aAis 62:11; Sek 9:9
bSng 118:26
dAis 56:7
eJer 7:11
fSng 8:2
gSng 118:22-23

Matthew 21

E Ieesuß To Vos Manuh Jerusalëm Vamanih Pa Teß Sunön

Mak 11:1-11, me Luk 19:28-40, me Jon 12:12-19

E Ieesuß me ra ma vamomhë peß to këh ee maß pa vöön va Jerikoß, pare öök vatët ee manih Jerusalëm. Ee to vos momoaan ee pa vöön nee to pokaß ne Bëtfes, a vöön pamëh to teß non Tope Öliv. Ee to teß ne nën, ke Ieesuß vanö vovoh en pa poa vamomhë peß. Pareß soe ke rapoë pan, “Nö na manuh pa vöön vöh na to ep no na. Eöm se nö nën, paröm taum a tönkiß nee to nohtöön poë po uris, keß sun vaßpeh me non e koaß peß. Paröm ihan raoe, ko me maß raoe manih peöß. Ka ta pah teß se keh hi a neöm ta hi, köm soe ke eah pan, ‘E Topoan to teß me non a kiu manih pee.’ Eß se heß vëvëhöß hah en maß pee.”

Eß a tah pamëh se tanok ko vapuh rakah a soe no a teß vanënën soe to soe voh. Eß to soe voh pan,

“Soe ke ra napan va Jerusalëm,
‘E sunön peöm to nö en maß.
Eß to nö va maß manih pa teß akuk to hikta teß me non to ëhnan,
pareß tok maß pa tönkiß sekaß.’” a 
A poa vamomhë peß to nö, pare taum va ee manih pö neß to soe va i rapoë. Ee to me ee maß pa sinan tönkiß me e koaß peß, pare pan a ma ohop rë manih pa tonun a poa tönkiß, ke Ieesuß tok poß en. Ka napan o pöh peo rakah to ihan a ma ohop rërë pee, pare panpan ee manih hanan. Ko upöm moes maß a ma pea naon, ko vahoß ee manih hanan. Ka napan varih to vovoh nö ke ne e Ieesuß, me ro teß varih to suksuk nö ne maß poë. Ee to tataoa nö ne maß, pare sosoe va ne manih pan,

“Vaeö ke na e Kristo, e Koaß supnaiß pe Devit!
E Sosoenën to tapui a oah,
suk eën to nö maß pa ëhnan e Sunön. b 
Vaeö rakah, ko kë a ëhnan e Sosoenën.”
10 E Ieesuß to vos manuh Jerusalëm ka napan töhkak, pare vaiihi e ne pan, “A teß vëh eß rakah eteh?” 11 Ka napan varih to tataoa nö ne soe ke rapoë pan, “A teß vaßih, eß e Ieesuß, ka muhin peß ivëh Galiliß, ka vöön peß ivëh Nasarët. Eß a teß vanënën soe pamëh ne Sosoenën to heß voh a ra.’

E Ieesuß To Veo A Napan To Nonok Moniß Ne Koman Iuun Hinhin Apuh

Mak 11:15-19, me Luk 19:45-48, me Jon 2:13-22

12 E Ieesuß to vos manuh Jerusalëm, pareß ho koman Iuun Hinhin Apuh, pareß veo tavus en pa napan to vavavoen ne a ma tah pee, Eß to koep en pa ma pok

po teß varih to papanih moniß ne.
A napan to nok suk a ö papanih moniß manih koman Iuun Hinhin Apuh, suk a napan varih to iu voen ne a ma tah koman Iuun Hinhin Apuh, ee se panih a ma moniß pee nën pa moniß va pa Iuun Hinhin Apuh. Ee hikta onöt ne a voen a vönaß va pa ës ke na e Sosoenën pa moniß va Room, me a teß moniß va Grik.
Pareß koep en pa ma ö ihihoß po teß varih to vavavoen ne o panuh.
13 E Ieesuß to soe ke rapoë pan. “Manih po Puk Vapenpen no a teß vanënën soe e Aisaëaß to kiun voh to soe va non manih pan,

