aSng 41:9

John 13

E Ieesuß To Pupui A Ma Moora Ma Vamomhë Peß

A siß ö hat ko poen va pa Taëën Apuh va po Pasovaß tavus en, ke Ieesuß nat en po poen neß se këh hah o oeh vëh, pareß nö hah en manuh pe Tamaneah to öök en. Eß to iu non a ma vamomhë peß varih to teß ne sih manih po oeh, keß onöt rakah po poen neß se mët.

Pa matanpoen ne Ieesuß me ra ma vamomhë peß to ënëën ne, ke susun po oraß hat heß en pe sunaiß Saëmon va Kariot e Jiutas po kokoman hat, keß heß tonun e Ieesuß ko vikuh en peß manih po teß varih to vakihat me ne poë. E Ieesuß to nat e non pe Tamaneah to vahoß vahik voh en pa ma moeh tah kurus manih pa koreneah, pareß nat me e non peß to taneß voh maß manuh pe Sosoenën. Eß to nat me e non peß se hah en manuh pe Sosoenën. Ivëh, keß sun taneß maß manih pa pok vëh no a ma taëën to tok ne, pareß ihan o ohop rë peß, ko kon o taöör pareß voh tavi manih pa vuvuhuneah. Eß to koß a ruen pa kepaß ko pupui en pa ma moeera ma vamomhë peß, ko varak en pee po taöör neß to voh non.

Eß to öök maß manih pe Saëmon Pitaß, keß hi poan pan, “Sunön, eën se pupui me eom pa moneoß oh?”

Ke Ieesuß piun a soe pe Pitaß pareß soe ke poan pan, “Eën to hikta nat nom pataeah nöß to nonok kuru, ivëhkëk, eën se nat amot eom pataeah ipamëh”

Ke Pitaß piun a soe pe Ieesuß pareß soe pan, “Ahik, eën se nat rakah nom pupui a moneoß.”

Ivëhkëk, e Ieesuß to piun a soe peß pareß soe pan, “Eöß se keh hikta pupui a momah, eën hikta se teß nom e vamomhë peöß.”

Ke Pitaß soe ke Ieesuß pan, “Sunön, koe a pupui varoe a moneoß. Eën se pupui me eom pa koreneoß me a pasuneoß.”

10 E Ieesuß to soe ke poan pan, “A teß vëh to uhu vahik voh eß to hikta onöt non a uhu hah. Suk ataeah, eß to voon vahik voh en, pareß onöt varoe ko non a pupui a moneah. Eöm kurus varih to voon vahik voh em, ivëhkëk, a paeh va peöm to hikta teß voon non.” 11 E Ieesuß to nat vahik en pa teß vëh se heß tonun poan, pareß vikuh in poan manih po teß to vakihat me ne poë, ivëh, neß to soe suk vamanih pan, “Eöm kurus o voon vahik, ivëhkëk, a paeh va peöm to hikta teß voon non.”

12 E Ieesuß to pupui vahik a ma moera ma vamomhë peß, ko ohop hah en po ohop rë peß, pareß nö ko ihoß hah en pa ö ihihoß peß, pareß hi raoe pan, “Eöm nat poß pöß e nem pa tah nöß to nok manih peöm, toh? 13 Eöm to popokaß e nem sih peöß, e Sunön, e Tövavaasis. Keß vih e non pa ö nöm se popokaß va e nem peöß nën, suk ataeah, eöß to teß va kov e noß nën. 14 Eöß se keh teß vamaman e noß e Sunön, e Tövavaasis peöm, to pupui a ma moeeneöm, a, eöm pet me se pupui a ma moeero upöm teß pea. 15 Eöß to nok a tah vaßih manih peöm vamanih po vëknöm, eß marën a vataare a neöm a taateß nöm se vavatet amot nem. 16 Eöß toß soe vamaman rakah keoß peöm. A teß kikiu to hikta antoen non a teß oah e susun peß, ka teß teßteß soe eß me to hikta se teß oah non a teß vëh to vanö poan. 17 Eöm se keh nat vavih nem po pus kokoman va pa tah vaßih nöß to nok manih peöm, eöm se haraß vaeö rakah e nem pa nok pet a taateß pamëh. Ivëh, ne Sosoenën se vaeö suk pet me a no neoß.

18 Eöß to hikta sosoe suk a noß neöm kurus, ahik! Eöß to nat e noß pe retereh nöß to kon raoe kee tavus ee o teß peöß, ivëh köß nat e noß pa soe to pet non po Puk pe Sosoenën to tavus vaman en. O Puk pe Sosoenën to soe non pan,

‘A teß vëh to ënëën vaßpeh me a no neoß a taëën vëh,
eß kuru a teß ko pamëh se kë a moneah,
pareß kom tötöön en peöß.’ a 
19 Eöß to soe vovoh ke voh eoß peöm pa tah pamëh, eß he meß avoeß e non pa tavus maß. Amot no a tah pamëh se tavus, köm ep paröm vaman poß em peöß e Kristo. 20 Eöß to soe vamaman rakah keoß peöm, eteh to öt a teß kikiu nöß to vanö nös, pareß matop vavih non poan, eß to öt me en peöß, pareß nok vavih me en peöß. Me eteh to öt a neoß, eß to öt me en pe Sosoenën vëh to vanö voh a maß neoß.”

