bMai 5:2
cHos 11:1
fJer 31:15
gAis 11:1

Matthew 2

O Teß Susunön To Heß E Ieesuß A Ma Heß Pee

E Ieesuß to koaß voh manih pa koman a vöön vëh Bëtrëhëm. A vöön pamëh to teß non po komön o oeh va Jiutiaß. Manih po poen pamëh ne Hëërot to sunön non nën. Pareß matop non a muhin pamëh. Ko poen ne Mariaß to vahuh vahik en pe koaß Ieesuß, ka ma teß susunön taneß maß pa ö no potan to pepeah ke non maß, pare vos ee Jerusalëm, ko hi ee pa napan pan, “E koaß sipoan pa napan va Israël teß non nih? Emöm to ep maß a vesun to vëknöm non poan to paapa ke non maß manuh pa ö no a potan to pepeah ke non maß. Emöm to vatet maß a vesun pamëh marën a vataare a taateß ta manih peß.”

E Hëërot to pënton a soe vaßih pareß pah koman vaßnaöp en, me a napan to teß ne Jerusalëm, ee me to pah koman vaßnaöp ee. Ivëh ke Hëërot ununun en po teß ësës heß susunön me ro teß vavaasis varih to nat i ne o Vavaasis pe Mosës,
[... o Vavaasis pe Mosës,] E Sosoenën to heß koe a ma Vavaasis varih pe Mosës manih pa napan va Israël. Ep na pa tonun o Puk to teß non a Kölösöriß pa maaka vavih a tah no o Vavaasis pe Mosës to soe suk non.
pareß hi rapoë pan, “E Kristo a teß vëh ne Sosoenën se vanö maß marën a kon hah a napan peß varih Israël se tavus rakah pa vöön poanheh?”
Kee piun poë pan, “Manih Bëtrëhëm, pa muhin va Jiutiaß. A teß vanënën soe to soe voh pan,

‘Bëtrëhëm,
manih pa muhin va Jiutiaß,
eën se nat nom vasuksuk vatëh nom maß a ma vöön apaßpuh varih to teß ne manih Jiutiaß.
Suk ataeah,
amot manih pën no a pah teß sunön se tavus,
pareß matop non a napan peöß varih Israël.’” b 
Ivëh ke Hëërot vaoe aven en pa ma teß varih to taneß maß manuh pa ö no a potan to pepeah ke non maß, pan ee se nö maß manih peß. Keß hi aven rapoë po poen poanheh no a vesun pamëh to taneo tavus voh maß. Murin in o siß ihoß pamëh ne Hëërot to vanö en pee manuh Bëtrëhëm, pareß soe ke rapoë pan, “Eöm se nö paröm vaiu vavih rakah këh e koaß pamëh, paröm hah koe ke maß manih ko soe vanat a neoß, köß sih nö varuß, paröß vasunön eah.” A ma teß sunön poë varih to tënan vahik ee pa soe pe meh sunön pee, Hëërot, pare nö pet ee. Ee to ep hah ee pa vesun vëh nee to ep moaan voh ne maß. Keß vovoh nö ke non pee, pareß nö ko pah teß totoopin rakah e non manih pa iuun vëh ne koaß to teß non pen sinaneah Mariaß. 10 Ko poen nee to ep in a ö no a vesun to teß totoopin e non nën, ee to puh rakah ee po vaeö. 11 Ee to ho ee manuh koman iuun, pare taum ee pe koaß pen e sinaneah Mariaß. Pare vapeoß pasun ke poë, ko vatokon, pare kë a ëhnan e koaß, ko pureß a ma mon heß pee, ko heß ee peß. Ee to heß poë a gol me o tah a voavuh vih me o vanom a voavuh vih vëh o voen vapeah. 12 Ivëhkëk, e Sosoenën to tavus o teß poë varih manih po tatarep, pareß soe ke rapoë pan, ee se nat ne koe hah ke manuh pe Hëërot. Ivëh kee koe ke pa meh hanan to nö hah non manuh pa muhin pee.