‘A iuun peöß eß a iuun hinhin pa napan kurus.’ d 
Ivëhkëk, eöm to rih a iuun pe Sosoenën, paröm nok em peß

“A ö vavakoaan po teß kakaveo.” e 
14 E Ieesuß to teß non koman Iuun Hinhin Apuh, ka nap kekehoß, me ro teß hathat ma moe nö ee maß manih peß, keß vavatoß hah en pee. 15 O teß susunön ësës heß, me ro teß vavaasis to nat i ne o Vavaasis pe Mosës to ep a ma tah vatoksean ne Ieesuß to nok nën, pare tënan pet ee po koaß to tataoa ne koman Iuun Hinhin Apuh, pare sosoe va ne manih pan, “Kë a ëhnan e Ieesuß, eß e Kristo e koaß pe Devit.” A ma taateß poë varih to vaheve rakah ee po teß susunön ësës heß, me ro teß vavaasis varih to nat ne sih o Vavaasis pe Mosës.

16 O teß susunön ësës heß, me ro teß vavaasis to nat i ne o Vavaasis pe Mosës to nö ee manuh pe Ieesuß, pare hi poë pan, “Eën nat kës e nom pa tah no koaß varih to sosoe ne, ha?” Ke Ieesuß piun rapoë, pareß soe pan, “A, eöß to pënton e noß, paröß nat e noß pa tah nee to sosoe ne. Ke eöm poß, eöm to hikta ëh pöß voh a soe to kiun non manih po puk pe Sosoenën to soe non pan,

‘Eën koman to vavaasis voh o koaß sosoneß rakah,
pa kë a ëhnöömah.’” f 
17 Manih pa po poen pamëh ne Ieesuß to këh en po teß susunön ësës heß, me ro teß vavaasis to nat i ne o Vavaasis pe Mosës, pareß nö en manuh Bëtaniß.

O Kikis Va Po Vaman

Mak 11:12-14; 11:20-24

18 A muhin to takah en, ke Ieesuß taneß hah maß manuh Bëtaniß, ko nönö hah nö non manuh Jerusalëm, pareß haraß en po maë. 19 Eß to ep a vu naon nee to pokaß ne o fik to sun non sinten hanan, pareß nö manuh pa vu naon pamëh, ivëhkëk, eß to hikta teß voaß non. A uvin varoe ko neah to teß non. Ke Ieesuß soe ke o naon pamëh pan, “Eën hikta se vovoaß amot hah nom.” Ka uvin o naon pamëh rak vëvëhöß rakah en.

20 Ka ma vamomhë ep a tah ne Ieesuß to nok, pare pah toksean rakah ee. Pare vaiihi e ne pan, “Vahvanih ko naon vëh rak vëvëhöß vamanih, pa soe akuk pe Ieesuß?”

21 Ke Ieesuß piun a soe pee, pareß soe pan, “Eöß to soe vaman rakah keoß peöm, eöm se keh teß rakah me nem o vaman, paröm hikta teß me nem ta ma kokoman peo. A, eöm to onöt e nem pa nok a taateß nöß to nok manih pa vu naon vëh, me a ma meh taneah nöm to onöt e nem pa nok. Eöm to onöt e nem pa taß a tope vëh pan, ‘Sun ah parën vi kunah koman hah keo manuh koman tahiß.’ Eß se pënton en pa soe peöm. 22 Eöm se keh teß rakah me nem o vaman, paröm hin manuh pe Sosoenën, eöm se kon em pataeah nöm to hinhin suk nem.”

O Teß Susunön Ësës Heß To Hi E Ieesuß, Pan Eteh To Heß Poan O Kikis

Mak 11:27-33, me Luk 20:1-8

23 E Ieesuß to ho hah en manuh koman a Iuun Hinhin Apuh, pareß vavaasis non a napan nën. Ko teß susunön ësës heß, me ro teß susunön po Jiuß nö maß manih peß, pare hi poë pan, “Soe ka möm ah. A tasun taeah nën to teß me nom parën nonok nom a ma kiu varih? Eteh to heß a oah a tasun pamëh?”

