aMt 21:16
bMbnp 1:14; Mbo 19:1+
cMbo 144:3+; Hib 2:6
dHib 2:6-7
eMbnp 1:28, 9:2

Psalms 8

Iit tamtoghon tanim sa mbeb poia to Maaron mata iŋgalŋgal ghiit?

O Yoova, Tiina tiei, yom upatooŋ izam tiina irau taan isob.
Yom upambood taum pa ŋgurubam to tiina kat. Ilib pa mbeb tisob to sambam paroŋania.
Yom ughur yes ndipain ve yes to gegegeu kat pa tipait izam ve tipatooŋ tapirim.
Leso ugham koiamŋa neneeŋadi, ve upoon yes ndiran to didiaaŋ avodi. a 
Matag izala pa sambam paroŋania, ve naghita nimam muri inepneep.
You naghita kaiyo ve pitum to yom taum ughur di tila inadi, b 

ve naghaze: “Yei tamtoghon to taan, ninim sa mbeb poia, to yom matam iŋgalŋgal ghei?
Pughu vena to matam payei? c 
Yom ughur ghei nizi ris moghon pa yes aŋela ve yom taum.
Ve upakur ghei ve ugham izamai ivot inim tiina. d 

Yom ughur ghei pa niŋgin nimam muri,
ve ughur mbeb tisob tineep ila sambamai: e 

Ŋgai naol to paanu,
ve mbeb tisob to tineep ila su,

man tisob to tirovroov ila tata paroŋania,
ve iigh tisob to tighaughau ila te lolo.
O Yoova, Tiina tiei,
yom upatooŋ izam tiina irau taan isob.
Copyright information for `TUCO