aSek 11:12-13, me Jer 32:6-9

Matthew 27

A Nap Vëvënsun To Me Ee Pe Ieesuß Manuh Pe Paëlat

Mak 15:1, me Luk 23:1-2, me Jon 18:28-32

Pa pöstakah rakah no teß susunön ësës heß, me ro teß susunön po Jiuß to vaonöt ee po kokoman va pa ip vamët e Ieesuß. Ee to nohnoh poë, pare me ee peß, ko heß ee peß manuh pe susun pa kaman, vëh e Paëlat.

E Jiutas To Ip Koman Hah Ea

Aposol 1:18-19

E Jiutas a teß vëh to vikuh in e Ieesuß manih pa napan varih to hat ov e ne poë, to ep en pa napan poë varih to soe ee pa ip vamët poë, pareß pah tamak suntan en pataeah neß to nok manih pe Ieesuß. Ivëh, keß teß hah en pa kukön havun voaß moniß silvaß varih no teß susunön ësës heß, me ro teß susunön po Jiuß to heß voh poë, pareß soe pan, “Eöß to nok a hat, eöß to heß voh a neöm a teß vëh to hikta nok voh ta hat.”

Ko teß susunön poë varih piun poë, pare soe pan, “Eß a tah pamëh to hikta teß non pan eß a tah pemöm, ahik, eß a tah koman pën.”

E Jiutas to pënton vakomanih, pareß vi ho en na pa moniß manuh pa koman a Iuun Hinhin Apuh, pareß nö ko oot en.

Ko teß susunön ësës heß kon ee pa moniß pamëh, pare soe pan, “A moniß vaßih eß a moniß to voen non o eraß pa teß ip, ka hikta se vahoß vaßpeh me no a moniß va pa Iuun Hinhin Apuh, suk ataeah, o Vavaasis pe Mosës to soepip e non pea pa öt o vu moniß poë varih.” Ivëh, kee vaonöt ee pa soe va pa ö nee se voen ta ö oeh pa nap nonok nöh, a ö oeh pamëh nee to voen suk a pe o teß va pa ma meh muhin to mët manih Jerusalëm. Ivëh, nee to popokaß suk ne sih a ö oeh pamëh pan, “O Oeh Va Po Eraß.”

Ivëh, kataeah no a teß vanënën soe vëh e Jeremaëaß to sosoe suk voh non to tavus vaman en. Eß to soe voh pan,

“Ee to kon a kukön havun voaß moniß silvaß
to voen non a teß pamëh
no a napan va Israël to vaonöt voh.
10 E sunön to soe ka neoß pan a moniß pamëh
nee to voen voh a ö oeh pa nap nonok nöh.” a 

E Paëlat To Hi E Ieesuß A Ma Hi

Mak 15:2-5, me Luk 23:3-5, me Jon 18:33-38

11 E Ieesuß to nö, pareß sun en pa matan e susun pa kaman vëh, e Ponsius Paëlat. Keß hi poan pan, “Eën ko a teß sunön po Jiuß, ha?” Ke Ieesuß soe ke poan pan, “Eën koman to soe va eom nën.” 12 O teß susunön ësës heß, me ra nap susunön to pokaß poë pa ma soe peo. Ivëhkëk, e Ieesuß to hikta piun ta soe.

13 Ke Paëlat hi hahah kov en peß pan, “Eën hikta tënan nom pa ma soe varih no a napan to vavateen a nom oah, ha?”

14 Ke Ieesuß hikta piun ta pah soe pe Paëlat. Ivëh, ke Paëlat pah toksean rakah en.

E Paëlat To Kehkeh Hehe Non E Ieesuß Pa Mët

Mak 15:6-15, me Luk 23:13-25, me Jon 18:38-40; 19:1-16

15 Pa ma kirismas kurus pa Taëën Apuh va po Pasovaß, no a teß susun pa kaman se vatvus taneß maß a pah teß nohnoh no a napan koman to iu ne. 16 Manih po poen pamëh to teß non a pah teß to teß non pa nohnoh, no a napan to nat ne poë no a taateß peß to parin hat rakah. Ka ëhnaneah e Barabas. 17 Ivëh, ko poen pamëh no a napan to tönun maß manih pa teß susun vëh e Paëlat. Keß hi a napan, pareß soe pan, “Eöm iu nem eteh nöß se vatvus këh nös eah pa nohnoh? E Barabas, keß, e Ieesuß vëh nee to popokaß ne poë e Kristo?” 18 E Paëlat to soe vamanih, suk eß to nat e non pee to puhioß ne e Ieesuß, ivëh, nee to vahoß suk maß poë manih pa koreneah.

