soe va non manih pan, “A teß ne Sosoenën to vateß maß, keß nö maß”.
Soe vamaaka poß ka möm ah.”

25 Ke Ieesuß piun raoe, pareß soe pan, “Eöß to soe vamaaka ke voh eoß peöm, ivëhkëk, eöm to hikta vaman voh nem a soe peöß. A ma tah vatoksean nöß to nonok voh noß manih pa ëhnan e Tamön, to vataare e ne peöß eteh. 26 Ivëhkëk, eöm to hikta iu vaman nem, suk ataeah, eöm to hikta teß nem pan eöm o sipsip peöß. 27 O sipsip peöß to tënan inan e ne pa to peöß. Köß nat e noß pee, kee suksuk vah e ne sih peöß. 28 Eöß to heß voh eoß pee po toßtoß tamoaan peöß, kee hikta onöt ne a ro, ka hikta pah teß to onöt non a he taneß raoe manih pa koreneoß. 29 E Tamön to heß voh en peöß po sipsip. Eß to apuh oah e non pa ma moeh tah kurus, ka hikta pah teß to onöt non a he taneß o sipsip peöß manih pa koreneah. 30 Emöm poß Tamön, to teß tamoaan e nem a paeh a teß.”

31 Ivëh, ko teß susunön po Jiuß pënton a soe vaßih, pare kokon o vös, ko kehkeh tösvös e ne pe Ieesuß. 32 Ivëh, ne Ieesuß to soe suk va i raoe manih pan, “Eöß to nok voh a ma kiu vihvih va pe Tamön, ka ma kiu vihvih poë varih nöm to ep voh em. A hat taeah poß nöß to nok köm kehkeh ip vamët suk a nem neöß?”

33 Ivëhkëk, o teß susunön po Jiuß to piun poë pare soe pan, “Emöm to hikta iu ip vamët a nom oah suk eën to nonok nom a ma kiu vihvih, ahik, a tah nemöm to kehkeh ip vamët suk a nom oah ivëh, eën to teß me ennom po sionin, parën tooto oßoah e nom pe Sosoenën pa ö nën to sosoe nom pan eën to vatoe me e nom peß.”

34 Ke Ieesuß piun raoe, pareß soe pan, “O vavaasis peöm to teß non koman o Puk Vapenpen ne Sosoenën to sosoe non pan,

‘Eöm o teß to teß me nem o sionin, eöm kurus o sosoenën.’ b 
35 “Ka soe to kiun non manih po Puk pe Sosoenën pamëh to soe non pan, o teß varih to kon a soe pe Sosoenën, ‘Ee ro sosoenën.’ “A soe to kiun non manih po Puk pamëh, eß a soe man, pareß hikta onöt non a panih. 36 Vahvanih köm sosoe nem pan eöß to toto oßoah noß e Sosoenën, suk eöß to sosoe ka noß neöm sih pan, ‘Eöß e Koaß pe Sosoenën.’ Keöß a teß ne Sosoenën to vateß voh, pareß vanö maß, köß nö maß manih po oeh vëh.”

37 “Eöß se keh hikta nonok noß a ma kiu ne Tamön to nonok non, a, eöm to hikta se vaman nem a ma soe nöß to sosoe noß sih. 38 Eöm se keh rës e nem pa vaman a soe peöß, koe öm keß teß non, paröm koe a vaman eah, ivëhkëk, eöß se keh nok eoß pataeah ne Tamön to nonok non, a, vaman varoe a ma tah me a ma kiu nöß to nonok noß. Suk ataeah, eöß to iu rakah noß pan eöm se nat vavih, paröm kokoman vavih vamanih pan, E Tamön to teß non manih peöß, köß teß varuß e noß peß, kemöm poß to teß tamoaan e nem a paeh a teß.”

39 Ko Jiuß kehkeh öt hah e ne pe Ieesuß, ivëhkëk, eß to ro aven këh en pee, pareß nö en.

40 E Ieesuß to ro aven këh o Jiuß, pareß pahan en pap ruen vöh pa ruen nee to popokaß ne a Jödën. Eß to nö, pareß tavus en pa ö vëh ne Jon Tövapupui to taneo voh pa pupui a napan, pareß teß e non nën.

41 Ka nap peo rakah nö ee maß manih peß, pare vavaasoe koman e ne pan, “E Jon to hikta nok voh ta tah vatoksean, ivëhkëk, a ma tah neß to sosoe suk voh non pa teß vaßih e Ieesuß to tavus vaman ee.” 42 E Ieesuß to teß non manih pa ö pamëh ka nap peo rakah vaman ee pa soe peß, me a ma tah neß to nonok non. Ivëh, kee nat ee pan, e Ieesuß, eß e Kristo.

Copyright information for `TPZ