Genesis 36

Esau papaghu toni

Nene pitiiŋ to Esau toman papaghu toni. (Esau iza ite Edom.)

Esau ivai Kanaan tidi ru: Ada ve Oholibama. Ada, ye Elon natu liva. Ve Elon, ye Hit taamdi. Oholibama tama Ana, ve timbu Zibeon. Zibeon, ye Ep taamdi. Esau ivai Basemat paam. Basemat, ye Ismael natu liva, ve Nebaiot livu.

Ada yesuru Esau tipoop Elipas, ve Basemat yesuru Esau tipoop Reuel. Oholibama ipoop Yeus, Yalam, ve Kora. Esau ndinatu tonowen, tipoop di izi taan Kanaan. Muri ghoro, Esau imundig igham ndizuwa, ndinatu, ve tamtoghon toni tisob to tinepneep tomani, ve ŋgai ve mburuguuŋ toni tisob to ye igham di izi Kanaan ne, ve ila ineep saguan pa tazi Yakop. Pasa, Yakop yesuru Esau ŋgai todi katindi, ve taan irau di maau. Tovenen Esau ila ineep izi lolooz to taan suruvu to Seir. (Esau iza ite Edom.)

Nene pitiiŋ to Esau papaghu toni. Esau inim pughu to yes Edoma to tineep izi lolooz to taan suruvu to Seir. 10 Esau ndinatu tivot tovene: Yesuru azuwa Ada tipoop Elipas, ve yesuru azuwa Basemat tipoop Reuel.

11 Esau natu Elipas ndinatu, nene: Teman, Omar, Sepo, Gatam, ve Kenas. 12 Elipas ivai liva ite, iza Timna. Eemoghon, ye azuwa kat maau. Ye ipoop Amalek. Nene Esau papaghu toni to tivot ila to azuwa Ada.

13 Reuel ndinatu, nene: Naat, Sera, Samma, ve Miza. Nene Esau papaghu toni to tivot ila to azuwa Basemat.

14 Esau azuwa ite Oholibama. Ye Ana natu liva, ve Zibeon timbu liva. Yesuru Esau tipoop ndinatudi tol: Yeus, Yalam, ve Kora.

15 Esau papaghu toni tonowen tila tineep izi ndug todi eŋaeŋa, ve tinim ndimaronŋa pa rumai todi todi.

Esau natu aidaba Elipas ndinatu, nene: Teman, Oman, Sepo, Kenas, Kora, Gatam, ve Amalek. Elipas papaghu toni tonowen tineep izi taan suruvu to Edom, ve tinim ndimaronŋa pa rumai todi todi. Nenen Esau papaghu toni to tivot ila to azuwa Ada.

17 Esau natu Reuel ndinatu, nene: Naat, Zera, ve Samma. Yes paam tila tineep ledi ledi izi taan suruvu to Edom, ve tinim ndimaronŋa pa rumai todi todi. Nenen Esau papaghu toni to tivot ila to azuwa Basemat.

18 Esau azuwa Oholibama ipoop Yeus, Yalam, ve Kora. Yes paam tinim ndimaronŋa pa rumai todi todi. Oholibama, ye Ana natu liva.

19 Tamtoghon tisob tonene, nene Esau papaghu toni. Yes tisob tinim ndimaronŋa pa rumai todi todi.

Seir papaghu toni

20 Ŋgeu eez ineep izi taan suruvu to Edom paam, iza Seir. Ye Or taamdi. Seir ndinatu, nene: Lotan, Sobal, Zibeon, Ana, Dison, ve Ezer. Yes tila tineep ledi ledi izi taan suruvu to Edom, ve tinim ndimaronŋa pa yes Ora.

22 Lotan ndinatu nditamoot, nene Ori ve Omam. Ve Lotan livu iza Timna.

23 Sobal ndinatu, nene: Alban, Manaat, Ebal, Sepo, ve Onam.

24 Zibeon ndinatu, nene: Aya ve Ana. Ana tonene, to iŋginŋgin esele to tama izi ndug balim, ve indeeŋ ya tuntunu eez tonowe.

25 Ana ipoop ndinatu ru. Tamoot iza Dison, ve liva iza Oholibama.

26 Dison ndinatu, nene: Emdan, Esban, Itran, ve Keran.

27 Ezer ndinatu, nene: Bilan, Zaaban, ve Akan.

28 Ve Disan ndinatu, nene: Uz ve Aran.

29 Tovenen Or papaghu toni to tivot ve tinim ndimaronŋa pa rumai todi todi, nene Lotan, Sobal, Zibeon, Ana, Dison, Ezer, ve Disan. Yes tonenen, to tiŋgin yes Ora, ve tineep ledi ledi izi taan suruvu to Seir.

Kinik to yes Edoma izadi

31 Muuŋ, sawa to yes Israela ledi kinik eta sone, yes kinik tonene tiŋgin taan suruvu to Edom.

32 Beor natu Bela, ye kinik to iŋgin taan suruvu to Edom muuŋ. Ndug toni iza Dinaaba. 33 Bela imaat, ve Zera natu Yobab igham ina. Yobab ndug toni Bosra. 34 Yobab imaat, ve Usam igham ina. Usam inim pa taan suruvu to yes Temana. 35 Usam imaat, ve Bedat natu Aad igham ina. Aad ndug toni Abit. Yesŋa yes Midiana tiparab izi taan suruvu to Moap, le ye ilib padi. 36 Aad imaat, ve Samla igham ina. Samla ndug toni Masereka. 37 Samla imaat, ve Saul igham ina. Saul ndug toni Reobot. Ndug tonowen igharau ya tiina Euprates. 38 Saul imaat, ve Akbor natu Bal-Anan igham ina. 39 Bal-Anan imaat, ghoro Aad igham ina. Aad ndug toni Pau, ve azuwa iza Meetabel. Meetabel tina iza Matret, ve timbu liva iza Me-Zaab.

40 Tovenen Esau papaghu toni to tila tineep izi ndug todi todi, ve tinim ndimaronŋa pa rumai todi todi, nene Timna, Alba, Yetet, Oholibama, Ela, Pinon, Kenas, Teman, Mibzar, Magdiel, ve Iram. Yes tonenen, to tinim ndimaronŋa pa yes Edoma, ve tiŋgin taan todi todi. Esau papaghu toni tonenen, to tivot ve tinim pughu to yes Edoma.

Copyright information for `TUCO