19 O poen ne Paëlat to ihoß non pa ö ihihoß pa teß susun pëpënton vahutët, ke köövo manot peß vanö ken maß peß pa soe to soe non pan, “Koe a ip vamët a teß maneom, suk ataeah, eß a teß to hikta teß non pan eß a teß nonok hat. Pa poen pa popoen nöß to ep o tatarep, paröß haraß vahat rakah e noß.”

20 O teß susunön ësës heß, me ro teß susunön pa napan to heß kokoman ee pa napan pan, ee se hin vakis na e Paëlat, keß vatvus këh maß e Barabas pa nohnoh, ko ip vamët varoe e Ieesuß. 21 Ke Paëlat hi rapoë pan, “E Barabas pen e Ieesuß to teß ne manih, ke eöm iu nem eteh nöß se vanö hah nös manem peöm?” Ka napan soe pan, “Emöm to iu nem e Barabas.”

22 Ke Paëlat hi hah en pee pan, “Keöß se nok poß ataeah manih pe Ieesuß vëh nee to popokaß ne poë e Kristo?” Ka napan piun e Paëlat, pare soe pan, “Ni öm eah pa kuruse.”

23 Ke Paëlat soe pan, “Suk ataeah, a hat taeah neß to nok?” Ivëhkëk, a napan to taoa suntan rakah ee ko soe ke Paëlat pan, “Ni öm eah pa kuruse.”

24 E Paëlat to nat en pa napan to hikta antoen ne a tënan poë. A siß ö hat ko vapus tavus en. Ivëh, keß pupui en pa koreneah pa ruen, pa matëëra napan, pareß soe pan, “A mët pa teß vëh, nöß hikta se teen noß, ahik, eöm koman se teen a mët pamëh.”

25 Ka napan kurus poë varih soe maß pan, “Emöm koman se teen a mët pa teß vaßih me ra ma koaß pemöm.

26 E Paëlat to vanö toßtoß hah en maß pe Barabas. Ivëhkëk, eß to heß en pe Ieesuß manih pa nap vëvënsun, pan ee se rëp poë po uris rëprëp teß, pare ni poë pa kuruse.

O Teß Vëvënsun To Kö E Ieesuß

Mak 15:16-20, me Jon 19:2-3

27 Ka nap vëvënsun pa teß susun vëh e Paëlat to me ho ee pe Ieesuß manuh pa koman iuun pa teß susun, ka nap vëvënsun tönun töön ee peß. 28 Ee to ihan këh ee peß po ohop peß, pareß ohop varuß poë po ohop rë ereraß vamanih pa teß sunön, 29 pare nok o uvan po uris toßtoß, ko uvan poë, ko vaöt a papmatö peß po toknon, pare vatokon ke poë, ko kö poë, pare hinën poë, pare soe pan, “Potan avih Sunön po Jiuß.” 30 Ee to teteo poë, pare kon o toknon, ko navuh ee pa pasuneah. 31 Kee vahik kö poë, ko pureß hah këh ee peß po ohop rë vëh nee to ohop poë, pare ohop hah ee peß po ohop koman peß. Ko me ee peß manuh pa ö nee se ni poë pa kuruse.

A Nap Vëvënsun To Ni Ee Pe Ieesuß Pa Kuruse

Mak 15:21-32, me Luk 23:26-43, me Jon 19:17-27

32 A nap vëvënsun to këkëh tavus ne maß a vöön va Jerusalëm, pare akeh a teß va pa vöön va Saëriniß, ka muhin peß ivëh Afrikaß. A ëhnan a teß pamëh e Saëmon. Ee to toon poë pa teß vaßaus e Ieesuß pa kuruse. 33 Ee to tavus ee pa tope nee to pokaß ne a Gölgötaß. A pusun in o ëhnan pamëh to soe va non manih pan, “A ö no a ma kahoß teß to pet ne.” 34 Ee to tavus nën ka nap vëvënsun hovën ee po voaën pa ëtoß vatö kamis, pare kehkeh ne pan eß se kaak. Eß to punöß en, ivëhkëk, eß to koe en pa ëtoß pais pamëh.

