Romans 6

Ea To Mët Vaßpeh Me Voh E Ieesuß

Ivëh, ka se poß soe ataeah? Eöm koman kës nem pan, ea se nonok vaveos avoeß nö e no pa ma taateß hat, suk e Sosoenën se ururuan avoeß nö e non pea, ha? Ahik rakah! Ea to teß va no manih pa nap mët, ivëh, ka hikta se teß hah no paan o kikis va pa taateß hat. Eöm anoe kës voh em pa ö na to vatös me voh e Ieesuß Kristo manih pa ö nee to pupui a ra? Ka tah pamëh to vataare non a ö na to vatös me eah pa mët peß. Manih pa taateß pupui na to vatös me voh ee pa mët pe Ieesuß Kristo, ke Sosoenën pe vaßpeh me voh en pea manih po vapeepe. Manih po kikis koman pe Tamön neß to kunkuin taneß hah e Ieesuß Kristo manih pa mët. Ivëh, ka se pët kon ee po toßtoß voon, marën a ö na se teß me no a taateß pe Ieesuß.

Ea to nat e no pa ö na to vatös me voh ee pe Ieesuß, para mët va ee manih pa ö neß to mët vavoh. Ivëh, keß teß akuk va kov e non manih pan, ea se pët sun vaßpeh hah me ee peß, vamanih pa ö neß to nok vavoh. Ea to nat e no, pa taateß hat vamoaan pea to mët vaßpeh me voh en pe Ieesuß Kristo manih pa kuruse. Marën o kikis va pa taateß hat pamëh, to kiu non sih manih pa sioniira se hik. Ivëh, ka hikta onöt no a tavus hah a nap kiu pa taateß hat pamëh. Suk a teß vëh to mët voh en, eß to hikta onöt non a teß hah paan o kikis va pa taateß hat.

Ea to nat e no, pea se keh mët vaßpeh me e Ieesuß Kristo, ivëh, ka vaman rakah e no pea se pët teß toßtoß me e no peß kuru, me amot. Suk ea to nat e no pe Ieesuß Kristo to sun taneß hah voh en maß pa nap mët, pareß hikta antoen non a mët hah. Ko kikis va pa mët to hikta antoen non a vöknah hah poan. 10 Oman, e Ieesuß to mët voh pa pah tëëm ro, marën a vöknah o kikis va pa taateß hat, ivëhkëk, kuru neß to kon en po toßtoß voon. Manih po toßtoß voon pamëh, neß to teß vaßpeh me e non pe Sosoenën, pareß kë non a ëhnaneah. 11 Eß to teß akuk me va kov e non manih pan, eöm me se inan vamanih, eöm me to mët këh voh em po kikis va pa taateß hat. Paröm teß toßtoß koe ke nem manih pe Ieesuß Kristo, köm vatös me eah marën a kë a ëhnan e Sosoenën.

12 Ivëh, köm se nat nem vaonöt a taateß hat, keß matop non a ma sionineöm. Peß o sionin pamëh se mët en, ivëhkëk, o apen to hikta se mët non. Eöm se keh vaonöt va in eah nën, eöm se pënton em po iu hat pa taateß pamëh. 13 Koe a heß ta pah ö manih pa sionineöm manih pa taateß hat, marën a nok a ma taateß to hikta teß totoopin ne. Eöm se keh heß rakah ëm manih pe Sosoenën, eöm se teß va e nem manih pa napan varih to mët voh, pare sun taneß hah po vapeepe. Paröm koe ke Sosoenën matop non a ma ö kurus va pa sionineöm, köm se vatet poß a ma taateß totoopin. 14 A taateß hat to hikta se teß hah non e sunön peöm, suk ataeah, kuru nöm to hikta teß hah nem paan o matop va po Vavaasis pe Mosës. Ahik, eöm to teß nem paan o matop va po ururuan vih pe Sosoenën.

Ea To Teß Va No Manih O Teß Kiu Pa Taateß Totoopin

15 Ivëh, ke eöm koman kës nem pan, ea se nonok e no pa ma taateß hat, suk ea to teß e no paan o matop va po ururuan vih pe Sosoenën? Ahik. Ea se nat no nonok va no nën, suk ataeah, ea to hikta teß hah no paan o matop va po Vavaasis pe Mosës. 16 Oman rakah! Eöm se keh heß ëm vamanih pa teß kikiu akuk manih pa meh teß, eöm se vavatet nem a soe peß. Eöm se tavus vaman em o teß kikiu akuk pa teß pamëh. Ka teß pamëh nöm to ta nem eah, eß e susun peöm. Ivëh, köm se nat nem vavatet nem a taateß hat. Peß a taateß hat pamëh se nok a neöm, köm mët, ko nö ke em pe Sosoenën. Keß eöm se vatet a taateß mamanat. Ka taateß pamëh se me en peöm manih pa matan e Sosoenën, ke Sosoenën pokaß en peöm o teß va pa taateß totoopin. 17 Moaan voh nöm to teß nem o teß kikiu akuk pa taateß hat. Ka taateß hat pamëh to matop e non peöm. Ivëhkëk, eß to vih rakah non manih pe Sosoenën, peöm to vavatet rakah me nem o vaman, pataeah no teß teßteß soe pe Sosoenën to vavaasis voh a neöm. Ko vavaasis pamëh to matop e non peöm. 18 Moaan voh nöm to teß va e nem manih pa teß kikiu akuk manih pa taateß hat. Ivëhkëk, kuru nöm to teß va e nem manih po teß kikiu akuk va pa taateß totoopin.

19 Eöß to nok a soe vapipinoß vaßih, suk ataeah, a soe va pa ö nöm to heß a ma pah ö va pa ma sionineöm vamanih po teß kikiu akuk, pa taateß kukusan, me a taateß vatösoe, me a taateß hat, a ma taateß poë varih to pepeo avoeß nö e ne. Kën kea, a ma tah poë varih to hivaß e non pa maaka a pusuneah. Ivëhkëk kuru vaßih, nöß to iu noß pan, eöm se heß a ma pah ö va pa ma sionineöm, kee kiu akuk ne manih pa taateß totoopin, köm sih tavus poß a napan koman pe Sosoenën, paröm tavus em o teß varih to vavatet ne a taateß vivihan. 20 Eöm se nok a tah pamëh, suk eöm voh o teß kikiu akuk va pa taateß hat. Eöm to taihan këh voh em pa taateß totoopin pa ö nöm to teß nem o teß kikiu akuk pa taateß hat.

21 A ma vih taneah nöm to kon voh pa tëëm nöm to teß voh nem a nap kikiu akuk va pa taateß hat? A ma tah nöm to kon voh ivarih, ee a ma tah varih to vavapoet a no neöm kuru, me a ö nee to heß mët voh ee peöm. 22 Ivëhkëk kuru vaßih, nöm to taihan këh em maß pa taateß hat. Paröm tavus em a nap kiu akuk pe Sosoenën. Ivëh, ko voaß vih i neß ivaßih, eöm to tavus em o teß varih to vavatet nem a taateß vivihan, kokon em po toßtoß tamoaan. 23 Ivëh, ka vahik in a ma soe peöß to soe va non manih pan, o voen va pa taateß hat ivëh, a mët. Ivëhkëk, o heß ne Sosoenën to heß akuk ivëh, o toßtoß tamoaan na to kon manih pe Sunön pea, Ieesuß Kristo.

Copyright information for `TPZ