bSng 51:4
cSng 14:1-3
dSng 5:9
eSng 140:3
fSng 10:7
gSng 59:7-8
hSng 36:1

Romans 3

A Taateß Hat To Hikta Onöt Non A Miröß A Taateß Vih

A to Jiuß vamaman ivëh, a teß to vatompoan me e Sosoenën pa tëëm no a Tuvuh Vasioß to pe o kupu peß, keß teß va non manih pa ö no a teß to pe a ö kokoaan peß. A soe pamëh se keh teß man non, eß se vaßaus vah va poß in a teß vëh nih to tavus pa to Jiuß?
Manih pa taateß po Jiuß e taman se keh vatvus e koaß, e koaß pamëh se teß non po vuteß pe taman.
Me a vih taeah poß no a taateß va pa pe a ö kokoaan se vaßaus vah va in a teß pamëh?
Eß to teß man rakah e non peß se vaßaus en pa teß pa ma hanan peo. Vamomoaan rakah ne Sosoenën to heß voh a ma soe, kee kiun po Puk Vapenpen peß pan, ee se matop ne ko heß pet o upöm teß. Ko upöm Jiuß se keh hikta vatet totoopin a soe pe Sosoenën, a taateß vatösoe pee onöt kës e non pa panih o kokoman pe Sosoenën pa nok a tah neß to soe voh? Ahik rakah, ea to nat e no pe Sosoenën to hikta nat non pa soe o piuk, ivëhkëk, a napan kurus ee o pikpiuk. Eß to teß va e non manih pa soe pe Sosoenën nee to kiun voh to soe va non manih pan,

“Eß se pah tavus vateeraß rakah en,
eën to pah teß vatotoopin suk e nom pa ö tooto va pën.
Ka napan se keh koman ne a vahoß a oah po vahutët,
ee to hikta onöt ne a vöknah a oah.” b 
Ea se poß soe vanih pa ö no a taateß hat pea to vatvus vateeraß en pa taateß totoopin pe Sosoenën? Eöß to to va nën, eöß to tooto ke noß pan, o teß tooto pinpiun. Ivëh, ka onöt kës e no pa soe pan, eß to ep vahat e non pa ö ne Sosoenën se vakmis a ra? Ahik rakah! E Sosoenën se keh hikta onöt non a vakmis a ra, eß me to hikta onöt non a kiiki a napan kurus varih po oeh. Ivëhkëk, ea to nat e no peß se kiiki en pa napan kurus varih. Aeoh, eß to teß akuk va e non manih po kokoman pa teß vëh to soe vamanih pan, “A soe piuk peöß se keh vatvus vateeraß in a soe man pe Sosoenën, ka tah pamëh se nok a ëhnan apuh pe Sosoenën keß tavus vaßpuh oah en, ivëh, keß teß vahvapoß non nih keß popokaß e non peöß a teß nonok hat, ko piun vahat en peöß?” A soe pamëh se keh teß man non, eß to vih e non pa ö na se soe vamanih, “Ea se nok a taateß hat, ivëh, ka taateß vih se tavus.” Eß to teß man e non po upöm teß to soe pan, eöß to soe va nën, ivëh, kee vasosöë me e ne peöß. Ivëhkëk, eß to hikta teß non pan, eß a soe peöß. Po poen ne Sosoenën se kiiki a napan, o kiiki peß se teß totoopin e non. Eöm kës to koman nem pan, ea ro Jiuß to vih oah e no po teß varih to hikta teß ne pan ee ro Jiuß? Ahik! Eöß to pokaß kurus voh eoß pa napan varih o Jiuß me o teß varih to hikta teß ne pan ee ro Jiuß, ea kurus to teß no paan o kikis va pa taateß hat.

10 Eß to teß akuk va kov e non manih, pa soe pe Sosoenën vëh nee to kiun voh to soe va non manih pan,

“Ahikta pah teß to teß totoopin non.
Ahik rakah!
11 A hikta pah teß to maaka rakah non a taateß totoopin pe Sosoenën.
Ka hikta pah teß to vavaiu non sih e Sosoenën,
marën a kë a ëhnaneah.
12 A napan kurus to heß tonun voh ee pe Sosoenën,
pare örakuk pa matan e Sosoenën.
Ahikta pah teß to nonok vavih non sih,
Ahik rakah!” c 
13 “A ma rivoeere to koa
ko teß uhioß e ne pa koveß teß mët to panan non.
Ka ma meëre to vavatvus ne sih a ma piuk,” d 
“ka ma vaato pee teß hutët e ne po kuruß vamëtmët.” e 
14 “Ee to vapöpöötan ne sih o upöm teß,
pare sosoe ne sih a ma tah to vaharaß vahat e ne pa napan.” f 
15 “A ma tamoaan nee to teß vamatop vaviß e ne pa ip vamët ro upöm teß.
16 A ma tamoaan nee to vavih vah ne,
pa miröß a napan me a heß punis raoe.
17 Pare hikta teß vakamöß me ne o upöm teß.” g 
18 “Pare hikta ta ne e Sosoenën,
ko naöp i ne poë.” h 
19 Ivëh, ka nat e no pa ma soe teraß pe Sosoenën varih to soe ne pan, o teß varih to teß ne paan o Vavaasis pe Mosës, ee to hikta onöt ne a vonih a ma taateß hat pee. Ivëh, no a napan kurus varih po oeh avoes se sun suk po kiiki pe Sosoenën. 20 Suk ahikta pah teß to onöt non a vonih manih pa taateß hat pa matan e Sosoenën. Ahik, o Vavaasis pe Mosës to onöt e non pa vataare a ra a ma hat na to nonok no sih.

