aMbo 50:12, 89:11; 1Kor 10:26
cMbnp 1:9; 2Pe 3:5
dMbo 15:1
eIgham 20:16; Mbo 51:10; Mt 5:8
gMt 21:5
hIgham 15:3+

Psalms 24

Maaron, ye kinik to iza tiina pa tapiri ve poia toni

Mbouŋ to David

Taan toman mbeb tisob to tineep ila, nene to Yoova.
Ndug tisob toman tamtoghon to tineep ila, nene toni moghon. a 

Pasa, ye to ighur taan ipot izala te pogho.
Ve ipariaaŋ taan pughu ineep tuŋia izila te lolo to sila kat we.
(24:2) Yes Kanaana tighur ila tighaze te, ye le maaron. Ve ledi maaron ite paam iza Baal. Yes tighur ila tighaze muuŋ kat, yesuru tiparab, le Baal ilib pa maaron to te, ve ighur taan ineep tuŋia izala te pogho. Ŋgeu to itoor mbouŋ tonene isaav tovene: Yoova to ighur taan ve te.
,
c 
Sei irau izala lolooz to Yoova ve isuŋ pani?
Ve sei irau ilooŋ ila rumai toni patabuaŋ, ve iyoon ila mata? d 

Tamtoghon tovene: Ye igham sosor eta maau. Ve ŋgar isob to ineep ila lolo, nene ŋgalaaŋa moghon.
Ye ipait maaron kaaromŋa maau, ve iwaat Maaron iza sorok pa ipalot saveeŋ kaarom maau. e 

Tamtoghon tovene, poia to Yoova pale iza toni.
Maaron to Volaaŋa toni ne, pale igham mulini ve ineep pooi, ve ipatooŋa ighaze ye ŋgeu deŋia.

Ndiran tovene tizuaria di pa Maaron.
Yes tighaze tila tivot to Maaron to Yakop nagho, ve tisuŋ pani.
O yam ataam, akaak ve tinimim iza.
Yam ataam to muuŋ kat tigharaat gham, tinimim iza, ve akaak le akaak kat.
Leso soso irau kinik to iza tiina pa tapiri ve poia toni, itaghoni ilooŋ ila.
(24:7) Ughita 2 Samuel 6:1-19. Bokis to Saveeŋ Mbuaaŋ to muuŋ ineep ila mbeez patabuaŋ to Maaron ve yes Israela timbadbaada, yes tighita tighaze Maaron tau inepneep ila. Tovenen sawa to timbaad bokis tonowen ve tilooŋ tila Yerusalem, tigham ŋgar tighaze Maaron tau ilooŋ ila Yerusalem.
,
g 

Laak, kinik to iza tiina pa tapiri ve poia toni, nene sei?
Nene Yoova. Ye ariaŋa, ve tapiri tiina.
Ve ye iraua kat pa malmal. h 
O yam ataam, akaak ve tinimim iza.
Yam ataam to muuŋ kat tigharaat gham, tinimim iza, ve akaak le akaak kat.
Leso soso irau kinik to iza tiina pa tapiri ve poia toni, itaghoni ilooŋ ila.

10 Laak, kinik to iza tiina pa tapiri ve poia toni, nene sei?
Nene Yoova. Ye Maaron ariaŋa, ve iŋgin mbeb tisob.
Onoon kat, ye kinik to iza tiina pa tapiri ve poia toni.
Copyright information for `TUCO