24 Ke Ieesuß piun rapoë pareß soe pan, “Eöß me se hi a neöm ta teß hi, eöm se keh piun em peöß, a, eöß me se soe keoß peöm peteh to heß a neoß a tasun, köß nonok noß a ma kiu varih. 25 Soe ka neoß öm, a tasun vëh pa pupui a napan ne Jon Tövapupui to heß voh, taneß maß pe Sosoenën, keß, eß taneß maß manih pa napan ah?”

O teß susunön ësës heß, me ro teß vavaasis to nat i ne o Vavaasis pe Mosës, to vaiihi koman suk e ne pa hi pe Ieesuß, pare sosoe ne pan, “Ea se keh soe pan a kiu ne Jon to nonok non to taneß maß manuh pe Sosoenën, keß soe en pan, ‘Vahvapoßnih ka hikta vaman no e Jon?’
26 Ka se keh soe ee pan, ‘Eß a kiu pa teß.’ A, ea se nanaöp e no pa napan se ip ee pea, suk ee to vaman e ne pe Jon a teß vanënën soe.”

27 Kee piun e Ieesuß, pare soe pan, “Emöm to hikta nat nem.”

Ivëh, ke Ieesuß soe ke poß rapoë pan, “Eöß me hikta se soe ka noß neöm peteh to heß a neoß a tasun vaßih köß nonok noß a ma kiu varih.”

A Soe Vapipinoß Va Pa Poa Koaß

28 E Ieesuß to vavaato avoeß e non, pareß soe ke poß o teß susunön ësës heß, me ro teß susunön po Jiuß va Israël pan, “Eöm koman va poß nem nih pa ö no a pah teß to teß me non a poa koaß oeteß peß. Ko pöh poen ne tamëëre to nö manuh pe koaß vamomoaan, pareß soe pan, ‘Koaß peöß, kuru nöß to iu noß a ö nën se nö manuh po tökiu voaën peöß parën kiu maß.’ 29 Ke sunaißeah vaßsik en. Pareß teß non, ko panih o kokoman peß ko nö hah en pa kiu. 30 Vasuksuk ne tamëëre to nö en manuh pe meh sunaißeah, pareß soe ke poan pan, ‘Koaß peöß, kuru nöß to iu noß a ö nën se nö parën kiu maß manuh po tökiu voaën peöß.’ Ke sunaißeah manat en, ivëhkëk, eß to koe en, pareß hikta nö pa kiu.” 31 Ke Ieesuß hi poß en pee pan, “Eteh rakah pa poa koaß varih to pënton a soe pe tamëëre?” Kee piun a soe pe Ieesuß, pare soe pan, “E koaß vamomoaan.” Ke Ieesuß soe ke rapoë pan, “A, eöß to soe vaman rakah keoß peöm. A nap kokon takis, me ra nap rëhrëh se vovoh ke peöm manuh pa Matop Vih va pa Vöön va Kin, suk ee to tamak a ma taateß hat pee, pare panih ee. 32 E Jon to nö voh maß pa vataare a neöm a taateß totoopin, köm hikta vaman voh eah. Ivëhkëk, a nap kokon takis me ra nap rëhrëh to tënan voh a soe pe Jon, pare vaman e peß. Eöm to pënton voh em po vavaasis pamëh, ivëhkëk, eöm to rës e nem pa panih a ma taateß hat peöm, paröm vaman.”

