bSng 2:9

Revelation of John 2

O Kiun To Nö Non Pa Napan Va Ëfësus

Ka teß toßtoß soe ka neoß pan, eën se kiun na a soe to soe non pan, “Manuh pa ankeroß to matop non a napan va po vaman to teß ne pa vöön va Ëfësus, eën se kiun, parën soe ke na eah a ma soe varih,

  • ‘A teß to öt non sih a tönim me ra poa vesun manih pa papmatö peß, pareß teß non topnin a ma ram gol poë varih, eß to vanö nös a soe manih peöm, pareß soe vamanih pan,’
“Eöß to nat e noß pa ma tah nöm to nok voh pa ma kiu vëhvaß peöm, me a ö nöm to sun vakis nem pa taateß tö nöm to teß me voh nem. Eöß to nat e noß, peöm to rës e nem pa ma teß nonok vahat, paröm punöß voh em pa ma napan varih to sosoe ne pan, eße o aposol, ivëhkëk, ahik, eße a ma nap pikpiuk. A napan to ep ka ne neöm to vavatet a no neoß, pare punöß e ne pa miröß a neöm, ivëhkëk, eöm to sun vakis voh e nem pa taateß tö paröm teß a ma vu punis poë varih.
  • Ivëhkëk, eöß teß me noß a soe se ruk a neöm to soe va non manih pan, moaan voh pa ö nöm to vaman momoaan, eöm to iu rakah voh e nem peöß, ivëhkëk, kuru vëh, ahik.
  • Moaan voh, eöm to nonok voh nem a taateß vih, paröm koe em. Ivëh, köm se kokoman hah na, paröm vatet a taateß vih vëh nöm to teß moaan voh nem, paröm koe a taateß hat nöm to teß me nem kuru. Eöm se keh hikta panih a taateß hat peöm, eöß se kon hah këh eoß peöm po ram gol peöm. Ivëhkëk, a pah taateß vih vëh nöm to teß avoeß me e nem. Eöm to rës e nem pa ma taateß no a napan pe Nikolas to nonok ne.
    [... a napan pe Nikolas ...] Ee o kum teß varih no o vaman me o kokoman pee to hikta teß man ne. Ee to vavaasis ne pan, a taateß rëhrëh to hikta miröß non o vaman pea manih pe Kristo. Me a ma meh kokoman pee to hikta teß totoopin ne.
    Eöß me to rës rakah e noß.
    Ivëh, keteh to teß me non a tenaneah, eß se pënton a soe pa Tuvuh Vasioß manih po kum teß varih to vaman e Ieesuß. Ka teß se keh öt vakis non o vaman ko onoah po vapus va pa taateß hat, eöß se heß a soe vaonöt pa ëën o voaß naon va po toßtoß tamoaan vëh to teß non pa Vöön va Kin pa rak pe Sosoenën.”

    A Soe To Nö Non Pa Napan Va Smernaß.

    “Manuh pa ankeroß to matop non a napan va po vaman to teß ne pa vöön va Smernaß, eën se kiun a soe to teß va non manih pan,

    • ‘Eß vaßih a soe to taneß maß pa teß va pa Taneo me a Vahik. Eß to mët voh en, ivëhkëk, kuru vëh eß to teß toßtoß e non, pareß vanö nös a soe manih peöm, to soe va non manih pan’,
    “Eöß to nat e noß pa punis nöm to teß nem, paröm teß e nem o teß arus. Ivëhkëk, eöm to teß va e nem manih po teß öt ö va pa vöön va kin. Eöß to nat e noß pa ma soe vavovoeak, no a napan to nonok ne manih peöm, o teß varih to sosoe ne pan, ee ro Jiuß. Ivëhkëk, ahik, ee a ma napan pe susun po oraß hat. 10 Eß hikta se teß varë non, köm teß em pa punis, ivëhkëk, eöm se koe a naöp. E susun po oraß hat se vaho a ma meh peöm manuh pa nohnoh, pa punöß o vaman peöm, ko hinën ka neöm po komön o havun poen. Ivëhkëk, eöm, se ötöön vakis o vaman peöm, keß antoen non a ö söm mët, ke eöß se heß a neöm o toßtoß vamanih po voen peöm. 11  Ivëh, keteh to teß me non a tenaneah, eß se pënton a soe pa Tuvuh Vasioß manih po kum teß varih to vaman e Ieesuß. Ka ma teß varih se keh onoah o vapus, ee hikta se nanaöp e ne a vapöök mët. Ahik rakah!”

