aMt 1:21; Lu 1:68

Psalms 130

Ŋgeu eez itaŋ roran Maaron ighaze ireu sosor toni

Mbouŋ to yes to tizala Yerusalem pa suŋuuŋ

O Yoova, aazne naneep ila pataŋani tiina lolo. Nene inimale nandal nazila mazovan! Tovenen nataŋ roran ghom.

Tiina tiou, ughur taliŋam pa taŋiiz tiou.
Lolom isamin ghou, ve ulooŋ suŋuuŋ tiou tonene.
Yoova, ighaze matam kisin sosor tiei, sei irau iyoon ila matam? Eta maau.

Eemoghon yom poia pughu, ve ureureu sosor tiei.
Leso nimatughez payom, ve nitaghon ŋgar tiom.
You nanumeer Yoova ve naghur matag pani naghaze ŋeez o iuul ghou?
You naghur ila saveeŋ mbuaaŋ toni, tauto nasaŋan pa ulaaŋ to pale ivot.

You nasaŋan Yoova pa iuul ghou. Naghur matag pani nanimale yes to tiŋgin ndug pa mboŋ ne, tighur matadi pa ndugizau. Ighaze tighita ndag pusukia iza, nene igham di lolodi poia.
O yam Israela, anumeer Yoova ve aghur matamim pani pa iuul gham. Pasa, ye lolo pa tamtoghon toni ve iuluul di.
Ighaze igham mulin ghiit pa pataŋani toit, nene pale iuul ghiit kat.

Onoon kat, ye pale igham mulin iit Israela pa pataŋani toit,
ve ireu sosor toit isob ilale. a 
Copyright information for `TUCO