a1Sam 2:8; Lu 1:52

Psalms 113

Maaron, ye iza tiina ve poia pughu

Aleluia, tapait Yoova!
Yam mbesooŋa to Yoova, apakuri, ve apait iza.

Apait Yoova pa poia toni to aazne, ve itaghoni taghoni gha ila!

Yam to aneep ila pa ndag iza, ve ila pa yam to aneep ila pa ndag izila, apait Yoova iza!
Yoova ineep sala kat, ve ndug tisob tineep ila samba.
Iza ve tapiri ilib pa mbeb tisob to sambam.

Sei to irau Maaron tiei Yoova? Eta maau.
Ye inepneep ila ina to ghamuuŋ pooz to ineep sala kat.

Tovenen mata izila le izila kat to sila we, ghoro ighita mbeb to sambam paroŋania ve taan.
Eemoghon yes to ledi izadi maau, ve yes mbolaaŋa to moghon moghon tilala ndug to piyavooŋ buzbuz, ve tikalkaal adi aniiŋ,
ye lolo imaagh padi maau.

Ye ipapakur di ve iuluul di, leso tineep pooi toman tinidi iza.
Tovenen yes irau tineep toman yes daba to tighamgham pooz pa tamtoghon. a 

Ve yes ndiliva to upadi, ye ighamgham ledi inadi popoia to nepooŋ, ve ighamgham ledi ndinatudi.
Tovenen tineep toman ndinatudi tonowen, ve lolodi poia kat.
Aleluia, tapait Yoova!
Copyright information for `TUCO