bSng 2:5; 110:5; 115:13

Revelation of John 11

A Poa Teß Vanënën Soe To Vatvus A Soe

Ee to heß a neoß o tokon pa vavatoe iuun, ko soe pan, “Sun ah, parën vatoe a Iuun Hinhin Apuh me a pok pe Sosoenën. Ko ëh a ma napan varih to hinhin ne sih koman a iuun pamëh. Ivëhkëk, eën se nat nom vatoe a ö vamahën in a kiikin vöh to vatvi non a Iuun Hinhin Apuh. A kiikin pamëh no a nap hikto vaman to vaneah ne. A nap hikto vaman se kom tötöön a Vöön Vapenpen vëh a Jerusalëm po 42 sivö. Eöß se heß kikis nös a poa teß vanënën soe peöß, ko vanö nös raoe. Ee pon se voh ne a ma rara to vataare non o tamak, pare vavatvus ne a soe peöß komön o 1,260 poen.”

Ee pon to teß va ne manih po pöök naon öliv poë varih, me o pöök ram poë varih to sun ne matan e Sunön va po oeh kurus. A ma teß se keh punöß ne pa miröß a poa teß vanënën soe poë varih, o suraß se tavus taneß maß pa rivoeere, ko ës en po teß varih to vakihat me ne raoe. Ivëh, ka teß se keh punöß non pa miröß raoe, eß se mët en. Ee pon to teß me ne o kikis marën a ötöön a uhön, keß hikta se nus non po poen nee to vavatvus ne a soe pe Sosoenën. Pare teß pet me ne o kikis marën a taß a ma ruen, kee tarih ee o eraß, me o kikis va pa heß a ma vu punis se tavus manih pa ma napan varih po oeh. Tamoaan ee se keh iu nok va ne nën, a, ee se nok suk ee po iu pee pon.

Po poen ne ee pon se vahik ee pa vatvus a soe pe Sosoenën, ka tah poa vëh
[... ka tah poa vëh ...] A tah poa eß o meoh ëhnan pa ankeroß vëh to matop non a koveß ruruvun hikta notoneah. Ep na manuh po Rev 9:1-11.
se taneß maß pa koveß ruruvun hikta ö noton, eß se këh maß a koveß ko peah maß, ko vapus me raoe, pareß ip vamët raoe pon.
A sioniire pon se pet ne pa hanan koman a vöön apuh, na to sosoe vapipinoß no, ko pokaß no a ëhnaneah Södom me Isip. Eß a vöön moaan voh vëh nee to ni voh e Sunön pee pa kuruse. A ma pah teß va po oeh kurus, me a ma vuteß, me a ma vu to, me a ma vu sionin, ee se ep a sioniire pon komön o kukön poen me a ö kök. Ee hikta se vaonöt ke ne o meoh upöm teß pa pe a sioniire. 10 A napan varih po oeh to hikta vaman ne e Sosoenën, se vaeö pa ö nee to mët pon. Ee se vaeö ko ëën vavihvih a ma taëën, pare vaheßheß vapiun a ma heß. Ee se nok va nën, suk a poa teß vanënën soe poë varih to heß kamis voh ne a napan varih po oeh.

11 O kukön poen me a ö kök to oah ee, ke Sosoenën vanö en pa tuvuh toßtoß manih pa poa teß to pet mët ne, kee toß hah ko sun hah ee. Ka napan varih to ut ne raoe pon pah naöp suntan ee. 12 A poa teß to tënan o vaato apuh to taneß maß pa vöön va kin to vaoe no maß pan, “Peah maß öm manih pom!” Ee pon to peah ee manuh pa vöön va kin koman a unöh, pa ö no a napan varih to vakihat me ne raoe, ee he ut ne.

13 Varuß vakomanih, a rikrik apuh to ip maß, ko miröß en pa pah ö va pa havun ö in a vöön, ka tönim me a taanaß ö ro in a vöön to teß ne. A 7,000 teß to mët ee koman a rikrik pamëh. Ka ma napan varih to teß ne, ee to pah naöp suntan ee, pare kë rakah ee pa ëhnan e Sosoenën vöh pa vöön va kin.

14 A vapöök punis apuh to hik en, ivëhkëk, ep ah! A siß ö ka vakön punis tavus en.

A Vatönim Me A Pöök Ankeroß To Piu A Suvin Peß

15 A vatönim me a pöök ankeroß to piu en pa suvin peß, ko vaato apuh taneß maß pa vöön va kin to soe maß pan,

“E Sosoenën pea me e Kristo,
kuru ee pon to teß ne e Sunön pea manih po oeh kurus.
Keß se teß non a teß Sunön va pa ma tamoaan.”
16 Ko 24 teß susunön to teß ne paan e Sunön, varih to ihoß ne pa ma ö ihihoß pa teß sunön pee manih pa matan e Sosoenën, ee to vatokon pare vasunön e Sosoenën. 17 Ee to soe vamanih pan,

“Sunön, Sosoenën A Kikis Vi,
eën to teß nom kuru,
me pa ma tamoaan voh,
eën to vakiu hah voh o kikis apuh pën,
kuru nën to taneo pa matop hah a ma tah kurus,
ivëh kemöm vaeö me nem oah.
18 A napan hikto vaman to heve ne,
ivëhkëk, o heve pën to tavus en.
Kuru, eß o poen no a napan varih to mët voh, eße se teß po vahutët.
Kuru, eß o poen heß o voen vih manih pa nap kikiu pën,
ee a ma Teß Vanënën Soe pën, eën se voen raoe,
me a ma napan varih to ta a nom oah, ko teß ne o teß vivihan pën.
A ma teß varih to teß me ne o ëhnan
me o teß akuk.
O poen miröß a napan varih to seök voh o oeh to tavus en!” b 
19 O 24 teß susunön to teß ne paan e Sunön to soe ee, ko hopaß vëh pa Iuun Hinhin Apuh pe Sosoenën vöh pa voon va kin to taperet en. Ka pokis kontrak pe Sosoenën to teß non nën, ka vakës tavus en, ka kara kon, pareß vatoeßnën, ka rikrik ip maß, me a ivat to ip maß, me a ma puh ruiß tutuvuh eh to vußvuß maß.

Copyright information for `TPZ