A Teß To Vaman Non E Ieesuß Kristo Eß A Teß Vih, Pareß Teß Me Non O Ëhnan Vih

21 Ivëhkëk kuru, eß to tavus vateeraß en, e Sosoenën vëh no a taateß peß a totoopin, to soe vateeraß voh en pan, a napan varih to vatompoan vavih me ne poë. Ko vatompoan pamëh hikta se tavus suk non a taateß va pa vatet o Vavaasis pe Mosës. Moaan rakah voh no Vavaasis pe Mosës, me o Vavaasis po Teß Vanënën Soe, to vavaato suk voh e ne pa hanan pamëh. 22 Ko vatompoan pamëh se taneß maß pa ö no teß varih o Jiuß, me ro teß varih to hikta teß ne pan ee ro Jiuß se vaman e Ieesuß Kristo. Suk e Sosoenën to ep kurus e non pa napan to teß va e ne manih pa pah ö. 23 Suk ea kurus rakah a nap nonok hat. Para hikta iu vatet no a taateß pe Sosoenën. 24 Ivëhkëk, e Sosoenën to vatompoan rakah me voh en pea manih pa taateß ururuan peß. Eß to antoen e non pa nok ka ra a tah pamëh, suk eß to vanö maß e Ieesuß Kristo pa voen hah a ra, pareß kon hah a ra manih pa mët peß. 25 E Sosoenën to vataare voh a napan a ö ne Ieesuß se mët vah va vamanih pa tah nee to ës ke na e Sosoenën marën a vahik o heve peß. Eß to nok va nën manih pa napan, pa tëëm nee to vaman ne pan, e Ieesuß to mët suk raoe. E Sosoenën to nok a tah pamëh pa vataare a napan, pan eß a totoopin, suk ataeah, a tëëm vamomoaan voh neß to tö ke voh a napan, ko hikta vavakmis tiroëß voh non o teß varih to nonok ne a ma taateß hat. 26 Kuru e Sosoenën vëh no a taateß peß a totoopin to soe pan, a napan varih to vatompoan vavih me ne poë, pare vaman ne poë, o vaman pee, me o vatompoan pee, to vataare e non pa napan kurus, peß a teß totoopin, pa ö neß to vatompoan me a napan varih to vaman e Ieesuß.

27 Ivëh, ke ea ro Jiuß varih to vavatet no sih o Vavaasis pe Mosës, ea onöt kës e no pa kë koman hah a? Ahik rakah! Ahikta tah na se këëkë koman suk hah a no, suk ataeah, e Sosoenën to soe tavus voh en pan, a hikta pah teß to onöt non a vatompoan me eah pa ö neß se keh vavatet varoe non o Vavaasis pe Mosës. Ivëhkëk, eß to soe varoe pan, a teß se vatompoan me non poan, pa ö neß se vaman varoe e Ieesuß. 28 Ea to soe va nën, suk ea to nat e no peß to teß man e non, pan o vaman varoe pea ivëh, se vataare a ra a ö na to vatompoan vavih me e no pe Sosoenën. Ka hik manih pa ö na se keh vavatet varoe no o Vavaasis pe Mosës. 29 Eöm kës to koman nem pan, e Sosoenën se kon varoe o Jiuß, pareß hikta se kon me non o teß varih to hikta teß ne pan ee ro Jiuß? Ahik rakah! Eß se kon me en po teß varih to hikta teß ne pan ee ro Jiuß. 30 E Sosoenën varoe a paeh to antoen non a vatompoan vatotoopin me ro Jiuß pa ö nee se keh vaman e Ieesuß Kristo, suk eßeß varoe kuru a paeh to teß voh non. Me eß varoe se vatompoan vatotoopin me ro teß varih to hikta teß ne pan ee ro Jiuß, pa ö nee se keh vaman e Ieesuß Kristo. 31 Eöß kës to onöt e noß pa miröß o Vavaasis pe Mosës, pa a ö nöß to vavaasis noß pan, e Sosoenën to vatompoan vavih varoe me non sih a napan pa ö nee se keh vaman e Ieesuß Kristo? Ahik rakah! O vavaasis peöß to soe va non manih pan, o Vavaasis pe Mosës o pöh kikis to soe non pan, a napan kurus to teen voh ee pa hat.

Copyright information for `TPZ