E Ieesuß To Vavahutët Suk Non A Mët Peß

Matiu 26:20-25, me Mak 14:17-21, me Luk 22:21-23

21 E Ieesuß to soe vahik vakomanih, ko kokoman peß puh rakah en po tamak keß pah soe suntan en pan, “Eöß to soe vaman rakah keoß peöm, a paeh koman va peöm varih o vamomhë peöß ivëh, se vikuh ka neoß manih pa napan varih to vakihat me a ne neoß sih.”

22 E Ieesuß to sosoe va ko non manih ka ma vamomhë peß va kukuteß matan ee, suk ataeah, ee to hikta nat ne peteh ivëh, neß to sosoe suk non. 23 A paeh a vamomhë ne Ieesuß to iu suntan non sih poan to teß vatët non manih peß pa ö ënëën pee. 24 Ke Saëmon Pitaß vaviivi pasun ke vamomhë vëh to teß vatët non pe Ieesuß, pareß soe ke poan pan, “Hi a neah, eß sosoe suk non eteh?”

25 Ke vamomhë vëh to vahoß na pasuneah manih pe Ieesuß to hi poan pan, “Sunön, eën sosoe suk nom eteh?”

26 Ke Ieesuß piun a hi peß, pareß soe ke raoe pan, “Eöß se vahoß a ö taëën manih pa hiroß, paröß heß a teß pamëh. Eß akuk kuru a teß pamëh se vikuh ka neoß.” E Ieesuß to vavaato vahik va ko non manih, pareß vahoß en pa ö taëën manih pa hiroß, pareß heß en pe Jiutas, sunaiß e Saëmon va Kariot. 27 E Jiutas to ëën vahik en pa ö taëën pamëh, ke susun po oraß hat hop en peß ko heß en peß po kokoman hat. Ke Ieesuß soe ke poß en peß pan, “A tah nën to kehkeh nok nom nën se nok vëvëhöß rakah.” 28 A hikta pah teß to teß non manih pa ö ënëën to nat non pa pusun in a soe vaßih ne Ieesuß to sosoe ke non e Jiutas. 29 E Jiutas to matop non sih a pokis moniß, ivëh, ka ma meh vamomhë koman ne pan e Ieesuß to sosoe ke non poan a ö neß se voen ta meh taëën va pa taëën apuh va po Pasovaß. Me a ö nee to koman ne pan e Ieesuß to taßtaß non e Jiutas teß heß o teß arus ta ma tah. 30 E Jiutas to öt a ö taëën ne Ieesuß to heß poan, ko tavus vëvëhöß rakah en. A muhin he poen en.

A Taateß Voon

31 E Jiutas to tavus en, ke Ieesuß soe ke ra ma vamomhë peß pan, “Kuru neöß e Koaß Teß pa Napan Kurus se vataare eoß po kikis apuh peöß. E Sosoenën me se vataare en po kikis apuh peß manih peöß. 32 E Sosoenën se keh vataare o kikis apuh peß manih peöß e Koaß Teß Peß, a, e Sosoenën koman se vataare a napan o kikis me a vih peöß e Koaß Teß pa Napan Kurus.

33 Pus koaß peöß, eöß hikta se teß varë hah me a noß neöm. Eöm se ruß em peöß, ivëhkëk kuru, nöß to soe keoß peöm pa ö nöß to soe moaan vavoh in o teß susunön po Jiuß. Ka vöön nöß to nönö noß, nöm to hikta onöt nem a nö nën.

34 Ivëh, ka kuru, eöß to heß eoß peöm pa taateß voon, ka taateß voon pamëh to soe va non manih pan, ‘Iu a ma meh peöm.’ Eöm se iu nem a ma meh peöm vamanih pa ö nöß to iu va ka noß neöm sih. 35 Eöm se keh iu nem a ma meh peöm, a, a napan kurus se nat ee peöm a ma vamomhë peöß.

E Ieesuß To Soe A Ö Ne Pitaß Se Heß Tonun In Poan

Matiu 26:31-35, me Mak 14:27-31, me Luk 22:31-34

36 Ke Saëmon Pitaß hi e Ieesuß pan, “Sunön, eën nönö nom nih?”

Ke Ieesuß piun a hi peß, pareß soe ke poan pan, “A vöön nöß to nö noß nën to hikta antoen nom a suk a neöß parën nö nën. Ivëhkëk, amot ne eën se suk eom maß peöß.”

37 Ke Pitaß hi hah e Ieesuß, pareß soe pan, “Sunön, vahvanih, köß hikta onöt noß a suk a oah pa vöön nën to nönö nom? Kuru eöß to antoen e noß pa mët pa kon a tasun pën.”

38 Ke Ieesuß piun e Pitaß, pareß soe pan, “Eën antoen e nom pa mët pa kon a tasun peöß, ha? Eöß to soe vamaman rakah keoß pën, e toaß oeteß se meß avoeß e non pa tö, kën kukön soe eom pan, eën to hikta nat nom peöß.”

Copyright information for `TPZ