bHib 11:5

Genesis 5

Adam paaghu tooni

Ene pitiiŋ to Adam ve paaghu tooni:

Saawe tau Maaron ighur tamtamon, ighur zi timin i tauu.
Ighur tamoot ve livaa. Ve ighur poia tooni izaa toozi ve iwaat zi ighe “tamtamon.”
(5:2) Yes Israela tiwaat ‘tamtamon’ ila tauzi aliŋazi tighe: ‘Adam’.


Adam ndaman tooni irau 130, ra yesuru azaawa tipoop natuzi ee. I igham taama naagho. Yesuru raratezi kat. Adam iwaat eeza ighe Set. Set izi, ve Adam ileep muul irau ndaman 800, ve tipoop natuzŋa zitamoot ve zilivaa siriv. Tauvene Adam ileep irau ndaman 930, ra imaat.

Set paaghu tooni

Set ndaman tooni irau 105, ve yesuru azaawa tipoop natuzi aidaaba, eeza Enos. Enos izi, ve Set ileep muul irau ndaman 807, ve tipoop natuzŋa zitamoot ve zilivaa siriv. Tauvene Set ileep irau ndaman 912, ra imaat.

Enos ndaman tooni irau 90, ve yesuru azaawa tipoop natuzi aidaaba, eeza Kenan. 10 Kenan izi, ve Enos ileep muul irau ndaman 815, ve tipoop natuzŋa zitamoot ve zilivaa siriv. 11 Tauvene Enos ileep irau ndaman 905, ra imaat.

12 Kenan ndaman tooni irau 70, ve yesuru azaawa tipoop natuzi aidaaba, eeza Malalel. 13 Malalel izi, ve Kenan ileep muul irau ndaman 840, ve tipoop natuzŋa zitamoot ve zilivaa siriv. 14 Tauvene Kenan ileep irau ndaman 910, ra imaat.

15 Malalel ndaman tooni irau 65, ve yesuru azaawa tipoop natuzi aidaaba, eeza Yared. 16 Yared izi, ve Malalel ileep muul irau ndaman 830, ve tipoop natuzŋa zitamoot ve zilivaa siriv. 17 Tauvene Malalel ileep irau ndaman 895, ra imaat.

18 Yared ndaman tooni irau 162, ve yesuru azaawa tipoop natuzi aidaaba, eeza Enok. 19 Enok izi, ve Yared ileep muul irau ndaman 800, ve tipoop natuzŋa zitamoot ve zilivaa siriv. 20 Tauvene Yared ileep irau ndaman 962, ra imaat.

21 Enok ndaman tooni irau 65, ve yesuru azaawa tipoop natuzi aidaaba, eeza Metusela. 22 Metusela izi, ve Enok ileep muul irau ndaman 300, ve tipoop natuzŋa zitamoot ve zilivaa siriv. Enok lepoogh tomania laghooŋ tooni, i maata iŋgalŋgal Maaron ve itaghon eez tooni irau saawe. Tauvene ileep irau ndaman 365, ra Maaron ighamu gha izala, ve tighita muul mako. b 

25 Metusela ndaman tooni irau 187, ve yesuru azaawa tipoop natuzi aidaaba, eeza Lamek. 26 Lamek izi, ve Metusela ileep muul irau ndaman 782, ve tipoop natuzŋa zitamoot ve zilivaa siriv. 27 Tauvene Metusela ileep irau ndaman 969, ra imaat.

28 Lamek ndaman tooni irau 182, ve yesuru azaawa tipoop natuzi aidaaba. 29 Lamek isaav ighe: “Maaron ivaghamunia taan, tauta nigham uraat tiina kat to niil lemai aniiŋ. Eemon natumai tane pale igham uleeŋ ivot payei pa uraat pataŋani tau nighamghamu pa nimamai ne.” Tauta iwaat naatu eeza Noa. 30 Noa izi, ve Lamek ileep muul irau ndaman 595, ve tipoop natuzŋa zitamoot ve zilivaa siriv. 31 Tauvene Lamek ileep irau ndaman 777, ra imaat.

32 Noa ndaman tooni 500, ra yesuru azaawa tipoop natuzŋa zitamoot tol, ezazi Sem, Ham, ve Yapet.

Copyright information for `TUCT