    A Soe To Nö Non Manuh Pa Napan Va Pergamum

    12 “Manuh pa ankeroß to matop non a napan va po vaman to teß ne pa vöön va Pergamum, eën se kiun a soe to teß va non manih pan,

    • ‘A soe vëh to taneß maß pa teß vëh to teß me non o rapis rë kakakni vapon. Eß to vanö nös a soe manih peöm, pareß soe vamanih pan,’
    13 “Eöß to ep e noß pa ö nöm to teß nem, e susun po oraß hat to teß non pa ö pamëh. Moaan voh e Antipas, a teß heßheß soe peöß to vavatet rakah voh non a soe peöß, kee ip vamët voh poë topnineöm Ivëhkëk, eöm to öt vakis avoeß voh e nem po vaman peöm manih peöß, paröm hikta heß tonun voh in o vaman peöm. Ahik. 14 Ivëhkëk, eöß to teß me noß a soe se ruk a neöm. Eß to teß me non a ma teß to teß ne topnineöm manih Pergamum to vavatet vakis ne a taateß pe Balam. Moaan voh e Balam to vavaasis voh e Barak pa taateß vamanman a napan va Israël. Kee nö pa taateß hat, pa ö nee to ënëën voh ne a ma taëën no upöm teß to heßheß ne ro sosoenën vapikpiuk. Pare teß voh ne pa taateß rëhrëh. 15 Keß teß va kov e non manih pa ma paeh teß to teß me e ne peöm. Ee to vavatet vakis ne o vavaasis pa napan pe Nikolas. O vavaasis pamëh to teß vatoe me e non po vavaasis pe Balam. 16 Ivëh, köm se panih a taateß hat peöm. Eß se keh hik non, eöß se nö maß paröß vapus me a ma napan poë varih po rapis rë vëh to teß non pa rivoneoß. 17  Ivëh, keteh to teß me non a tenaneah, eß se pënton a soe pa Tuvuh Vasioß manih po kum teß varih to vaman e Ieesuß. A ma teß se keh onoah o vapus, eöß se heßheß pa paeh raoe a taëën to vakoaan no maß manuh kin, paröß heßheß papaeh raoe a ma vös kakaare. Manih pa ma vös poë varih, eöß se kiun o ëhnan voon ne e tövaneah varoe pa vös pamëh to nat non.”

    A Soe To Nö Non Manuh Pa Napan Va Taëataëraß.

    18 “Manuh pa ankeroß to vovoh ke non a napan va po vaman to teß ne manih pa vöön Taëataëraß, eën se kiun a soe to teß va non manih pan,

    • ‘A soe vëh to taneß maß pe Koaß pe Sosoenën, a mataneah to ëman va non manih pa suraß, ka moneah to totonaß va non manih pa pras, nee to hë keß voon rakah en. Eß to vanö nös a soe vëh manih peöm, pareß soe vamanih pan,’
    19 “Eöß to nat e noß pa tah nöm to nonok nem, me o iu peöm manih pa napan, me o vaman peöm manih peöß me a kiu vaßaus peöm manih po upöm teß. Eöß to nat e noß peöm to sun vakis e nem pa teß a ma punis, me a taateß vih nöm to nonok voh nem. Ka kuru vëh nöm to pah nonok vavih oah pet nö e nem. 20 
  • Ivëhkëk, eöß to teß me noß a soe se ruk a neöm. Eöm to kamöß me voh em pe köövo vëh e Jësëbël. Eß to eöß non sih pan, eß a teß vanënën soe pe Sosoenën. Pareß vavaasis non sih pa rëh ke a ma teß kikiu peöß pa taateß rëhrëh, me a ëën a ma taëën no upöm teß to heßheß ne ro sosoenën vapikpiuk.
  • 21 Eöß to heß voh eoß peß pa tëëm, pan eß se panih a taateß teßteßvaasiß peß. Ivëhkëk, eß to koe en. 22 Ivëh, keöß se heß rakah eoß peß po kamis o pöh apuh neß se kon, vaßpeh me a ma teß varih neß to teßteßvaasiß me non, pa ö no a ma teß poë varih se keh hikta panih a ma taateß hat pee. 23 Eöß se ip me eoß pa ma koaß peß varih to vavatet ne poë, ka napan po kum teß varih to vaman ne e Sosoenën se nat vamanih pan, eöß to kiiki vavih noß o kokoman pa ma napan kurus. Eöß se voen papaeh ro va ka neöm manih pa ma taateß nöm to nok voh. 24 
  • Ivëhkëk, eöß to soe ka neöm a napan to teß nem Taëataëraß to hikta vavatet voh nem o vavaasis pe köövo, ko hikta nat nem pa taateß pamëh, ko hikta teß hop nem pa taateß vëh nee to popokaß ne pan, ‘A ma vaato vakoaan pe susun po oraß hat.’ Eöß to soe ka neöm pan, eöß hikta se heß punis hah a no neöm.
  • 25 Ka ma tah nöm to öt nem, eöm se öt vakis nem, keß antoen non o poen nöß se hah maß. 26 
  • Eöm se keh onoah o vapus paröm vavatet nem a taateß peöß, keß öök pa ö ne eöm se mët, eöß se heß a neöm a tasun pa matop a ma napan kurus.
  • 27 Eöm se öt nem a tasun ko matop vakis nem raoe,
    paröm tös momoe raoe kee tatamoe vasosoneß vamanih pa nöh. b 
    28 
    • A tasun vëh noß se heß a neöm, eß se vatoe va non manih pa tasun vëh ne Tamön to heß voh a neoß pa matop a ma napan. Eöß se heß a neöm a vesun vëh a toviaß.
    29  Ivëh, keteh to teß me non a tenaneah, eß se pënton a soe pa Tuvuh Vasioß manih po kum teß varih to vaman e Ieesuß.”
    Copyright information for `TPZ