Psalms 93

Yoova, ye kinik tiina

Yoova, ye kinik tiina to ighamgham pooz pa mbeb tisob.
Ŋguruba toman tapiri, tauto tiluvuti tinimale nonogiiŋa toni.
Muuŋ kat, ye ighur taan le pughu tuŋia kat. Tauto mbeb eta irau induura maau.
Yoova, muuŋ kat, sawa to ughur mbeb eta ivot sone, yom uneep pataghaaŋ wa.
Sawa tonowen ve inim, pooz tiom ineep ariaŋa.
Yoova, te imundig toman tapiri ighaze ireu ndug,
ve avolutu tiina inimale lalaav.
Dibom tipolpol, ve tighelghel taan toman avolutu tiina.

Eemoghon Yoova, yom ariaŋam kat.
Yom uneep sala, ve ughamgham pooz pa mbeb tisob.
Te to avolutu tiina inimale lalaav ne, tapirim ilib pani.
Ve dibom tovene paam, tapirim ilib padi.
O Yoova, ataam to yom ughuri pa tamtoghon tiom, leso yamŋa alup gham anim ee moghon, nene ineep tuŋia tovene irau sawa isob. Irau utoora maau.
Ŋgar patabuaŋ pale ipambood rumai tiom itaghoni taghoni gha ila.
Copyright information for `TUCO