35 A nap vëvënsun to ni ee peß pa kuruse, pare ki vakëkëh a ma ohop peß manih topniire, pa ö nee to vi a saatuß. 36 Ee to ihoß ne nën, pare ut ne poë to han non pa kuruse. 37 Pare kiun a soe vaßih nee to vahoß suk voh poë po vahutët, pare ni manih pasun a kuruse peß. A soe pamëh to soe va non manih pan, “IVAßIH E IEESUß A TEß SUNÖN PO JIUß.” 38 Manih pa havin e Ieesuß nee to ni a meh poa teß kakaveo, a paeh to han ke non pa papmatö peß, ka meh han ke non pa papkiruk.

39 A napan to vaoah ne, pare kökö ne e Ieesuß, ko vaviivi pasun ko vavövöneß poë, 40 pare soe ee pan, “Eën to soe voh pan, eën se kök a Iuun Hinhin Apuh va Jerusalëm, parën eok hah eöm peß po kukön poen ro, ha? Hehe koman hah voh eo ah, parën këh kunah maß a kuruse mane, pö nën se keh teß nom e Koaß vamaman pe Sosoenën.”

41 O teß susunön ësës heß, me ro teß vavaasis to nat i ne o Vavaasis pe Mosës, me o teß susunön po Jiuß. Ee me to vavövöneß e ne pe Ieesuß, 42 pare sosoe ne pan, “Eß to vavaßaus voh non o upöm teß, ivëhkëk, eß to hikta onöt non a vaßaus koman hah ea.” Pare sosoe me ne pan, ‘Eën se keh teß nom pan eën a Teß Sunön pa napan va Israël. Aeoh! Këh kunah mah a kuruse, kemöm sih vaman poß a oah.’ 43 Eß to vaman non e Sosoenën, pareß sosoe non pan, eß e Koaß pe Sosoenën. Ke Sosoenën se keh iu non poan, eß se vaßaus en peß.”

44 A poa teß kakaveo varih nee to ni sinten a teß kuruse pe Ieesuß. Ee me to vavövöneß e ne peß.

E Ieesuß To Mët En

Mak 15:33-41, me Luk 23:44-49, me Jon 19:28-30

45 Pa topnin potan pa 12 kirök no a popoen to kopös en pa muhin avoes, pareß nö ko hik pa 3 kirök pa matanpoen. 46 Vatët non pa 3 kirök ne Ieesuß to kokoeß suntan rakah en, pareß soe pan, “Eloi, Eloi, rama sapaktani.” Eß to sosoe va non manih pan, “Sosoenën peöß, Sosoenën peöß, eën varakah ka neoß toh?”

47 Ka napan to sun vatët ne manih pa ö ne Ieesuß to han non to pënton a ö neß to sosoe va non, pare soe pan, “Eß to vavaoe non e Elaëjaß, pan eß se vaßaus poan!” 48 Ka pah teß vavaveo, pareß vahoß na a ta tah rö ötöt ruen manih po vinikaß, pareß vakapis poan po noton a tanaon, pareß heß e Ieesuß pan eß se kaak. 49 Ivëhkëk, o upöm to soe ke na poë pan, “Anoeh voh nom ah, ka ep voh no, e Elaëjaß se pöß nö en maß pa vaßaus poan, keß ahik.”

50 Ke Ieesuß pah tötö suntan en, ka apeneah këh en peß, keß mët en.

51 Ko rara vëh to han non manih pa koman a Iuun Hinhin Apuh tasi taneß maß manuh pasun, pareß öök en manih po kusin, pareß tavus en a poa tan. Ka rikrik ip manih po oeh, ko vös tatapon ee. 52 Ko oeh vëh pa ma vapeepe tatapon ee. Ke Ieesuß sun momoaan hah en, ka nap peo pe Sosoenën varih to mëtmët voh kon hah ee po toßtoß, ko sun hah këh ee pa ma koveß pee. Pare vos ee pa vöön apuh po Jiuß vëh Jerusalëm. Ka nap peo rakah ep ee pee.

