aMbo 24:3+
bMt 5:8; Ep 4:25
cIgham 20:16
dIgham 22:25
eIgham 22:24, 23:8; 2Pe 1:5+

Psalms 15

Sei irau ineep igharau Yoova ve isuŋ pani?

Mbouŋ to David

Yoova, sei irau ineep toman ghom ila inam patabuaŋ to suŋuuŋ?
Ve sei irau ineep izi lolooz tiom patabuaŋ Zion, ve isuŋ payom? a 
Tamtoghon to le sosor eta maau, ve laghooŋ toni poia moghon.
Ye ighamgham ŋgar deŋia, ve isasavia saveeŋ onoon moghon toman lolo. b 

Ye iwaghamun tamtoghon izadi maau, ve igham ŋgar samia eta pa ndita maau.
Ye iŋgal saveeŋ pa toŋvetaz toni maau, ve inin avo padi maau. c 

Ndiran samsamia to Maaron ipul muri padi, ye paam ipul muri padi.
Ve yes to timatughez pa Yoova ve titaghon ŋgar toni, ye ipapait di.
Sa saveeŋ to ye imbua, irau lolo imaagh pani maau. Ighaze ipataŋan pani pa itaghoni, nene poia. Eemoghon ye pale itaghon saveeŋ mbuaaŋ toni.

Ve ighaze ndita tigham bun ila toni, sawa to tiyati, nene pale tiyat yaam anoŋa moghon. Ye irau ipoi pa avua izala pogho maau.
Ve ighaze tamtoghon tighaze tigholi leso iŋgal saveeŋ pa yes to ledi sosor maau, ye irau iyok padi maau. d 

Tamtoghon to titaghon ŋgar naol tonene, yes pale tiyoon ariaŋa.
Mbeb eta irau igham di ruŋadi iza ne maau. e 
Copyright information for `TUCO