Psalms 123

Mbesooŋa to Maaron tighur matadi pani pa ulaaŋ

Mbouŋ to yes to tizala Yerusalem pa suŋuuŋ

O Yoova, yom uneep ila inam to ghamuuŋ pooz izi sambam.
Tovenen naghur matag payom, ve nanumeer ghom.
Yoova, yom Maaron tiei.
Ninumeer ghom pa mbeb to naol ne, ninimale mbesooŋa nditamoot ve ndiliva to tinumeer daba todi.
Tovenen yei pale nighur matamai payom pa ulaaŋ, le irau lolom isamin ghei ve uul ghei.
O Yoova, yei mbesooŋa tiom. Lolom isamin ghei, ve uul ghei lak!
Ughita. Aazne, koiamai matadi izi payei, ve tinoknok velegiiŋ ghei le isooŋ ghei!
Ndiran tonowen, nepooŋadi poia kat. Timbool pa mbeb eta maau.
Tauto timatughez payom maau, ve tinumeer taudi tighaze yes tiraua kat. Ugham ŋgar eta padi lak!
Copyright information for `TUCO