Revelation of John 4

A Napan To Hinhin Ne E Sosoenën Manuh Pa Vöön Va Kin

O tata to hik en, köß ep pet in o hopaß vöh va pa vöön va kin to taperet en. Ka soe nöß to tënan moaan voh to taneß maß kin to teß va non manih pa ö no a suvin se tanih ava, ka soe to soe no maß pan, “Peah mah manih, köß se vataare a oah a ma tah se tavus amot maß.” Varuß va ko manih no a Tuvuh Vasioß to puh en manih peöß, ka manuh pa vöön va kin eöß to ep in a ö ihihoß pa teß sunön no a pah teß to ihoß non. A teß pamëh to ihoß non to ëman va non manih pa poa vös voen vapeah varih nee to popokaß ne a jaspa me konilian, ka puto vatvi non a ö ihihoß pa teß sunön pamëh. Köß ep in o ëman in a puto pamëh to pepereß vovoaßruvi va non manih pa vös voen vapeah pamëh, nee to popokaß ne a ëmeral. Eß to teß non a 24 ö ihihoß po teß susunön to vatvi ne a ö ihihoß pa teß Sunön pamëh. Ko 24 teß susunön to vapaan ke ne poë to ihoß ne nën. A ma teß sunön poë varih to ohop ne a ma ohop kakaare, ko uvan ne a ma uvan va pa teß sunön nee to nok pa gol. Manuh pa ö ihoß pa teß Sunön a vakës to tavus en, me a kara to konkon non, pareß vatoeßnën e non. Manih matan a ö ihihoß no ra tönim me ro pöök vauß to ësës ne. A ma vauß poë varih, ee ra tönim me ra poa tuvuh pe Sosoenën. Manih matan a ö ihihoß pa teß Sunön, a tah to matan va non manih pa tahiß, pareß parin a maaka va non manih po siroak. Ko tavi non a ö ihihoß pa teß Sunön, no a taanaß tah toßtoß to teß ne.

A taanaß tah toßtoß poë varih to teß me ne a ma matan to kopös ne a ma sioniire.
A tah toßtoß vamomoaan to teß va non manih pa laëon. Ka vapöök tah toßtoß to teß va non manih pa kaöß oeteß. Ka vakön tah toßtoß no a mataneah to ep va non manih pa matan a teß. Ka vataanaß tah toßtoß to teß va non manih pa enen to atan non. A taanaß tah toßtoß poë varih to teß me ne a ma tönim me o pöh paknan, me a ma matan peo to kopös avoes e non pa sioniire. Pa potan me pa popoen nee to hikta vanot ne pa kë a ëhnan e Sunön, ko sosoe va ne manih pan,

“Apuh, eß e Sosoenën A Kikis Vi,
eß a vivihan, eß a vivihan, eß a vivihan.
Moaan voh, eß to teß voh non,
kuru me, eß to teß non,
ka amot, eß se hah maß.”
O poen no a ma tah toßtoß poë varih to këëkë ne sih a Teß vëh, to ihoß non pa ö ihihoß pa teß Sunön to teß toßtoß tamoaan non. A taanaß tah toßtoß poë varih to vavihvih me ne poë, pare vasunön tamoaan rakah ne sih eah, 10 ko 24 teß susunön vapaan poë varih, ee to vatokon ne sih pa matan a Teß vëh to ihoß non pa ö ihihoß pa te Sunön, pare vasunön ne poë. Eß to teß toßtoß tamoaan non. Ee to uvan ne sih a ma uvan gol, pare vavahoß ne a ma uvan gol pee manih pa havin a ö ihihoß pa teß Sunön, pare vaëhëh va ne manih pan,

11 “Sunön, eën e Sosoenën pemöm.
Eën varoe kuru to teß vih rakah nom sih,
ka napan kurus se vaeö ka nom oah,
pare kë ne a ëhnöömah,
pare teß ne paan o kikis pën.
Suk ataeah,
eën to nok voh a ma moeh tah.
Po manin koman pën ka ma moeh tah tavus,
ka kuru vëh a ma tah kurus poë varih to teß e ne.”
Copyright information for `TPZ