54 Ke susun pa nap vëvënsun, me ra nap vëvënsun varih to ut ne pe Ieesuß to ep a rikrik, me a ma meh tah varih to tanok, a mët pe Ieesuß, me a muhin to popoen en, ko vös tatapon ee, pare pah naöp suntan ee, ko soe ee pan, “A teß vëh eß vamaman rakah e Koaß pe Sosoenën.”

55 O köövo o pöh peo rakah to sun varo këh e ne maß pa kuruse, pare ut ne pataeah se tanok manih pe Ieesuß. O köövo poë varih to heß voh poë a ma taneah neß to kökööt non, ee to vatet taneß voh maß poë manuh pa muhin va Galiliß. 56 Manih topnin o köövo poë varih, a paeh va pee ivëh e Mariaß va pa vöön va Makdalaß, me e Mariaß sinan e Jëmis, pen kea peß Jeosëp. Ka meh köövo, eß e sinan a poa koaß pe Sëbëdiß.

Ee To Vahoß A Sionin E Ieesuß Pa Koveß Nee To Top Voh Pa Vös

Mak 15:42-47, me Luk 23:50-55, me Jon 19:38-42

57 Manih pa matanpoen pamëh no a pah teß öt ö to taneß maß pa vöön va Arimatiaß, a ëhnan a teß pamëh e Jeosëp. Eß me voh a meh vamomhë pe Ieesuß. 58 E Jeosëp to nö manuh pe Paëlat, pareß hin eah pan eß se teß a sionin e Ieesuß ko pe. Ke Paëlat taß a nap vëvënsun kee herep taneß a sionin e Ieesuß manih pa kuruse, ko heß ee pe Joesëp. 59 Moaan voh e Jeosëp to taß a nap kiu peß kee top voh a vös. A top pamëh eß o vapeepe koman peß. Ke Jeosëp me ra ma vamomhë peß teß ee pa sionin e Ieesuß, ko kupkup ee peß po rara voon kakaare. Pare teß a sionineah ko vahoß ee peß pa top pamëh. Ee to toon hah maß a meh vös, keß teß va non manih po ipapanih to sunpip non a matan a top vös pamëh ne Ieesuß to pet non, pare hah ee.

61 Ka poa Mariaß, a teß Mariaß va Makdalaß, me a meh Mariaß e sinan Jëmis, pen Jeosëp to ihoß vatët ne po vapeepe, pare ut ne.

A Nap Vëvënsun To Ut Ne Po Vapeepe

62 Ko meoh poen, eß o Poen Apaapo, no o teß susunön ësës heß, me ro Parësiß to nö ee manuh pe Paëlat, 63 pare soe ke poë pan, “Apuh, emöm to nat hah a soe no a teß pikpiuk vëh e Ieesuß to teß toßtoß voh non, pareß soe pan, ‘O kukön poen se oah, köß toß hah eoß.’ 64 Ivëh, kën se soe vakis rakah ke ra nap vëvënsun varih to ut ne pa koveß, kee ut vavih ne keß öök po vakön poen. A ma vamomhë peß tomeß nö maß, pare teß aven ee pa sionin e Ieesuß, pare soe ke ra napan pan, eß to toß ko sun taneß hah en po vapeepe. Ee tomeß nok to piuk voon to hat oah e non po teß piuk vamoaan. O piuk vamoaan ivëh, ne Ieesuß to soe voh pan, eß e Kristo.”

65 Ke Paëlat soe ke rapoë pan, “Kon ta ma teß vëvënsun, kee nö ko ut ne po vapeepe. Eöm se nö, paröm nok a ma taneah nom to nat nem.

66 Ivëh, kee nö kurus ee manuh pa ö ne Ieesuß to pe non, pare nok vavavih rakah ee pa ma taneah to se sunpip non a nap kakaveo. Ee to vahoß ee po supon manih pa vös vëh to sunpip non a matan a koveß, pare vahoß ee pa nap vëvënsun varih to ut ne.

Copyright information for `TPZ