aSng 69:9
bSng 18:49
cLo 32:43
dSng 117:1
eAis 11:10
gAis 52:15

Romans 15

Ke ea varih a napan to teß me no o vaman kikis, ea se teß a punis va pa vaßaus, me a vakikis o vaman po teß varih no a ma vaman pee to hikta teß kikis ne. Ea se nat no vavaeö koman hah a no. Ke ea a papaeh teß se kiu vakis pa vavaeö a ma kea pea, marën a ö nee se tavus vavih, ko vaman pee kikis. Ea to nat vavih rakah e no, e Ieesuß Kristo to hikta teß toßtoß suk voh non a ö neß se vavaeö koman hah ea, ahik, eß to tanok suk voh, a ö ne Kristo to soe vavoh in e Sosoenën manih koman o Puk Vaëhëh, pareß soe vamanih pan,

“A tëëm no a napan to soe vahat a oah,
eß to vaharaß vahat en peöß.” a 
A ma soe kurus varih to kiun ne po Puk Vapenpen, nee to kiun suk voh marën a vavaasis a ra, ka sun vakis manih pa teß a punis, me a ö neß se vakikis a ra, ka se anoeh no a ö ne Sosoenën se tapui a ra pa ma tah varih no a ma kiun va po Puk Vapenpen to vavaato suk ne. A taateß sun vakis manih pa teß a punis, me a taateß va pa vakikis o upöm teß to taneß voh maß manih pe Sosoenën. Ivëh, köß hinhin noß pan, e Sosoenën se vaßaus kurus a neöm pa vapöh kokoman me o upöm peöm, vamanih pa ö ne Ieesuß Kristo to iu va non. Köm se poß vaöt koren, paröm pët heß o ëhnan manih pe Sosoenën, e Taman e Sunön pea Ieesuß Kristo.

A Soe Vih Pe Ieesuß Kristo, Eß A Tah Po Jiuß, Me O Teß To Hikta Teß Ne Pan Ee Ro Jiuß

A ma tah kurus nöß to vavaasis voh a neöm pan, eöm se vatompoan vavih koman hah me o upöm peöm vamanih pa ö ne Ieesuß Kristo to vatompoan vavih me voh a neöm, ivëh, ko upöm teß se poß kë a ëhnan e Sosoenën. Eöß to iu soe hah ka noß neöm pan, e Ieesuß Kristo to tavus voh a teß kikiu po Jiuß marën a vaßaus raoe. Eß to nok vavoh nën pa vataare pan, a ma soe pe Sosoenën manih pa kën sipuiiro Jiuß to teß man e ne. Eß to nok suk pet vavoh nën pan, o teß varih to hikta teß ne pan ee ro Jiuß se kë a ëhnan e Sosoenën, suk o ururuan vëh neß to heß voh raoe vamanih pa ö ne Devit to soe vavoh manih pa ma kiun va po Puk Vaëhëh,

“Eöß se kë peah a ëhnöömah pa topniira napan varih
to hikta teß ne pan ee ro Jiuß.
Paröß kë a ëhnöömah po vaëhëh.” b 
10 A ma kiun va po Puk pe Sosoenën to soe pet va e ne manih pan,

“Eöm varih a napan to hikta teß nem pan eöm ro Jiuß,
eöm se vaeö vaßpeh rakah me ra napan pe Sosoenën.”
Vaeö rakah peöm varih to hikta teß nem pan eöm ro Jiuß,
eöm se vaeö vaßpeh me ra napan pe Sosoenën.” c 
11 A ma kiun va po Puk Vaëhëh to soe pet va e ne manih pan,

“Eöm varih a napan to hikta teß nem pan eöm ro Jiuß,
eöm se kë a ëhnan e Sunön.
Eöm kurus a napan se kë a ëhnaneah.” d 
12 A teß vanënën soe vëh e Aisaëaß to soe me voh en pan,

“E sunön voon se taneß maß po vuteß pe Jësiß.
Eß se nö maß pa matop a napan varih
to hikta teß ne pan ee ro Jiuß,
A napan kurus poë varih to anoeh me ne sih o vaman
pa ma tapui neß se heß raoe.” e 
13 Ivëh, köß hinhin ka noß na neöm manuh pe Sosoenën pan, eß se vaßaus a neöm, köm anoeh me nem o vaman pa ma tapui varih neß se heß a neöm. Pareß vapuh a neöm po vaeö me o vakamöß pa tëëm nöm to teß nem pa vaman eah, marën a ö ne eöm varih to teß me nem o kikis pa Tuvuh Vasioß se puh vavih rakah pa taateß anoeh a ma tah ne Sosoenën to vamatop keon to heß a ra.

E Pöl To Vavaato Suk Non A Kiu Peß

14 Eöm a kën kea peöß varih nöß to iu vörep noß, manih po kokoman peöß, eöß to vaman rakah e noß peöm to puh vamaman rakah e nem pa taateß vih. Eöß to nat e noß peöm to teß rakah me e nem po nat, paröm antoen rakah e nem pa vavaasis o upöm peöm. 15 Eöß to kiun ke voh eoß nös peöm pa to, to kikis amot, suk eöß to iu noß pan, eöm se nat nem a tah pamëh. Eöß to toto vavoh noß nën, suk e Sosoenën to heß akuk voh en peöß pa tasun va pa tavus vamanih, pa teß ësës heß pe Ieesuß Kristo, manih po teß varih to hikta teß ne pan ee ro Jiuß. A kiu peöß a teß ësës heß ivëh,
E Pöl koman to hikta teß non pan eß a teß ësës heß po Jiuß.
a vatvus a Soe Vih pe Sosoenën manih po teß poë varih, ko nok raoe kee tavus vamanih po heß no a Tuvuh Vasioß to vavivihan raoe, marën a heß vaeö e Sosoenën.

