aMbo 94:17; Ro 8:31
bMbnp 1:1; Mbo 121:2

Psalms 124

Tapait Maaron pa ulaaŋ toni

Mbouŋ to yes to tizala Yerusalem pa suŋuuŋ

Mbouŋ to David

“Inimale Yoova ivool toit maau, tone tagham samia.”
Yam ival tiina to Israel irau asaav tovene:

“Sawa to koiaad tipamundigin malmal pait,
inimale Yoova ivool toit maau, tone tipasob ghiit.
Pasa, atedi yabyab pait kat. a 

Pataŋani tonowen, nene inimale yawaaŋa ivot toman tapiri, ve izugua ghiit tala, ve mbeluuta ililiit ghiit.
Ve nene inimale lulu ilooŋ, ve iweu ghiit tala ve taghun te.”
Eemoghon Yoova ipul ghiit tala koiaad nimadi ve tiwaghamun ghiit maau.
Tovenen tapaiti pa poia toni!

Sawa tonenen, iit tanimale man to liis ighami.
Eemoghon Yoova ipas ghiit tavot pa liis tonowen, ve taghau.

Yoova to ighur sambam ve taan.
Ye moghon to Ulaaŋa toit. b 
Copyright information for `TUCO