bLo 5:18
cLo 5:17
dLo 5:19
eLev 19:18

Romans 13

Ea Se Tënan Rakah No A Ma Taateß Pa Kaman

Ea kurus rakah se teß no paan a ma susun pa kaman, peß a hikta pah teß to vovoh akuk non sih. Suk e Sosoenën koman to heß voh raoe a tasun me o kikis va pa matop a napan. Ivëh, ka kuru no a hikta pah teß to antoen non a matop a napan, pa ö neß to hikta teß me non o kikis pe Sosoenën. Ivëh, ko teß varih to vasosöë me ne a ma soe pa kaman, ee to vasosöë pet me e ne pa tah ne Sosoenën to vateß voh. Ka tëëm nee to nok va nën, ee se heß koman hah rea a punis. O teß varih to nonok ne sih a ma taateß totoopin, to hikta se naöp i ne a ma susun pa kaman. O teß varoe varih to nonok ne a ma taateß hat, ee se nanaöp ne. Eën se keh hikta iu naöp nom a ma susun pa kaman, aeoh, eën se nonok rakah nom a ma taateß totoopin, parën suksuk nom, kee sih kë poß ne a ëhnöömah. A teß susun pa kaman, eß a teß kikiu pe Sosoenën, eß marën a vaßaus a oah. Pareß matop vavih ka nom oah, kën teß vavih nom. Ivëh, kën se keh nonok nom a ma taateß hat, eën se nanaöp e nom peß. Suk ataeah, eß to teß me non o rapis rë.
O rapis rë to teß va non manih pa tasun me o kikis ne Sosoenën to heß a teß susun pa kaman.
Ko rapis rë pamëh neß to öt non, suk eß a teß kikiu pe Sosoenën. Ivëh, ka teß se keh nok a taateß hat, a kaman se vakmis en peß.
Ivëh, kën se teß nom paan a kaman, peß a taateß vih ipamëh, me a ö neß tomaß vakmis a oah.

Eß a ö nën to heßheß suk pet nom sih a takis. A ma susun pa kaman, ee a nap kiu pe Sosoenën, ka ma tamoaan nee to teß eh rakah e ne pa matop a ma kiu ne Sosoenën to heß raoe. Ivëh, ko teß varih nën to hin voh a ma tah manih pee, nën se piun hah ke raoe a ma tah nën to hin voh. Eën se heß a ma moeh takis manih po teß kokon takis. Parën ta nom o teß varih na se ta no, ko kë nom a ëhnëëro teß varih na se kë no a ëhnëëre.

A Taateß Va Pa Iu O Upöm Teß

Eöm se nat nem koek nem to ötop, keß teß non. A pah ötop ro ko nom se teß tamoaan me nem, ivëh, iu a meh teß. Suk ataeah, a teß vëh to iu non o upöm teß, eß to vatet vahik rakah en pa ma Vavaasis kurus pe Mosës. Eöm se nat vavih rakah nem a ma soe vaënpan varih po Vavaasis pe Mosës, ee to soe va ne manih pan,

“Eën se nat nom koroh vëtkin me a teß nën to hikta me nom,” b 
parën nat nom ip vamët a meh teß,” c 
parën nat nom kaveo,
parën nat nom manin a ma tah po upöm teß.” d 
A ma soe vaënpan poë varih, me a ma teß varih nöß to hikta kiun manih, ee to teß va ne manih a pusun in a soe vaënpan vëh,

“Eën se iu nom o upöm teß vamanih pa ö nën to iu hah va ka nom.” e 
10 A teß vëh to teß me non a taateß iu teß, eß to hikta onöt non a nok vahat o upöm peß. Ivëh, ka taateß iu teß to vavatet vavih rakah e non po Vavaasis pe Mosës.

11 Eöß to sosoe ka noß neöm a ma taateß varih, suk ea to nat e no pa tëëm vëh kuru, to vatët e non pa hik. Eß a tëëm na se ut vavih rakah no ko opoep no. Suk ataeah, o poen ne Sosoenën to iu kon vahik hah a rora, to pah teß vatët rakah këh e non po poen na to heß voh o toßtoß pea manih pe Ieesuß. 12 A popoen to vatët en pa hik, ka potan öök vatët en. Ivëh, ka se nat no nonok no a ma taateß popoen, para vahoß o ohop vapus pea marën a vapus pip aa manih pe susun po oraß hat. 13 Koe, ka teß me no a taateß totoopin vamanih po teß to teß ne po maaka. Ea se nat no nonok no ta ma taëën tapeat, me a taateß kaak vaoah. Ea se nat no teß rakah no pa ma vu taateß teßteßvaasiß, me a taateß hat koroh vëtkin kaveo, me a taateß heve ko vapus, me a taateß puhioß. 14 Ea se heß aa manuh pe Ieesuß Kristo, para koe a vavaeö aa pa ma iu hat va pa komaara.

Copyright information for `TPZ