17 Ivëh, köß paraß vaeö vi pa ö ne Ieesuß Kristo to teß vaßpeh me a non neoß, köß nonok noß a kiu pe Sosoenën. 18 Eöß hikta se vaato suk hah noß ta meh tah, a pah tah ro ko nöß se soe tavus ka neöm ivëh, a ö ne Ieesuß Kristo to kiu vaßpeh me a non neoß sih, pa vaßaus a napan varih to hikta teß ne pan ee ro Jiuß, kee pënton poë. Eß to nok a tah pamëh pa ö nee to pënton a neoß to vaato, pare ep in a ma tah nöß to nok. Ee to ep ka neoß to nok a ma tah vatoksean to paraß vamamaneß, pare vaman ee pe Sosoenën, ee me to vaman e Sosoenën, suk o kikis pa Tuvuh Vasioß to vaßaus raoe, kee vaman.

Eöß to vatvus maß a Soe Vih pe Ieesuß Kristo manuh Jerusalëm, paröß vatvus vahik a soe manuh Jerusalëm, ko vatvi maß ko öök maß pa muhin va Ilirikum, ko vaaton nën. Keß teß va non manih, peöß to vahik voh eoß po pöh hum in a kiu peöß nën.
20 Eöß to iu tamoaan rakah noß sih a vatvus a Soe Vih pe Ieesuß Kristo, manih pa ma vöön no a napan to hikta nat avoeß i ne a ëhnaneah. Suk ataeah, eöß to hikta iu vatok noß a kiu peöß pa ö no a meh teß to vatvus voh en pa Soe pamëh nën. 21 Suk ataeah, eß to kiun suk non e Kristo manih pa ma kiun varih po Puk pe Sosoenën pan,

“O teß varih nee to hikta soe ke voh raoe o vahutët peß,
ee se ep inan ee peß.
Ko teß varih to hikta tënan voh o vahutët peß,
se maaka ee.” g 

E Pöl To Koman Non A Vavih Manih Room

22 Keß a ma tah akuk ko poë varih to susunpip voh a non neoß, köß hikta onöt noß a nö nös pa ep a neöm. 23 Kuru vaßih, nöß to hikta teß hah me noß ta meh kiu manih. A ma kirismas peo rakah nöß to iu ep voh ka noß neöm. 24 Ivëh, köß koman noß pan, eöß se nö nös, paröß ep momoaan voh ka neöm, paröß oah pet poß manuh pa muhin va Spen. Eöß to koman noß a teß vaeö vaßpeh me a neöm pa tah ma siß poen, paröß koman va noß manih pan, eöm se vaßaus a neoß pa vavih peöß manuh Spen.

25 Ivëhkëk, eöß hikta koman noß a nö nös kuru, suk eöß to iu noß a nö momoaan voh pa vaßaus a napan pe Sosoenën varih to teß ne Jerusalëm. 26 A napan va po vaman varih to teß ne manih pa muhin vëh Mësadoniaß, me manih pa muhin va Akaëaß, to vaeö rakah e ne pa heß a moniß pee pa vaßaus a napan pe Sosoenën, varih o Jiuß to teß ne Jerusalëm. 27 Ee to heß voh a ma moniß poë varih, suk o iu koman pee. Suk ataeah, ee to teß me ne a tah to matan va non manih pa ötop nee se piun ke ro Jiuß. O teß varih to hikta teß ne pan ee ro Jiuß to kon taneß voh a ma pah ö va pa ma tah vihvih to vaßaus non a ma apeere, manih po Jiuß. Ivëh, ka napan varih to hikta teß ne pan ee ro Jiuß se vaßaus varuß o Jiuß pa ma tah vihvih va po oeh.

28 Eöß se keh nat vahik eoß pan, a nap arus varih Jerusalëm to maaka e ne pa tah nee to heß suk raoe a moniß pamëh, eöß se nö nös manem Spen, paröß ep ateß ka neöm. 29 Eöß to nat e noß o poen nöß se nö nös manih peöm, e Ieesuß Kristo se vapuh rakah en pea pa tapui peß.

30 Kën poaneoß manih pa ëhnan e Ieesuß, eöß to iu noß a ö nöm se vatös me a neoß, ka pët teß a punis nöß to teß me noß, ka manih pa ma hin peöm, nöm se hinhin vaßaus a nem neoß, ke Sosoenën se vaßaus a neoß. Suk a ö na to pët vaman no sih e Ieesuß Kristo e Sunön pea, vaßpeh me o iu no a Tuvuh Vasioß to heß voh a ra. 31 Paröm teß pet nem pa hin, ke Sosoenën se matop ka no neoß manih pa napan varih to hikta vaman ne e Ieesuß manih Jiutiaß, me a ö no a napan pe Sosoenën se vaeö pa öt a moniß vëh nöß to teßteß ke noß raoe manih Jerusalëm. 32 Ke Sosoenën se keh iu non, eöß se nö nös peöm me o vaeö, ka se pët kon a tëëm pa vanot.

33 Eöß to hinhin suk ka noß neöm, pan e Sosoenën to teß me non a taateß kamöß, se teß vaßpeh me a no neöm. Oman.

Copyright information for `TPZ