Genesis 36

Esau paaghu tooni

Ene pitiiŋ to Esau tomania paaghu tooni. (Esau eeza ite Edom.)

Esau ivai Kanaan tinazi ru: Ada ve Oholibama. Ada, i Elon natliva. Elon, i Hit tamazi. Oholibama taama Ana, ve tiimbu Zibeon. Zibeon, i Ep tamazi. Esau ivai Basemat paam. Basemat, i Ismael natliva, ve Nebaiot liivu.

Ada yesuru Esau tipoop Elipas, ve Basemat yesuru Esau tipoop Reuel. Oholibama ipoop Yeus, Yalam, ve Kora. Esau natŋa tawe, ta tipoop zi izi taan Kanaan. Murei ra, Esau iburig igham azauŋa, natŋa, ve tamtamon tooni tisov tau tilepleep tomania, ve ŋgai ma yauyauŋ tooni naol isov tau i igham zi izi Kanaan na, ve ila ileep soghan pa taazi Yakop. Pasaa, Yakop yesuru Esau ŋgai toozi katini, ve taan irau zi mako. Tauvene Esau ila ileep izi taan sirivu to Seir loloza. (Esau eeza ite Edom.)

Ene pitiiŋ to Esau paaghu tooni. Esau imin puughu pa yes Edoma tau tileep izi taan sirivu to Seir loloza. 10 Esau natŋa tivot tauvene: Yesuru azaawa Ada tipoop Elipas, ve yesuru azaawa Basemat tipoop Reuel.

11 Esau naatu Elipas natŋa ene: Teman, Omar, Sepo, Gatam, ve Kenas. 12 Elipas ivai livaa ite paam imin azaawa zazagheeŋ, eeza Timna, ve i ipoop Amalek. Ene Esau paaghu tooni tau tivot ila to azaawa Ada.

13 Reuel natŋa, ene: Naat, Sera, Samma, ve Miza. Ene Esau paaghu tooni tau tivot ila to azaawa Basemat.

14 Esau azaawa ite Oholibama. I Ana natliva, ve Zibeon timliva. Yesuru Esau tipoop natuzŋa tol: Yeus, Yalam, ve Kora.

15 Esau paaghu tooni tawe tila tileep izi nugh toozi eŋaeŋa, ve timin zimaronŋa pa rumei toz toz.

Esau naatu aidaaba Elipas natŋa, ene: Teman, Oman, Sepo, Kenas, Kora, Gatam, ve Amalek. Elipas paaghu tooni tawe tileep izi taan sirivu to Edom, ve timin zimaronŋa pa rumei toz toz. Ena Esau paaghu tooni tau tivot ila to azaawa Ada.

17 Esau naatu Reuel natŋa, ene: Naat, Zera, ve Samma. Yes paam tila tileep lez lez izi taan sirivu to Edom, ve timin zimaronŋa pa rumei toz toz. Ena Esau paaghu tooni tau tivot ila to azaawa Basemat.

18 Esau azaawa Oholibama ipoop Yeus, Yalam, ve Kora. Yes paam timin zimaronŋa pa rumei toz toz. Oholibama, i Ana natliva.

19 Tamtamon tisov tane, ene Esau paaghu tooni. Yes tisov timin zimaronŋa pa rumei toz toz.

Seir paaghu tooni

20 Ŋeer ee ileep izi taan sirivu to Edom paam, eeza Seir. I Or tamazi. Seir natŋa, ene: Lotan, Sobal, Zibeon, Ana, Dison, Ezer, ve Disan. Yes tila tileep lez lez izi taan sirivu to Edom, ve timin zimaronŋa pa yes Ora.

22 Lotan natŋa zitamoot, ene Ori ve Omam. Ve Lotan liivu eeza Timna.

23 Sobal natŋa, ene: Alban, Manaat, Ebal, Sepo, ve Onam.

24 Zibeon natŋa, ene: Aya ve Ana. Ana tane, ta iŋginŋgin doŋki to taama izi nugh ŋginaaŋa, ve indeeŋ yaa tuntunu ee ta sewe.

25 Ana ipoop natŋa ru. Tamoot eeza Dison, ve livaa eeza Oholibama.

26 Dison natŋa, ene: Emdan, Esban, Itran, ve Keran.

27 Ezer natŋa, ene: Bilan, Zaaban, ve Akan.

28 Ve Disan natŋa, ene: Uz ve Aran.

29 Tauvene Or paaghu tooni tau tivot ve timin zimaronŋa pa rumei toz toz, ene Lotan, Sobal, Zibeon, Ana, Dison, Ezer, ve Disan. Yes tana, ta tiŋgin yes Ora, ve tileep lez lez izi taan sirivu to Seir.

Kinik to yes Edoma ezazi

31 Muuŋ, saawe tau yes Israela lezi kinik eta soone, yes kinik tane tiŋgin taan sirivu to Edom.

32 Beor naatu Bela, i kinik tau iŋgin taan sirivu to Edom imin maata. Nugh tooni eeza Dinaaba. 33 Bela imaat, ve Zera naatu Yobab igham niia. Yobab nugh tooni Bosra. 34 Yobab imaat, ve Usam igham niia. Usam ilam pa taan sirivu to yes Temana. 35 Usam imaat, ve Bedat naatu Adad igham niia. Adad nugh tooni Abit. Yesŋa yes Midiana tiparav izi taan sirivu to Moap, le i iliiv zi. 36 Adad imaat, ve Samla igham niia. Samla nugh tooni Masereka. 37 Samla imaat, ve Saul igham niia. Saul nugh tooni Reobot. Nugh tawe igharau yaa tiina Euprates. 38 Saul imaat, ve Akbor naatu Bal-Anan igham niia. 39 Bal-Anan imaat, ra Adad igham niia. Adad nugh tooni Pau, ve azaawa eeza Meetabel. Meetabel tiina eeza Matret, ve timliva eeza Me-Zaab.

40 Tauvene Esau paaghu tooni tau tila tileep izi nugh toz toz, ve timin zimaronŋa pa rumei toz toz, ene Timna, Alba, Yetet, Oholibama, Ela, Pinon, Kenas, Teman, Mibzar, Magdiel, ve Iram. Yes tana, ta timin zimaronŋa pa yes Edoma, ve tiŋgin taan toz toz. Esau paaghu tooni tana, ta tivot ve timin puughu to yes Edoma.

Copyright information for `TUCT