E Jeosëp Me Ra Poa Tom Sinan Peß

13 Vasuksuk in o poen no o teß sunön to hah ee manuh pa muhin pee, ka ankeroß pe Sunön tavus e Jeosëp po tatarep, pareß soe ke poan pan, “Jeosëp! Sun ah! Parën rusin me a poa tom sinan pën manuh Isip. Paröm teß nem nën, keß antoen rakah non a ö nöß se soe vanat hah oah a ö nën se hah maß. Suk ataeah, e Hëërot to vavaiu vah non e koaß pan eß se ip vamët poan.”

14 Ke Jeosëp sun, ko pön me en pa poa tom sinan peß, kee nö ko vos ee manuh Isip. 15 Ee to teß ne nën keß antoen po poen ne sunön va Jiutiaß e Hëërot to mët. Keß a tah pamëh to vapuh rakah en pa soe ne Sunön to soe ke voh o teß vanënën soe pan,

“Eöß to vaoe nös e koaß peöß teß tavus këh maß a Isip.” c 

E Hëërot To Ip Vamët O Koaß Oeteß

16 E Hëërot to nat en pa ö no o teß sunön varih to taneß maß manuh pa ö no a potan to pepeah koe ke non maß to piuk in poë, ko kokoman peß pah hat oah rakah en po heve, keß taß en pa ma nap vëvënsun peß, kee nö ee manuh Bëtrëhëm, me pa ma siß vöön to teß vatët ne nën. Ee to nö pare ip vamët o koaß oeteß sosoneß, taneo non po teß o kon varuß ko öök ne po teß varih to teß me ne a ma pöök kirismas.

Eß to nat e non peß to pöök kirismas voh non ka ma teß susunön soe ke poë a ö nee to ep a vesun. Ivëh, neß to taß suk a ma teß vëvënsun peß, pan ee se ip vamët a ma koaß oeteß sosoneß.
17 A tah pamëh to vapuh non a soe ne Sosoenën to soe ke voh a teß vanënën soe peß vëh e Jeremaëaß. E Jeremaëaß to soe voh pan.

18  “Manih Remaß,
Remaß eß a ö oeh to teß vatët non manih Jerusalëm
no a napan to pënton a vakoei,
a napan to pënton o vaokook vatamak.
E Resel
E Resel to sun ke non a kën sipuneah
to okook non o pus koaß peß,
ka napan hikta onöt ne a vatö o kokoman peß.
Suk ataeah o pus koaß peß to mët vahik ee.” f 

Jeosëp Me A Poa Tom Sinan Peß To Hah Ee

19 Vasuksuk, ne Hëërot to mët en. Ka ankeroß pe Sosoenën tavus e Jeosëp po tatarep manih Isip. 20 A ankeroß pe Sosoenën to soe ke Jeosëp pan, “Jeosëp! Sun ah! Parën me hah a poa tom sinan pën, köm hah manuh Israël, suk ataeah, o teß varih to kehkeh ip vamët ne e koaß to mët vahik ee.” 21 Ivëh ke Jeosëp sun, pareß me hah en pa poa tom sinan peß, kee hah ee manuh Israël.

22 Ivëhkëk, e Jeosëp to pënton hah a soe to soe non pan, e Akereas to kon a tasun pe tamaneah Hëërot, pareß tavus a teß apuh va Jiutiaß. Ivëh, ke Jeosëp to nanaöp non a nö hah manuh Jiutiaß. Ivëhkëk, e Sunön to tavus hahah kov en peß po tatarep, pareß soe ke poan a ö neß se nö hah en manuh pa muhin va Galiliß. 23 Eß to me hah en pa poa tom sinan peß, kee teß e ne Nasarët. Ee to teß ne nën marën a vapuh a soe voh po teß vanënën soe to soe non pan,

“A napan se popokaß amot ne poë, a to Nasarët.” g 
Copyright information for `TPZ