bIs 11:2-5
cIgham 4:15; 1Sam 7:9
dIgham 19:9, 33:9
eIgham 34:6+

Psalms 99

Maaron, ye kinik patabuaŋ

Yoova, ye kinik tiina to iŋgin mbeb tisob.
Tovenen yam ndug ndug asob amatughez pani, ve tinimim irur.
Ye ineep ila ina to ghamuuŋ pooz to ineep izala aŋela ariaŋadi avaradi.
(99:1) Aŋela ariaŋadi tonene, tiwaat di tighaze ‘cherubim.’ Tapiridi ve ŋgar todi, nene tiina kat, ve yes irau tila tinim rikrikia moghon. Ezekiel ŋgat 1 ipatooŋ ghiit padi ighaze Maaron ina to ghamuuŋ pooz iyoon izala avaradi. Yes Israela tipayoon cherubim anunudi ru tizala bokis to saveeŋ mbuaaŋ pogho. Pasa, tighita tighaze bokis tonowen, nene inim ghilalooŋ pa Yoova ina to ghamuuŋ pooz.

Tapiri igham taan irur ve ilala inimnim inimale yoŋgyoog itoktok.

Yoova inepneep izi ndug toni Zion. Iza toman tapiri, tiina kat.
Ndug tisob tineep ila samba.
Yoova, yom izam tiina, ve tapirim paam, tiina kat. Ve yom patabuaŋ.
Tauto tamtoghon tisob pale timatughez payom, ve tipait izam.

Yom kinik ariaŋam, ve lolom pa ŋgar deŋia kat.
Yom to unum pughu pa ŋgar deŋia.
Yom upapalot ŋgar deŋia le ineep ariaŋa ila yes Israela lolodi, ve uluul di pa pataŋani todi. b 
Tapait Yoova, ye Maaron toit.
Tala taput agheed izi ina to ghamuuŋ pooz nagho, ve tapaiti. Pasa, ye patabuaŋ.
Muuŋ, Mose yesuru Aron tinim ndiran to watooŋrau.
Tamtoghon to titaŋ roran Maaron pa ulaaŋ, propet Samuel, ye todi eez paam.
Ve Yoova ilooŋ suŋuuŋ todi, ve iuul yes Israela. c 

Sawa to yes Israela tilaghlaagh izi ndug balim, Yoova ineep ila yaghur tae lolo, ve isavsaav padi.
Ye ighur tutuuŋ padi, leso yesŋa tilup di tinim ee moghon.
Ve matadi kisin tutuuŋ tonowen toman tutuuŋ pida to ye igham padi, ve titaghon di. d 
Yoova, yom Maaron tiei. Yom uloŋlooŋ suŋuuŋ to tamtoghon tiom, ve upulpul sosor todi.
Eemoghon ughurghur atia pa sosor todi paam. e 
Tapait Yoova, ye Maaron toit.
Taput agheed pani izi lolooz toni patabuaŋ, ve tapaiti.
Pasa, Maaron toit Yoova, ye patabuaŋ.
Copyright information for `TUCO