Luke 16

A Soe Vapipinoß Va Pa Teß Susun Natnat

Ke Ieesuß soe ke a ma vamomhë peß pan, “A pah teß öt ö to teß me non a teß susun to vakiu ke non poan a ma kiu peß. Ka ma meh teß nö maß manih pa teß öt ö, pare soe ke poë pan, ‘A teß vëh to susun non to pah vi vahok en pa ma tah pën.’ Ka teß sunön vaoe en pa teß susun, pareß soe ke poan pan, ‘A soe vaßih nöß to pënton manih pën teß vah va non nih? Eën se nö, parën kiun to soe vanat in a ma tah peöß to teß non manih pën. Eën hikta se teß hah nom a teß susun peöß.’

Ka teß susun pamëh pah kokoman vörep e non pan, ‘Eöß se nok vah vanih? E sunön to kehkeh veo këh e non peöß pa kiu vëh a teß susun. Eöß to hikta eh onöt noß a een o oeh, paröß poet e noß pa hin a meh teß a taëën. Ivëhkëk, eöß to nat eoß pa tah nöß se nok. Eöß se nok a tah no a ma napan se haraß ne pa vaßaus a neoß, ko me a neoß pa ma iuun pee pa ö no a teß sunön se veo këh a neoß a kiu.’

Ivëh, ke susun vaoe papaeh o teß varih to teß me ne a ma ötop manih pa teß sunön, kee nö ee maß manih peß. A paeh teß to tavus momoaan maß, ke susun hi poan pan, ‘Eën teß me nom a tovih ötop manih pe sunön peöß?’ Keß soe, ‘O 100 taram oer va po voaß öliv.’ Ke susun soe ke poan pan, ‘Eën se öt o pëpaß vëh to vëknöm non o ötop pën, ko ihoß, parën kiun o 50 taram ro.’ Ka meh teß suk en maß, ke susun hi poan pan, ‘O tovih ötop pën?’ Keß soe pan ‘O 100 pëk vuit.’ Keß soe ke poan pan, ‘Ëën se öt o pëpaß vëh to vëknöm non o ötop pën, parën kiun o 80 pëk ro.’

Ke sunön vaeö me e susun hat pamëh. Suk ataeah, eß to nok a taateß to teß va non manih pa teß to teß me non o kokoman va pa matop vavih hah ea. O teß va po oeh vëh to natnat oah e ne pa nok a ma kiu pee, ko teß oah e ne po teß varih to teß ne po maaka.”

Ke Ieesuß sosoe avoeß ke non pa ma vamomhë peß pan, “Manih pa moniß, eöm se vakamöß me a ma napan. Ka amot no a moniß se hik en, a, e Sosoenën se me a neöm pa iuun teßteß tamoaan.

10 Ta pah teß se keh matop vavih non a ma siß tah sosoneß, a, eß se matop vavih e non pa ma tah apaßpuh oah. Ka teß to hikta kiu vatotoopin non pa tah soneß, eß se hikta kiu vatotoopin pa tah apuh me. 11 Eöm se keh hikta matop vavih nem a moniß vëh po oeh. E Sosoenën me se keh heß a neöm a tah kokoek va pa vöön va kin, eöm hikta onöt nem a matop vavih. 12 Eöm se keh hikta matop vavih nem a tah no a meh teß to heß a neöm, eöm me hikta onöt nem a matop a tah ne Sosoenën to heß a neöm manih po oeh, keß vatoe e non manuh pa vöön va kin.

13 “A hikta pah teß kikiu to onöt non a matop a kiu pa poa torara, eß se hat ke non a paeh, pareß iu e non pa meh. Eß se pëpënton e non pa soe pa paeh, pareß heß tonun e non pa meh. Eöm to hikta onöt nem a tavus a teß kikiu pa poa teß, e Sosoenën me a moniß.”

A Soe Va Pa Taateß Me A Matop Vih Pe Sosoenën

14 O Parësiß to iu rakah ne sih a moniß to pënton a soe pe Ieesuß, pare pah kö ee peß. 15 Ivëhkëk, e Ieesuß to soe ke raoe pan, “Eöm to teßteß vapoßkan nem, pan eöm o teß totoopin to vavatet nem a taateß vih pa matëëra ma napan. Ivëhkëk, e Sosoenën to nat e non po kupu peöm. A ma tah no a napan to vaßpuh ne po kupu pee, eße a ma tah hat po epep pe Sosoenën.

