bSng 35:19; 69:4

John 15

E Ieesuß To Teß Va Non Manih Pa Vu Voaën

E Ieesuß to vavaato avoeß me e non pa ma vamomhë peß, pareß soe ke rapoë pan, “Eöß koman, eöß to teß va noß manih pa vu voaën, ke Tamön vöh pa vöön va kin, eß to teß va e non manih pa teß to vaneah non pa rak. E Tamön to moes vi en pa ma meh pean va peöß varih to hikta vovoaß vavih ne. Eß to vehveoh vavih rakah en pa ma pean ovineoß varih to vovoaß vavih ne, suk a ö nee se ep vamhën ne pare voaß suntan. E Tamön to vavoon vahik voh en peöm. Suk ataeah, a soe nöß to heß voh a neöm to nok a neöm, köm voon vahik em. Eöm se teß tamoaan nem manih peöß, köß teß varuß noß manih peöm, ka vatös tamoaan no, para tavus ee a paeh a teß. O pea voaën se keh hikta pu taneß voh maß pa vu voaën, eß to hikta onöt non a voaß. Eß to teß akuk va kov e non manih peöm o vamomhë peöß. Eöm se keh hikta vatös vavih me a nem neoß eöm me to hikta antoen nem a voaß.

“Eöß to teß va noß manih po rumun in o voaën, ke eöm to teß va e nem manih pa ma pean. Ta pah teß se keh teß vaßpeh tamoaan me a no neöß. A, eöß se teß tamoaan varuß e noß manih peß. Eß se vovoaß vavih va kov e non manih.
“Eß se vovoaß vavih va kov e non manih.” A pusun in a soe vaßih to soe va non manih pan, a taateß pa teß se vih ko vataare non a napan a ma taateß vih peß.
Ivëhkëk eöm se keh hikta teß vaßpeh me a nem neoß, eöm to hikta antoen nem a nok ta pah tah to onöt non a kë a ëhnan e Tamön.

Ta pah teß se keh hikta vatös me a non neoß, eß to teß va e non manih pa ma pea nöß hat ne tövaneah pa rak to moes vi, pareß ununun raoe, kee rak, ka napan vi raoe po suraß, ko suraß ës en pee. Eöm se keh nok vamanih, eöm se vatös vavih tamoaan me e nem peöß, paröm heß rakah a ma kokoman peöm manih po vavaasis peöß. Ivëh, köm se keh hin e Sosoenën ta tah nöm to iu nem, eß se heß en peöm. Eöm se teß va nem manih po pea voaën to voaß vörep. Ka napan se inan va ka ne neöm manih, pa ma vamomhë peöß. Ka tah pamëh to vataare non o kikis pe Tamön.

“Eöß to iu rakah e noß peöm o vamomhë peöß, vamanih pa ö ne Tamön to iu va ka non neoß sih. Ka ma poen kurus nöß to iu noß pan, eöm se teß tamoaan nem manih po iu peöß. 10 Eöm se keh vavatet vavih rakah nem o vavaasis peöß, me a soe peöß, a, eöm se teß tamoaan e nem manih pa taateß iu peöß. Eöm se teß va e nem manih pa ö nöß to vavatet vavoh noß o vavaasis me a soe pe Tamön. Ivëh, nöß to teß tamoaan suk noß sih manih po iu peß. 11 Eöß to soe ke voh eoß peöm, pa tah vaßih. Ivëh, nöß to iu suk noß a ö nöm se puh rakah nem po vaeö. Ko vaeö peöm puh oah en maß manih pa ma kokoman peöm. Ivëh, ko vaeö peöß se puh rakah non manih pa ma kokoman peöm, keß ivaßih a tah nöß to soe suk vavoh ka neöm nën. 12 Keß ivaßih, a soe apuh peöß. Iu a meh teß vamanih pa ö nöß to iu va ka noß neöm sih. 13 Ta pah teß se keh iu suntan rakah non a ma vamomhë peß, eß se heß o toßtoß peß manih po upöm teß kee ip vamët poë marën a vaßaus raoe. Eß to teß akuk va kov e non manih po vu iu nöß to soe voh ka neöm. 14 Ke eöm varih se keh nok voh a ma tah varih nöß to soe voh ka neöm, eöm se tavus em a ma vamomhë peöß. 15 Eöß to hikta popokaß hah a noß neöm o teß kikiu. Suk ataeah, o teß kikiu to hikta nat ne pataeah ne torara pee to nonok non. Eöß se pokaß eoß peöm o vamomhë peöß, suk ataeah, a ma soe kurus nöß to kon taneß manuh pe Tamön, ne eöß to soe pet ke voh eoß peöm. 16 Eöm to hikta kon voh a neoß pan, eöß se teß vaßpeh me a noß neöm. Ahik, eöß to kon voh a neöm paröß heß eoß peöm pa kiu vëh, eöm se nö paröm vapu pet a soe peöß, keß voaß manih pa napan vamanih pa ö no naon to vovoaß va non. Ke eöm se keh hin ta pah tah manih pa ëhnaneoß, e Tamön se heß en peöm. 17 Keß ivaßih, a soe peöß. Iu a meh teß pö nën to iu hah va ka nom.”

