Revelation of John 12

E Köövo Me A Kuruß Apuh

O pöh vëknöm apuh rakah to tavus manih pa akis. O vëknöm pamëh to teß va non manih. A pah köövo to voh non a potan manih pa sionineah vamanih po rara. A sivö to teß non paan a poa moneah, köß ep in eah to uvan non o uvan va pa teß sunön to teß me non o havun me a pöök vesun. Eß a köövo to teß non o kiuk, a siß ö keß vahuh en, o kamis va pa ö neß se vahuh to tavus en, ivëh, neß to kokoeß suntan suk non.

Eöß to ep o meoh vëknöm to tavus manih akis. Eß to teß va non manih, a pah kuruß apuh ereraß
[... a pah kuruß apuh ereraß ...] A kuruß ereraß to matan va non manih pa piroß apuh rakah. Eß a pah soe vapipinoß to vëknöm non a punis me a tëëm no a hikta teß susun to matop non a napan.
to teß non, pareß teß non o tönim me o pöök pasun me o havun köm. Eß to teß me non o tönim me o pöök uvan va pa teß sunön manih pa ma pasuneah.
Eß to teß va non manih, pee to ki a ma vesun po kukön hum. A apin a kuruß apuh pamëh to rëh vatös en po pöh hum vesun varih to teß ne manih akis, ko vi maß manih po oeh. Ka kuruß pamëh to teß vatët e non manih pa matan e köövo, to anoeh non e köövo se vahuh, keß ëën e koaß. Ke köövo vahuh en pe koaß oeteß, ke Sosoenën vateß voh poan se matop non a ma napan varih po oeh, pareß öt non a tasun apuh va pa matop vakis a ma napan varih po oeh. Ke köövo vahuh en pe koaß, ko ankeroß me peah vëvëhöß ee pe koaß manuh pa vöön va kin pe Sosoenën to ihoß non pa ö ihihoß peß. Ke köövo rusin en manuh pa moeh upin, a ö vëh ne Sosoenën to vamatop ke voh poan seß teß non. Ee se matop ne poë nën ko mamakën ne poë pa taëën po 1,260 poen.

O vapus o pöh apuh to tavus manuh pa vöön va kin. E ankeroß Maëkel, me o upöm ankeroß peß, ee to vapus me a kuruß apuh. Ka kuruß me a ma teß ankeroß peß vapus vahah me ee pee. Ivëhkëk, ee to hikta eh onöt ne a onoah o vapus. Ivëh, ka kuruß me a ma meh peß to hikta onöt ne a teß manuh pa vöön va kin.

O ankeroß pe Sosoenën to veo kunah ee pa kuruß. A kuruß vatamoaan voh pamëh, a ëhnaneah ivëh, e Satan, keß a teß to vakihat me a rora. Eß to pikpiuk non sih a napan varih po oeh, ko meeme ke këh non raoe a ma taateß totoopin. Ee to veo kunah ee maß pa kuruß, me a ma ankeroß peß manih po oeh.

10 Eöß to tënan o vaato apuh to taneß maß pa teß manuh pa vöön va kin to soe va non manih pan,

“Kuru, e Sosoenën pea to kon hah en pea, o kikis peß to tavus vamaaka en, eß e Sunön pea.
E Kristo to teß me non o kikis, eß to kon hah a ma napan peß. Eß to kon me a tasun marën a matop a ma napan.
Suk ataeah, e Satan a teß to vakihat me a rora to vateen a ma kea me vamen pa potan me pa popoen pa matan e Sosoenën, ko soe pan, ee to nonok ne a hat.
Kuru a ma ankeroß to veo kunah ee maß peß.
11 A ma kea pea to hikta iu vi voh ne o toßtoß pee,
ko hikta koman voh ne a ö nee se teß vavih ne manih po oeh.
Ee to kon taneß voh o kikis manih po eraß pa Soneß Sipsip,
pare teß eh voh e ne pa vatvus a soe peß.
Ko hikta naöp voh ne o teß se ip vamët raoe,
ka manih pa taateß pamëh, ee to onoah o vapus,
pare vöknah o vakihat.
12 O ankeroß to veo ee pe susun po oraß hat,
ke eöm varem to teß nem pa vöön va kin se vaeö.
Ivëhkëk, varenan peöm varih po oeh me manih tahiß,
eöm se matop rakah nem, a punis apuh se tavus a neöm, ke eöm se matop nem!
Suk e susun po oraß hat to nö voh en nös manem peöm.
Eß to heve rakah e non,
suk, eß to nat e non pa ma poen peß to hikta teß rë ne,
a siß ö hat ke Sosoenën se sunpip poan pa tah neß to nonok non.”
13 A kuruß pamëh to ep en peß to teß e non manih po oeh, ivëh, keß taneo en pa veo vavah e köövo vëh to vahuh voh e koaß oeteß. 14 Ivëhkëk, o ankeroß to heß e köövo a poa paknan enen apuh, marën a ö neß se nönö pa vöön peß pa moeh upin, ko teß ke këh no maß a kuruß pamëh. Ee se matop vavih ne poë ko mamakën ne e köövo pa komön o kukön kirismas me a ö kök.

15 Ka kuruß pamëh to mut taneß a ruen manih pa rivoneah, ka ruen tavus en a ruen apuh, ko koko suk nö e non pe köövo. A kuruß to iu non pan, a ruen se miröß e köövo. 16 Ivëhkëk, o oeh to vaßaus en pe köövo, o oeh to panan ko orom en pa ruen vëh no a kuruß to mut taneß voh pa rivoneah. 17 Ivëh, ka kuruß heve rakah en pe köövo, ka kuruß nö en pa vapus me a ma meh koaß pe köövo. Ee a ma napan varih to vavatet ne sih a ma soe kurus pe Sosoenën, pare vaman ne a soe pe Ieesuß ko vavatet ne poë. 18 Ka kuruß pamëh to sun non po kösan manih sinten tahiß.

Copyright information for `TPZ