Psalms 120

Suŋuuŋ to tamtoghon to lolo pa ŋgar luuma

Mbouŋ to yes to tizala Yerusalem pa suŋuuŋ

You naneep ila pataŋani lolo, ve nataŋ roran Yoova pa ulaaŋ,
ve ye ilooŋ suŋuuŋ tiou.

O Yoova, yes to avodi kaarom, ve yamadi tortoraaŋ saveeŋ, upaghau ghou padi.
Yam to yamamim booga, nene vena?
Yam aghaze awatag sa ŋgar to pale Yoova igham payam,
ve atia to pale iŋarua gham?

Poia. Alooŋ kat. Ye pale ivaneg gham pa pane natu toni to matadi kat.
Ve yab ŋgiliŋi to kaviaaŋa kat pale ighan gham.
Atia tiam, tau tonene!
Oyai, yes to aazne naneep nanim loom ila lolodi ne, ledi ŋgar maau tinimale yes kankanooŋa to ndug Mesek ve Kedar.

Ndiran to ndug tonene, lolodi pa ŋgar luuma maau kat. Ve you nakaria nepooŋ toman di, le isooŋ ghou wa.

You lolog pa ŋgar luuma, ve naghaze yeiŋa nilup ghei ninim ee moghon.
Eemoghon yes lolodi ipapazaagh di pa ghamuuŋ malmal irau sawa isob.
Copyright information for `TUCO