A Napan Va Po Oeh Se Hat Ov E Ne Po Vamomhë

18 E Ieesuß to vavaato avoeß e non, pareß soe pan, “A napan va po oeh vëh se keh rës ka neöm, a, eöm se nat va nem manih pan, ee to rës me voh e ne peöß. 19 Ivëh, köm se keh teß nem pan, eöm a napan va po oeh vëh, a napan va po oeh vëh se iu e ne peöm a ma meh pee. Ivëhkëk, eöß to kon ke voh eoß peöm, köm këh em maß pa ma taateß hat pa napan va po oeh. Ivëh, köm hikta teß hah nem pan, eöm o teß va po oeh vëh. Keß ivaßih, a tah no a napan va po oeh vëh to rës suk ka no neöm. 20 Eöm se koman hah voh a soe vëh nöß to soe voh ka neöm. A soe pamëh to soe va non manih pan, ‘A teß kikiu to hikta antoen non a teß oah e susun peß’. A napan se keh hinën e ne peöß, a, kuru me nee se hinën e ne peöm. Kuru vaßih nee se tënan ee po vavaasis peöß, ee se keh tënan ee po vavaasis pamëh ee to tënan me ee peöm. 21 A napan va po oeh vëh se hinën ee peöm, suk eöm a ma vamomhë peöß. Ee se hinën a neöm, suk ee to hikta nat vavih ne pe Tamön vëh to vanö voh a maß neoß. 22 Eöß se keh hikta nö voh maß paröß vatvus a soe peöß manih pa ma napan va po oeh vëh, ee hikta onöt ne a taum ta hat, suk a ma taateß hat pee. Ivëhkëk, kuru nee to hikta teß me ne ta hanan nee se koaan vah va in a ma taateß hat pee. 23 Etereh to rës a ne neoß. Ee to rës me e ne pe Tamön. 24 Eöß se keh hikta teß vaßpeh me voh noß raoe, paröß nonok noß a ma kiu apaßpuh varih, no a hikta meh teß to antoen non a nok, a hikta tah nee se taum suk ta hat. Ivëhkëk, ee to ep ee pa ma kiu nöß to nonok noß, pare rërës avoeß e ne pemöm poß Tamön. 25 Ivëhkëk, a ma taateß poë varih to tanok marën a vapuh a soe to kiun non pa taateß pee to soe non pan,

‘A hikta pusun in a tah nee to rës suk a ne neoß.’ b 
26 Eöß se vanö ka nös neöm a Teß Vavaßaus Teß, ivëh a Tuvuh Vasioß, keß nö nös peöm. A Tuvuh pamëh se taneß maß pe Tamön. Keß, a Tuvuh va pa soe man. O poen neß se nö nös peöm, eß se vamaaka ken peöm pa ma kiu me a ma taateß peöß. 27 Eöm me se vatvus pet a soe peöß manih pa napan, suk eöm to teß vaßpeh me voh e nem peöß po poen nöß to taneo maß a nok a kiu peöß, keß öök non maß manih kuru.

Copyright information for `TPZ