bLu 22:69; Ep 1:20

Psalms 61

Suŋuuŋ to ŋgeu eez to ineep mala pa ndug toni

Mbouŋ to David

Ŋgeu to imuuŋ pa mbouŋ, irau isaav pa tamtoghon tirab gita, ve timbou mbouŋ tonene

O Maaron, ulooŋ taŋiiz tiou.
Ughur taliŋam pa suŋuuŋ tiou tonene, ve uul ghou.

Pasa aazne, you naneep mala kat pa ndug tiou,
ve matughezaaŋ tiina igham ghou le tapirig isob.
Tovenen napoi ghom naghaze uul ghou.
Ugham ghou naneep izala raŋ to izala kat.
(61:2) Ŋgara pida tighaze raŋ to ŋgeu tonene isavia, nene lolooz Zion to rumai to Maaron iyoon izala ne. Ve ŋgara pida tighaze raŋ tonowen iza to Maaron tau.

Leso mbeb eta iwaghamun ghou sob, ve naneep pooi.

Pasa, yom to unum inag to yoŋgaaŋ.
Yom uponpoon ghou pa koiagŋa unumale ruum ariaŋa to daba mala.
You naŋazuuv ghom naghaze le naneep ila mbeez tiom lolo, ve nanim loom payom irau sawa isob.
You naghaze nalat tiom ve upoon ghou inimale tatareek ipakud ndinatu ila bage samba.

Maaron, saveeŋ to nambua toman ghom, yom ulooŋa wa.
Yes to timatughez payom ve titaghon ŋgar tiom, yom ughamgham mbeb popoiadi naol padi. Mbeb tonowen, yom ugham di payou paam.
O Maaron, useeŋ sawa to kinik tiei.
Nighaze ye ineep tovene itaghoni taghoni gha ila.

Nighaze ye ineep ila ina to ghamuuŋ pooz ila naghom, ve igham pooz irau sawa isob.
Yom lolom ineep tuŋia ila to tamtoghon tiom ve uluul di. Ve sawa isob, utataghon saveeŋ mbuaaŋ tiom.
Tovenen matam pa kinik tiei, ve uŋgini ineep pooi. b 

Ighaze ugham tovene, you pale nambou ve napait izam irau sawa isob.
Ve ndag to naol ne, you pale nagham uraat pa saveeŋ to nambua toman ghom, leso anoŋa ivot.
Copyright information for `TUCO