A Soe Vapipinoß Va Pa Nap Hat To Matop Ne O Tökiu Voaën

Mak 12:1-12, me Luk 20:9-19

33 E Ieesuß to vavaato avoeß me e non po teß susunön ësës heß, me ro teß susunön po Jiuß, pareß soe pan, “Eöm se pënton vavih rakah nem po vahutët vaßih nöß se soe ka neöm. A pah teß to nep voh a rak voaën, pareß eean tavi poan. Pareß een a koveß marën a vahoß a ma voaß voaën nën, pareß kom ko hun tavus maß. Eß to eok en pa iuun no a teß se teß non, pareß ut non pa rak voaën pamëh. Pareß heß en po upöm teß, kee kiu moniß e ne manih peß, eß he nö varo en pa meh muhin. 34 Vasuksuk poß no a voaß to vamatop ee pa oes, ke tövaneah pa rak voaën vanö en maß pa ma teß kikiu peß manih po teß varih to matop ro ne pa rak voaën, pan ee se teß ke poë ta ma teß voaß voaën va pa rak peß. 35 Ivëhkëk, o teß varih to vaneah ro ne pa nep voaën to öt a ma teß kikiu pe tövaneah pa rak voaën, pare vakmis ee pee, ko ip vamët ee pa meh. Ka vakön teß kikiu nee to tösvös poë, keß mët en. 36 Ke tövaneah pa rak voaën vanö hah en po upöm teß kikiu peß to peo oah e ne pa ma teß varih neß to vanö moaan manuh po teß varih to matop ro ne a rak voaën. Ka napan varih to matop ro ne pa rak voaën nok va ee pee manih po teß varih to vovoh moaan maß. 37 E tövaneah pa rak voaën to koman en pa vanö maß e koaß koman peß. Eß to koman non pan a napan varih to matop ro ne pa rak voaën se ta e ne pe sunaißeah. 38 Ivëhkëk, a napan varih to matop ro ne pa rak voaën to ep i na e koaß peß to nö maß, pare soe va ee manih pan, ‘Ivaßih e koaß peß. Ka rak voaën vaßih se vaneah amot e non peß. Ea se keh ip vamët eah, ko vaneah varuß e no pa rak voaën vaßih.’ 39 Ivëh, ka napan varih to matop ro ne a rak voaën öt e koaß pamëh, pare vi tavus këh ee peß pa rak, ko ip vamët ee peß.

40 “Ke tövaneah pa rak voaën se poß nok vah va i ra napan varih nih to matop ro ne a rak peß pö neß se hah ma?”

41 Ko teß susunön ësës heß, me ro teß susunön po Jiuß soe ke Ieesuß pan, “Eß se ip vamët vahik rakah en po teß hat poë varih. Pareß heß en pa rak voaën pamëh manih po upöm teß, kee matop ro ne. Ko poen nee se oes a voaën, ee se heß ee peß a ma teß voaß voaën va pa rak pamëh.”

42 Ke Ieesuß soe ke rapoë pan, “Eöm to hikta ëh pöß voh a soe vaßih to kiun non po Puk Vapenpen to soe suk voh non e Kristo, pareß soe non pan,

‘A vös vaßih no a nap ekeok to vi tavus in,
to tavus en a vös vamomoaan vëh to toon vakis non a iuun.
E Sunön to nok a vös pamëh,
keß tavus en o toon to toon vakis non a iuun,
pareß paraß ep vamanin manih pa mataara.’ g 
43 “Ivëh, köß se soe rakah keoß peöm, e Sosoenën se kon këh en peöm pa Matop Vih peß, pareß heß en peß manih pa napan varih to tëtënan ne a ma soe peß, pare vavatet ne. 44 Ka teß to kuß, pareß vuß na pa tonun vös pamëh eß se takök vatam en. Ivëhkëk, a vös pamëh se keh vußtöön na ta teß. A teß pamëh se kakaaroe rakah en.”

45 O teß susunön ësës heß, me ro Parësiß to pënton a soe vapipinoß ne Ieesuß to nonok non, pare nat ee pe Ieesuß to huh e non pee pa soe vapipinoß pamëh. 46 Eße to kehkeh öt e ne pe Ieesuß. Ivëhkëk, ee to nanaöp e ne pa napan, suk a napan to vaman e ne pe Ieesuß a teß vanënën soe.

Copyright information for `TPZ