aMbo 4:8
bMbo 23:4, 27:3
cMbo 62:7+; Syg 7:10

Psalms 3

Suŋuuŋ to mboŋmaagh

Mbouŋ to David

Mbouŋ tonene iŋarua sawa to David ighau pa natu Absalom.

O Yoova, you koiagŋa katindi.
Ival tiina kat timundig tighaze tiwaghamun ghou.

Yes tisavsaav payou tighaze: “Maaron ipul muri pani wa. Irau iuuli muul maau.”
Eemoghon Yoova, yom unum sigeu payou ve upoon ghou.
You tinig iza pasa, yom ugham izag inim tiina, ve upalot ghou le nalib pa koiagŋa.

You nataŋ roran Yoova toman aliŋag tiina naghaze iuul ghou.
Ve ye ineep izi lolooz toni patabuaŋ, ve ilooŋ ghou.
Tovenen you nazi nagheen le lolog imaagh.
Pasa, Yoova tau to mata pa ghenooŋ tiou le namundig muul. a 

Ighaze koiagŋa ndiŋndiŋ ndiŋndiŋ saaŋgul (10,000) tiluvut ghou pa tigham malmal payou, you irau namatughez padi maau. b 
O Yoova, rikia moghon umundig ve uul ghou!
Urab koiagŋa azedi le livodi ipolpol. Ve urab matin tapiridi le isob kat.
Yoova, yom moghon to irau ugham mulin ghou.
Ughur poia tiom iza to tamtoghon tiom tisob, leso tinidi iza ve tineep pooi. c 
Copyright information for `TUCO