aMbo 14:7, 85:1
bMbaŋ 20:19,31; 1Kor 3:6+

Psalms 126

Yes Israela tighason Maaron pa iuul di, leso tineep poia muul

Mbouŋ to yes to tizala Yerusalem pa suŋuuŋ

Muuŋ, ndug Zion isami kat. Ve sawa to Yoova iuul ghiit ve taneep poia muul, nene igham lolood poia kat.
Eemoghon taghur ila kat maau. Taghaze pa taghita vibiiŋ moghon. a 

Sawa tonenen, tiniid iza, ve taŋiŋ kat.
Lolood poia ve talool.
Ŋgar to Yoova igham pait, ndug ndug tighita, ve tisaav tighaze: “Wai, Yoova igham uraat tintina pa yes Israela!”

Nene onoon. Yoova igham uraat tintina kat pait.
Tauto lolood poia kat.
Eemoghon Yoova, aazne nisami muul.
Tovenen nighason ghom nighaze uul ghei, leso nineep poia muul, inimale uman itap ve igham ya maakadi to Negev tireer muul.

Yes to titaŋtaŋ, ve tivazog aniiŋ,
muri pale tilup aniiŋ todi anoŋa, ve tilool toman lolodi poia. b 

Onoon kat, yes to titaŋtaŋ, ve timbaad aniiŋ uvedi tila pa vazogiiŋ,
muri pale timbaad aniiŋ anoŋa, ve tilool toman lolodi poia, ve timuul tila pa paanu.
Copyright information for `TUCO