Revelation of John 3

O Kiun To Nö Non Pa Napan Va Sardis

“Manuh pa ankeroß to matop non a napan va po vaman to teß ne pa vöön va Sardis, eën se kiun a soe to teß va non manih pan, ‘A soe vëh to taneß maß pa Teß to teß me non a tasun pa matop a tönim me ra poa tuvuh pe Sosoenën, me eß to öt a tönim me ra poa vesun. Eß to vanö nös a soe manih peöm, pareß soe vamanih pan,’

  • “Eöß to nat e noß pa tah nöm to nonok nem, paröß nat pet e noß pan, eöm to teß toßtoß e nem manih po sionin, ivëhpëhkëk, eöm to teß va nem manih po teß to mët voh ee.
Ivëh, köm se koe a koroh. A taateß vih peöm to teß avoeß e non to meß e non pa ro. Suk ataeah, manih pa ma taateß nöm to nonok voh nem, eöß to ep noß pan, a ma taateß poë varih to meß avoeß e ne pa totoopin manih pa matan e Sosoenën peöß. Nat e nem po vavaasis va pa soe vih, nöm to tënan voh em, eöm se kon hah. Eöm se panih a ma taateß hat peöm. Eöm se keh hikta sun këh a koroh, eöß se nö va maß manih pa teß kakaveo, köm hikta se nat nem po poen poanheh nöß se nö maß manih peöm.
  • Ivëhkëk, a ma pöh teß va peöm to teß ne Sardis, no a ma ohop pee to teß voon e ne. O teß varih to ohop ne a ma ohop kakavoß, ee varoe to antoen ne a nö vaßpeh me a neoß.
  • A teß se keh onoah o vapus, a, eöß se ohop eah po vu ohop pamëh, paröß hikta se hiuk noß a ëhnaneah manih po puk va po toßtoß tamoaan. Eöß se vatvus a ëhnaneah manuh pe Tamön, me manuh po ankeroß. Ivëh, keteh to teß me non a tenaneah, eß se pënton a soe pa Tuvuh Vasioß manih po kum teß varih to vaman e Ieesuß.”

    O Kiun To Nö Non Pa Napan Va Filadëlfiaß

    “Manuh pa ankeroß to matop non a napan va po vaman to teß ne pa vöön va Filadëlfiaß, eën se kiun a soe to teß va non manih pan, ‘A Teß a vivihan rakah, me eß a pusun in a taateß man rakah, pareß öt non a kiß pe Devit.
    [... pareß öt non a kiß pe Devit.] A teß to öt non a kiß pe Devit, eß e Ieesuß. A kiß, eß o vëknöm va pa teß to teß me non a tasun pa teß sunön.
    Eß se keh peret o hopaß, a hikta teß se panih hah. Eß se keh panih o hopaß a hikta teß se peret hah. Eß to vanö nös a soe manih peöm, ko soe vamanih pan,’

    • “Eöß to nat e noß pa taateß nöm to nonok nem sih, ko nat e noß po kikis peöm to hikta teß eh vi non, ivëhkëk, eöm to vavatet pet voh e nem po vavaasis peöß, ko vavatet voh e nem peöß. Eöß to peret voh keöß peöm po hopaß, ka hikta teß to onöt non a papanih, paröm hikta naöp voh nem a vatvus a ëhnaneoß.
    Eöm to nat e nem pa napan varih, ee a ma napan pe susun po oraß hat, ee to soe pan, ‘Emöm ro Jiuß,’ ivëhkëk, ahik. Ee hikta teß ne pan, ee ro Jiuß, ee a nap pikpiuk, eöm se nat nem, ee se nö maß ko vatokon manih pa havineöm, pare nat vamanih pan, eöß to iu e noß peöm. 10 Suk ataeah, eöm to vavatet voh nem a soe peöß, paröm sun vakis voh e nem pa teß a ma punis varih to tatavus voh a no neöm. Ivëh, ke eöß se matop e noß peöm, ka punis vëh
    [... ka punis vëh ...] A pusun in a punis vëh se tavus manih pee to teß va non manih, eß se vaeh raoe, kee sun vakis po vaman pee.
    se tavus a ma napan varih po oeh, me eöm.
    11 Eöß se nö vëhöß eöß maß manih peöm. A tah nöm to öt nem, eöm se öt vakis nem, tomeß a meh teß he këh a neöm o voen peöm 12 
  • A teß se keh onoah o vapus, eöß se vateß va in eah manih po toon in a iuun vasioß pe Sosoenën peöß. Keß hikta se tavus hah këh non a iuun pamëh. Manih peß nöß se kiun a ëhnan e Sosoenën peöß, me a ëhnan Jerusalëm Voon to taneß maß manuh pa vöön va kin, me a ëhnan voon peöß.
  • 13  Ivëh, keteh to teß me non a tenaneah, eß se pënton a soe pa Tuvuh Vasioß manih po kum teß varih to vaman e Ieesuß.”

    O Kiun To Nö Non Pa Napan Va Laodisiaß

    14 “Manuh pa ankeroß to matop non a napan va po vaman to teß ne pa vöön va Laodisiaß, eën se kiun a soe to teß va non manih pan, ‘A teß to vapusun i non a taateß man, pareß vavatvus vatotoopin non a soe pe Sosoenën. Eß a pusun in a ma tah kurus ne Sosoenën to nok voh. Eß to vanö nös a soe manih peöm, ko soe vamanih pan,’

    15 
    • “A ma taateß nöm to nonok nem, nöß to nat e noß, köm to hikta teß kuniuß nem, paröm hikta teß hivaß nem. Eöß to iu noß a ö söm teß kuniuß nem, keß, teß hivaß nem.
    16 Ivëhkëk, eöm o himonmoen, ivëh, keöß se kavuh vi eoß peöm. 17 Eöm to sosoe nem pan, ‘Emöm a ma teß ötöt ö rakah, to öt nem a ma moeh tah, pamöm hikta kökööt i nem ta pah tah.’ Ivëhkëk, eöm hikta nat va nem manih peöm o vausean, paröm vatamak, paröm arus, paröm kekehoß, ko pehpeah. 18 Ivëh, köß heß a neöm o kokoman vëh, eöm se voen taneß a gol a hikto kusan manih peöß, köm se teß nem a ma teß ötöt ö rakah. Eöm se voen me o ohop kakaare ko kupkup a ma sionin pehpeah peöm, köm hikta se poet nem a napan. Eöm se voen me o marasin ko vahoß pa ma matëëneöm köm se ep vavih. 19 Eöß se keh iu noß a ma teß, eöß se siröß raoe, me heß punis raoe, kee vatotoopin a ma taateß pee. Ivëh, köm se kokoman vavih, paröm panih a ma taateß hat peöm. 20 
  • Pënton öm, eöß ivëh to sun noß po matön hopaß ko tekteok noß nös. Ta pah teß se keh tënan a vaoe peöß, pareß peret maß, eöß se ho ko vakum me eah, ke möm vaëën vaßpeh.
  • 21 A teß se keh onoah o vapus va pa ma taateß hat, eöß se vaonöt keah, keß ihoß vaßpeh me a neoß pa ö ihihoß pa teß sunön, pa matop in a ma tah kurus vamanih pa ö nöß to onoah va in o vapus va pa hat, ke Tamön vaonöt ka neoß pa ihoß vaßpeh me eah pa ö ihihoß pa teß sunön. 22  Ivëh, keteh to teß me non a tenaneah, eß se pënton a soe pa Tuvuh Vasioß manih po kum teß varih to vaman ne e Ieesuß.”
    Copyright information for `TPZ