16 O Vavaasis pe Mosës, me o Vavaasis po Teß Vanënën Soe to teß onöt rakah e non po poen ne Jon Tövapupui to tavus maß, pareß taneo en pa vatvus a soe va pa panih. Ivëhkëk, taneo no maß pe Jon ko öök no maß kuru, a Soe Vih va pa Matop Vih pe Sosoenën to tavus en maß pa ma vöön kurus. Ka ma nap peo söë rakah ee pa hop manih pa Matop Vih pamëh.

17 Amot no akis me o oeh se hik en. Ivëhkëk a hikta siß pah ö kiun va po Vavaasis pe Mosës to se panih.”

E Ieesuß To Sosoe Suk Non A Taateß Va Pa Kök O Vaen

Matiu 5:31-32; 19:9, me Mak 10:11-12

18 E Ieesuß to soe pan, “E voe to veo e köövo peß ko me a meh köövo, eß to nok a taateß rëhrëh. Ka voe to me a köövo vëh moaan voh ne voe peß to veo poan, eß me to nok en pa taateß rëhrëh.”

A Teß Öt Ö Me E Lasarus

19 “Moaan voh no a pah teß öt ö to teß non, ka ma poen kurus neß to ohop non a ma ohop vihvih vörep me o ohop ereraß vih. Ka ma poen kurus neß to ënëën non a ma taëën vihvih rakah. 20 Ka manih po sinten hopaß in a iuun peß, a pah teß arus rakah to koroh non, a ëhnaneah e Lasarus. A sionin e Lasarus to puh rakah non po piß. 21 Ke Lasarus koman non a ö neß se kon a ma ö taëën ëën këh to vuß manih paan a ö ënëën pa teß öt ö pamëh, pareß ëën ko mahun. O këh to nönö e ne maß, pare rëmrëm ne a ma piß pe Lasarus. 22 A teß arus pamëh to mët en, ko ankeroß pe Sosoenën nö maß, pare teß poë ko vahoß vaßpeh me poë e Abraham. Ka teß öt ö mët suk en. 23 Ko nö en manuh po suraß ësës tamoaan, ko teß rakah me non o kamis o pöh apuh rakah. Eß to ta peah, pareß ep na e Abraham to teß varo rakah e non maß, ke Lasarus teß vaßpeh me non poan. 24 Ka teß öt ö tötö ke na e Abraham, pareß soe pan, ‘Tamön, eën se uruan a neoß, parën vanö maß e Lasarus, keß varu a kumis koreneah manuh pa ruen, pareß vatunuß voh maß a meaneoß. Eöß to pah haraß suntan rakah e noß po kamis manih po suraß vëh!’

25 Ivëhkëk, e Abraham to soe pan, ‘Koaß peöß, kuru eën se kokoman voh a pah tah, moaan voh eën to teß toßtoß nom eën to kon voh a ma tah vihvih rakah, ke Lasarus kon voh a ma tah hat. Ivëhkëk, manih pa vöön vëh o kokoman moomo neß to kon, ka hik to kamis neß to kon, ke eën to pah kon eom po kamis o pöh hat rakah. 26 Ka meh tah ivëh, manih topniira, e Sosoenën to vateß voh o pöh een. Ivëh, ko teß to teß ne manih, to iu pahan ne o een vëh, ko nö nös manih peöm, eße to hikta onöt ne. Ko teß varem to hikta onöt ne a pahan maß, pare nö maß manih pemöm.’

27 Ka teß öt ö soe vamanih pan, ‘Ivëh, köß hi nös oah Tamön, eën se vanö e Lasarus keß nö manuh pa iuun pe tamön. 28 Eöß to teß me noß a tönim kea peöß, ke Lasarus se nö, ko heß raoe a soe va pa panih a ma taateß hat pee, tomeß eße nö maß manih pa vöön va pa kon o kamis apuh vëh.’

29 Ivëhkëk, e Abraham to soe maß pan, ‘O Vavaasis pe Mosës me ro Vavaasis po Teß Vanënën Soe to teß e ne, ee se tënan ee pa ma Vavaasis poë varih, pare vatet ee.’”

30 Ka teß öt ö soe pan, ‘Ahik, Tamön Abraham, o Vavaasis varih to hikta onöt ne, suk ee se keh tënan a teß vavaasis to nat non o Vavaasis pe Mosës, ee to hikta se vaman ne. Antoen rakah non a ö no a teß se sun taneß hah manih pa nap mët, ko heß a soe, kee panih a ma taateß hat pee.

31 Ivëhkëk e Abraham to soe ke poan pan, ‘Eße se keh hikta tënan o Vavaasis pe Mosës, me ro Vavaasis po Teß Vanënën Soe, a, ka ta pah teß se keh sun taneß hah maß pa nap mët, eße to hikta onöt ne a vaman pet poë.’”

Copyright information for `TPZ